បាក់រោងបណ្ដែតទឹកខណៈមនុស្សម្នាមើលការប្រណាំងទូក
ខេត្តបន្ទាយមានជ័យ ៖ អាងស្តុកទឹកអូរខៃដនរបស់ក្រុមហ៊ុនកាស៊ីណូ បានក្លាយជាកន្លែងប្រណាំងទូក ដែលប្រជាពលរដ្ឋនាំគ្នាទៅមើលណែនណាន់តាន់តាប់
ខេត្តបន្ទាយមានជ័យ ៖ អាងស្តុកទឹកអូរខៃដនរបស់ក្រុមហ៊ុនកាស៊ីណូ បានក្លាយជាកន្លែងប្រណាំងទូក ដែលប្រជាពលរដ្ឋនាំគ្នាទៅមើលណែនណាន់តាន់តាប់
ខេត្តបន្ទាយមានជ័យ ៖ អាងស្តុកទឹកអូរខៃដនរបស់ក្រុមហ៊ុនកាស៊ីណូ បានក្លាយជាកន្លែងប្រណាំងទូក ដែលប្រជាពលរដ្ឋនាំគ្នាទៅមើលណែនណាន់តាន់តាប់ ។ ស្របពេលដែលមានការសប្បាយរីករាយមើលការប្រណាំងទូកនោះ ស្រាប់តែរោងបណ្តែតទឹកប្រមាណ៨តូប ដែលមនុស្សម្នាមើលប្រជ្រៀតគ្នានោះ បានបាក់ធ្លាក់មនុស្សទៅក្នុងទឹក កាលពីថ្ងៃទី២៧ វិច្ឆិកា នៅអាងស្តុកទឹកអូរខៃដន ស្ថិតនៅភូមិកូនដំរីសង្កាត់និមិត្ត ក្រុងសិរីសោភ័ណ ។
ពិធីប្រណាំងទូកនៅអាងស្តុកទឹកអូរខៃដននេះជាលើកទី១ហើយ ដែលលោកអភិបាលក្រុងប៉ោយប៉ែត បានរៀបចំឡើងដើម្បីអបអរសាទរព្រះរាជពិធីបុណ្យអុំទូក ដែលបានការចូលរួមពីលោក អ៊ុំ រាត្រី អភិបាលរងខេត្តបន្ទាយមានជ័យនិងមន្ត្រីរាជការកងកម្លាំងប្រដាប់អាវុធ និងប្រជាពលរដ្ឋបានចូលរួមយ៉ាងកុះករ ។
មុនមានហេតុការណ៍បាក់រោងបណ្ដែតទឹក ទូកជាច្រើនគូកំពុងធ្វើការប្រណាំង ហើយប្រជាពលរដ្ឋក៏បាននាំគ្នាឈរនិងអង្គុយមើលលើតូបបណ្តែតទឹកតាមមាត់ច្រាំងយ៉ាងច្រើនកុះករ និងមានការស្រែកហោកញ្ជ្រៀវយ៉ាងកងរំពង ទើបបណ្តាលឱ្យមានឧប្បត្តិហេតុបែបនេះកើតឡើង បាក់តូបបណ្តែតទឹកប្រមាណជា៨តូប តែមិនបណ្តាលឱ្យគ្រោះថ្នាក់ដល់ប្រជាពលរដ្ឋឡើយ ។
ទាក់ទិនការប្រណាំងទូកងនៅអាងស្ដុកទឹកអូរខៃដននេះ លោក អ៊ុំ រាត្រី អភិបាលរងខេត្តបានមានប្រសាសន៍ថា នៅថ្ងៃអបអរសាទរព្រះរាជពិធីបុណ្យអុំទូក ខេត្តបានរៀបចំការប្រណាំងទូកងរយៈពេល៣ថ្ងៃ ចាប់ពីថ្ងៃទី២២ដល់២៤ ខែវិច្ឆិកា ឆ្នាំ២០១៦ ដែលធ្វើឡើងនៅដងស្ទឹងសិរីសោភ័ណ ។ ចំណែកនៅក្រុងប៉ោយប៉ែត ក៏បានរៀបចំការប្រណាំងទូកនៅអាងស្តុកទឹកអូរខៃដនរបស់ក្រុមហ៊ុនអានកូ ត្រូវបានធ្វើឡើងរយៈពេល២ថ្ងៃ ចាប់ពីថ្ងៃទី២៧ ដល់២៨ខែវិច្ឆិកា ឆ្នាំ២០១៦ផងដែរ ៕
ចែករំលែកព័តមាននេះ