ត្រឡប់ពីបត់ជើងវិញ ស្រាប់តែស្រែកទ្រហោយំ
ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗ …
ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗបង្កឲ្យកាលពីវេលាម៉ោងប្រហែល៥ទៀបភ្លឺ ថ្ងៃទី១ ខែធ្នូ ឆ្នាំ២០១៦ ហើយត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។
នគរបាលស្រុកកោះសូទិនបានឱ្យដឹងថា មុនពេលកើតហេតុស្ត្រីរងគ្រោះបានដើរទៅបត់ជើងនៅបន្ទប់ទឹកចំហៀងផ្ទះ លុះពេលដើរត្រឡប់មកផ្ទះវិញមិនទាន់ទាំងដល់ផ្ទះផង ស្រាប់តែមានជនមិនស្គាល់មុខបានជះទឹកអាស៊ីតចំក្បាល និងដងខ្លួន តែមិនធ្ងន់ធ្ងរខ្លាំងនោះទេ ប៉ុន្តែបណ្ដាលឲ្យស្ត្រីរងគ្រោះក្តៅក្រហល់ក្រហាយស្រែកទ្រហោយំយ៉ាងខ្លាំង ។ ភ្លាមៗនោះស្ត្រីរងគ្រោះត្រូវបានសាច់ញាតិប្រញាប់បញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។
នគរបាលស្រុកកោះសូទិនឲ្យដឹងទៀតថា ក្រោយពេលកើតហេតុសមត្ថកិច្ចមូលដ្ឋានបានក៏ចុះទៅដល់ផ្ទះកើតហេតុដើម្បីធ្វើកាស្រាវជ្រាវបញ្ជាក់ថា នៅពេលកើតហេតុគឺចំពេលភ្លើងអគ្គិសនីកំពុងដាច់ផង ។ ហើយនៅរសៀលថ្ងៃទី១ ខែធ្នូ កម្លាំងជំនាញបានចុះទៅសួរនាំស្ត្រីរងគ្រោះដល់មន្ទីរពេទ្យបង្អែកស្រុកដើម្បីស្វែងរកការពិត ហើយបង្ហើបប្រាប់ថា ការវាយប្រហារដោយទឹកអាស៊ីតនេះអាចពាក់ព័ន្ធទៅនឹងរឿងស្នេហាត្រីកោណ ។
នគរបាលស្រុកកោះសូទិនបញ្ជាក់ថា ស្ត្រីរងគ្រោះឈ្មោះ នង់ សុខឡេង អាយុ៣៩ឆ្នាំ រស់នៅភូមិទី១០ ឃុំព្រែកតានង់ ស្រុកកោះសូទិន ចំណែកជនសង្ស័យបានរត់គេចខ្លួនបាត់ ដែលពេលនេះសមត្ថកិច្ចកំពុងតែធ្វើការស្រាវជ្រាវស្វែងរកដើម្បីចាប់ខ្លួនយកមកផ្ដន្ទាទោសតាមច្បាប់ ៕
ចែករំលែកព័តមាននេះ