វីដេអូឃ្លីបមួយអមនឹងរូបថតជាច្រើនសន្លឹកបង្ហាញពីសកម្មភាព ការលោ.តម៉ុងសាយនៅក្នុងទីវត្តអារាមព្រះពុទ្ធសាសនាមួយកន្លែង ដែលបង្ហោះលើគណនីហ្វេសប៊ុករបស់ភិក្ខុមួយអង្គ បានបង្កនូវព្យុះភ្លៀងនៃការរិះគន់យ៉ាងខ្លាំងពីសំណាក់មហាជន ជាពិសេស
រាជធានីភ្នំពេញ៖ វីដេអូឃ្លីបមួយអមនឹងរូបថតជាច្រើនសន្លឹកបង្ហាញពីសកម្មភាព ការលោ.តម៉ុងសាយនៅក្នុងទីវត្តអារាមព្រះពុទ្ធសាសនាមួយកន្លែង ដែលបង្ហោះលើគណនីហ្វេសប៊ុករបស់ភិក្ខុមួយអង្គ បានបង្កនូវព្យុះភ្លៀងនៃការរិះគន់យ៉ាងខ្លាំងពីសំណាក់មហាជន ជាពិសេសអ្នកលេងបណ្តាញសង្គមហ្វេសប៊ុកតែម្តង។
វីដេអូឃ្លីបមានរយៈពេលជាង៣នាទី បង្ហាញពីសកម្មភាព «ការលោ.តម៉ុងសាយ» មានសត្វតោចំនួន២ ពណ៌ក្រហម.ស និងពណ៌លៀង.ស ធ្វើសកម្មភាពសម្តែងលោ.តហក់ចុះឡើងក្នុងព្រះវិហារមួយកន្លែង ដែលគេស្គាល់ច្បាស់ថា ព្រះវិហារព្រះពុទ្ធសាសានា។
ការរិះគន់បានផ្ទុះឡើងដូចទឹកបាក់ទំនប់ ដោយសារតែអ្នកលេងបណ្តាញសង្គមបានលើកឡើងថា «ការលោ.តម៉ុងសាយ» គឺជាទម្រង់ការរាំជាប្រពៃណីវប្បធម៌បុរាណចិន និងប្រទេសច្រើនទៀតក្នុងទ្វីបអាស៊ី ដែលទម្រង់នៃការរាំនេះ គឺសម្តែងកាយវិការ និងតុបតែងជាសត្វតោ។ «ការលោ.តម៉ុងសាយ» នេះទៀត សោតភាគច្រើនសម្តែងក្នុងអំឡុងពេលពិធីបុណ្យ «ចូលឆ្នាំចិន» និងពិធីបុណ្យប្រពៃណីចិនផ្សេងទៀតដូចជា ពិធីបុណ្យវប្បធម៌ និងសាសនាជាដើម។
ក្រៅពីនេះ «ការលោ.តម៉ុងសាយ» ក៏សម្តែងក្នុងឱកាសពិសេសៗដូចជា ពិធីបើកមុខជំនួញថ្មី អាពាហ៍ពិពាហ៍ ឬក្នុងពិធីផ្តល់កិត្តិយសស្វាគមន៍ភ្ញៀវ ពិសេសដោយសហគមចិនផងដែរ ។ វីដេអូឃ្លីប និងរូបភាពបង្ហាញពីសកម្មភាព «ការលោ.តម៉ុងសាយ» បង្ហោះក្នុងគណនីហ្វេសប៊ុកឈ្មោះ «ភិក្ខ សុភមិតោ ផល សុភា» កាលពីថ្ងៃទី២៤ ខែមិថុនា វេលាម៉ោង៩៖១២នាទីយប់ អមនឹងសារថា « មុខពេលនិងចេញហែ» ទទួលការចែកចាយ (ស៊ែរ) ជាង៩៧០ដង គិតត្រឹមព្រឹកម៉ោង១១ ថ្ងៃទី២៦ ខែមិថុនា និងការខមមិនជិត២០០ដង។
ក្នុងនោះមតិជាច្រើនលើសលុប គឺសម្តែងការមិនពេញចិត្តចំពោះសកម្មភាពខាងលើ ដោយខ្លះពោលថា «យកបុគ្គលខ្វះការពិចារណបែបនឹងមកដឹងនាំវត្ត» និងខ្លះទៀត អ្នកលេងបណ្តាញសង្គមហ្វេសប៊ុកជាច្រើនបានធ្វើការចែកចាយនូវវីដេអូ និងរូបភាពនៃការលោ.តម៉ុងសាយ ដែលជាប្រពៃណី វប្បធម៌របស់បងប្អូនជនជាតិចិន អមនឹងសំណេររិះគន់យ៉ាងចាស់ដៃ ក្នុងនោះអ្នកលេងបណ្តាញសង្គមហ្វេសប៊ុកបានបញ្ចេញមតិថា «ទីវត្តអារាមមិនត្រូវកាបែបនឹងទេសូមយល់ផង បើមិនដឹងសួរគេផង»។
ចំណែកគណនីហ្វេសប៊ុកខ្លះ ក៏សម្តែងការហួសចិត្តថា «តើសាសនាព្រះពុទ្ធមានចែងច្បាប់មកចឹងទេ តេជគុណអើយ0x017d7។ បើឧបាសកឧបាសិកាជាអ្នកថត ខ្ញុំមិនថាទេ តែនេះតេជគុណ ថតទៀត» និងខ្លះទៀតលើកឡើងថា «ខ្មោចចិនដល់ព្រះពុទ្ធសាសនាហើយ» ជាដើម។ ក្នុងនោះអ្នកលេងបណ្តាញសង្គមខ្លះ ក៏បានបញ្ជាក់ឈ្មោះក្រសួងធម្មការ និងសាសនាចូល ដូចទំនងសុំទៅក្រសួងឱ្យពិនិត្យលើបញ្ហានេះផងដែរ ។
អ្វីដែលគួរឱ្យចាប់អារម្មណ៍បំផុត គឺគណនីហ្វេសប៊ុកឈ្មោះ គុជ សីហ៌ បានពោលចំៗថា «កន្លែងដែលមិនគួរធ្វើអ្វីដែលរញ៉េរញ៉ៃ គឺក្នុងវត្ត ដូចជា សាលាឆាន់ ក្នុងវិហារ តែសព្វថ្ងៃនេះ ព្រះសង្ឃ១ចំនួន បែរមិនយល់សេចក្តីគោរពកោតខ្លាចព្រះសម្មាសម្ពុទ្ធជាម្ចាស់ »៕
ចែករំលែកព័តមាននេះ