ជាប់ទោស! ក្រោយយកលាមកធ្វើជាថ្នាំចាក់ឱ្យកូនប្រុស
អាមេរិក ៖ ស្ត្រីជាម្តាយម្នាក់ មកពីរដ្ឋ Indiana ឈ្មោះ Tiffany Alberts ត្រូវបានជាប់ទោស បន្ទាប់ពីបានព្យាបាលជំងឺមហារីកឱ្យកូនប្រុស ដោយដៃឯងចេះជាងគ្រូពេទ្យជំនាញ ។
អាមេរិក ៖ ស្ត្រីជាម្តាយម្នាក់ មកពីរដ្ឋ Indiana ឈ្មោះ Tiffany Alberts ត្រូវបានជាប់ទោស បន្ទាប់ពីបានព្យាបាលជំងឺមហារីកឱ្យកូនប្រុស ដោយដៃឯងចេះជាងគ្រូពេទ្យជំនាញ ។
ក្មេងប្រុសអាយុ១៥ឆ្នាំ ត្រូវកូនរបស់នាងបានទទួលការព្យាបាលជំងឺមហារីកឈាម ពីសំណាក់មន្ទីរពេទ្យ Riley សម្រាប់កុមារ តាំងពីនៅដើមខែសីហា មកម្ល៉េះ ។ កូនប្រុសគាត់ត្រូវបានគ្រូពេទ្យអនុញ្ញាតឱ្យត្រឡប់ទៅផ្ទះវិញ កាលពីខែកញ្ញា ព្រោះបានធូរច្រើន តែនៅពេលប៉ុន្មានថ្ងៃក្រោយមក ក៏ត្រឡប់ចូលពេទ្យវិញ ដោយសារមានជម្ងឺមួយទៀត ។
គ្រូពេទ្យបានបូមឈាមយកទៅមើល ក៏ឃើញមានអតិសុខមប្រាណម្យ៉ាង ដែលជាទូទៅមាននៅក្នុងលាមក ទៅនៅក្នុងឈាមកូនគាត់ ។ ដោយសារតែអញ្ចឹងហើយ ទើបការព្យាបាលជំងឺមហារីក ដោយសារធាតុគីមី ត្រូវបានពន្យារមួយរយៈ។ ពេលដឹង ក្រុម គ្រូពេទ្យ បានតាមដានមើលតាមកាមេរ៉ាសុវត្ថិភាព ទើបឃើញគាត់យកអ្វីម្យ៉ាងចាក់ចូលទៅក្នុងសរសៃឈាមរបស់កូនគាត់ ។
ក្រោយពីមានការសួរនាំ ទើបស្ត្រីជាម្តាយឆ្លើយសារភាពថា គាត់បានយកលាមកកូនមកចាក់ឱ្យកូនគាត់ ព្រោះគាត់ថា ការធ្វើបែបនេះ គឺគាត់ចង់ឱ្យកូនគាត់ចូលកន្លែងព្យាបាលថ្មីមួយទៀត នៅក្នុងមន្ទីរពេទ្យ ដោយសង្ឃឹមថា នៅកន្លែងនោះ អាចមើលជំងឺកូនគាត់ល្អជាងនៅកន្លែងនៅរាល់ថ្ងៃ ។
ស្ត្រីម្តាយ Alberts ត្រូវបានកាត់ទោសពីបទធ្វើបាបដោយចេតនា និងបទព្រងើយកន្តើយមិនមើលថែកូន ។ លទ្ធផលសម្រេចក្តីបណ្តោះអាសន្ន នឹងត្រូវធ្វើឡើងនៅខែមករា ខាងមុខនេះ។
ខាងគ្រូពេទ្យបានប្រាប់ថា ស្ថានភាពជំងឺរបស់ក្មេងប្រុសរូបនេះ មានសភាពពិបាកព្យាបាលជាងលើកមុនទៅទៀត ព្រោះតែអ្វីដែលម្តាយបានធ្វើនេះឯង ។
ចែករំលែកព័តមាននេះ