បេក្ខជន Cambodian Idol សប្តាហ៍ទី 6 ត្រូវច្រៀងបទលោក ហួរ ឡាវី
រាជធានីភ្នំពេញ ៖ សម្រាប់ថ្ងៃអាទិត្យខាងមុខនេះកម្មវិធីប្រឡងចម្រៀងលំដាប់ពិភពលោក «Cambodian Idol» ឈានដល់សប្តាហ៍ទី៦ហើយ ក្នុងវគ្គ Live Show ។ សម្រាប់សប្តាហ៍ថ្មីនេះ
រាជធានីភ្នំពេញ ៖ សម្រាប់ថ្ងៃអាទិត្យខាងមុខនេះកម្មវិធីប្រឡងចម្រៀងលំដាប់ពិភពលោក «Cambodian Idol» ឈានដល់សប្តាហ៍ទី៦ហើយ ក្នុងវគ្គ Live Show ។ សម្រាប់សប្តាហ៍ថ្មីនេះ
រាជធានីភ្នំពេញ ៖ សម្រាប់ថ្ងៃអាទិត្យខាងមុខនេះកម្មវិធីប្រឡងចម្រៀងលំដាប់ពិភពលោក «Cambodian Idol» ឈានដល់សប្តាហ៍ទី៦ហើយ ក្នុងវគ្គ Live Show ។ សម្រាប់សប្តាហ៍ថ្មីនេះ បេក្ខជន-បេក្ខនារី ដែលជាប់បន្តទៀត ត្រូវអ្នកគ្រប់គ្រងកម្មវិធីជ្រើសបទចម្រៀងរបស់លោក ហួរ ឡាវី ចំនួន១៥បទឱ្យច្រៀង ។
វិញ្ញាសាវគ្គ LIVE SHOW សប្តាហ៍ ទី៦ តម្រូវឲ្យបេក្ខជនទាំងអស់ច្រៀងបទចម្រៀងរបស់លោកហួរ ឡាវី ហើយបទចម្រៀងដែលត្រូវច្រៀងគឺសុទ្ធតែត្រូវបានជ្រើសរើសដោយទស្សនិកជន ។
បទចម្រៀងចំនួន១៥បទរបស់លោកហួរ ឡាវី សម្រាប់ច្រៀងបេក្ខជន TOP 7 ច្រៀងក្នុងសប្តាហ៍ទី៦នេះ ១-សែនអាល័យ ២-មួយរាត្រីនឹកតែអូន ៣-ថ្ងៃណាបំភ្លេចអូនបាន ៤-អាល័យក្លិនអូន ៥-ទឹកហូរ ៦-ស្គាល់តែក្លិន ៧-ដងស្ទឹងស្រែខ្លុង ៨-ចំណេះជិះកឯង ៩-កេសរ ១០-លីណាមាសបង ១១-នារីសិចស៊ី១២-នារីម៉ាក់ស៊ី ១៣-ស្រមៃក្លិនខ្លួន ១៤-បូរ៉ាមាសបង និង១៥-ជិះដំរីដើរលេងនឹងបង ។
រហូតមកដល់ពេលនេះកម្មវិធីប្រឡងចម្រៀង Cambodian Idol វគ្គ Live Show ដែលឈានដល់សប្តាហ៍ទី៦ នៅសល់តែបេក្ខជន បេក្ខនារីចំនួន៧រូបប៉ុណ្ណោះ សម្រាប់ ប្រកួតប្រជែងបន្ត បន្ទាប់ពីសប្តាហ៍ទី៥កន្លងទៅបេក្ខជនជុំ រ៉ូបឺត ពីខេត្តកំពតបានជ្រុះធ្លាក់ពីការប្រកួត។
សម្រាប់បេក្ខជន បេក្ខនារីទាំង៧នាក់ដែលឈានដល់វគ្គ Live Show សប្តាហ៍ទី៦មានដូចជា នួន សុធារ័ក្ស, ម៉ង់ ចាន់កញ្ញា, រស់ ព្រួយ ឈិន, ម៉ានិច្ច, គួក ស្រីណូ, ហ៊ុន លីដា និងនាង ប្រាក់សុគន្ធ ។
ឆ្លងមកដល់វគ្គនេះតាមការសង្កេតតាមរយៈការCommand ទៅលើផេករបស់កម្មវិធី Cambodia Idol និងមតិប្រិយមិត្តមួយចំនួនដែលបានតាមទស្សនានោះមាន បេក្ខនារីចំនួន២ ត្រូវគេវាយតម្លៃថា មានភាគរយខ្ពស់ក្នុងការលើកពាន គឺបេក្ខនារីម៉ង់ ចាន់កញ្ញា និងហ៊ិន លីដា ខណៈពេលដែលបេក្ខនារីទាំង២នាក់នេះធ្លាប់បានលើកពានម្តងរួចមកហើយក្នុងកម្មវិធីរបស់ស្ថានីយទូរទស្សន៍អប្សរា ។
ទោះជាយ៉ាងណាក៏ដោយនោះគ្រាន់តែជាវាយតម្លៃទុកមុនលទ្ធផលជាក់ស្តែងប៉ុណ្ណោះ ព្រោះការប្រឡងចម្រៀងដ៏តឹងតែងមួយនេះ មិនងាយមានបេក្ខជន បេក្ខនារីណាម្នាក់ធ្វើបានល្អទាំងអស់ពីមួយវគ្គទៅវគ្គទេ ៕
ចែករំលែកព័តមាននេះ