រាជធានីភ្នំពេញ ៖ Sky Land Sport ដែលជាព្រឹត្តិការណ៍កីឡាដ៏ធំមួយមិនធ្លាប់មានពីមុនមកនៅកម្ពុជា នឹងរៀបចំធ្វើឡើងរយៈពេល៣ថ្ងៃចាប់ពីថ្ងៃទី១៥ ដល់១៧ ធ្នូ ក្នុងឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល ។
រាជធានីភ្នំពេញ ៖ Sky Land Sport ដែលជាព្រឹត្តិការណ៍កីឡាដ៏ធំមួយមិនធ្លាប់មានពីមុនមកនៅកម្ពុជា នឹងរៀបចំធ្វើឡើងរយៈពេល៣ថ្ងៃចាប់ពីថ្ងៃទី១៥ ដល់១៧ ធ្នូ ក្នុងឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល ។
លោកឧកញ៉ាស្រី ចាន់ថន អ្នករៀបចំកម្មវិធីប្រកួតកីឡាមួយនេះ បានមានប្រសាសន៍ឱ្យដឹងនៅក្នុងសន្និសីទសារព័ត៌មានមួយកាលពីថ្ងៃទី២៨ វិច្ឆិកា កន្លងមកនេះថា ព្រឹត្តិការណ៍ដ៏អស្ចារ្យនេះរៀបចំឡើងក្នុងគោលបំណងជំរុញនិងលើកស្ទួយវិស័យកីឡាគ្រប់ប្រភេទនៅកម្ពុជាឱ្យកាន់តែមានការរីកចម្រើន និងល្បីសុសសាយធ្វើយ៉ាង
ណាដើម្បីស្វែងរកធនធានមនុស្សដែលមានលក្ខណៈសម្បត្តិ និងបច្ចេកទេសគ្រប់គ្រាន់សម្រាប់ត្រៀមប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះជាលើកដំបូង ។ ក្នុងនោះដែរ ក៏មានការប្រគំតន្ត្រីដែលមានការចូលរួមពីតារាល្បីៗព្រមទាំងមានការតាំងលក់ផលិតផលក្នុងស្រុកផងដែរ ។
ព្រឹត្តិការណ៍កីឡា Sky Land Sport នេះ ត្រូវបានបែងចែកជា៣ផ្នែក គឺនៅថ្ងៃទី១៥ ធ្នូ ជាការបើកសម្ពោធព្រឹត្តិការណ៍ និងការតាំងពិព័រណ៍លក់ផលិតផលដោយបានការចូលរួមពីលោកអភិបាលស្រុកខ្សាច់កណ្ដាល និងមានការប្រកួតកីឡាបាល់ទាត់ ហើយនៅពេលយប់មានការប្រគំតន្ត្រី ។ ចូលដល់ថ្ងៃទី១៦ ធ្នូ មានការប្រណាំងទូកម៉ាស៊ីននិង
ប្រណាំងសេះ បន្ទាប់មកនៅថ្ងៃទី១៧ ធ្នូ ជាថ្ងៃចុងក្រោយ មានការប្រណាំងរថយន្តប្រណាំងសេះ ព្រមទាំងប្រគល់រង្វាន់ដល់អ្នកទទួលបានជ័យលាភី ។
លោកឧកញ៉ាបានមានប្រសាសន៍បន្តថា គោលបំណងសំខាន់ដែលលោកបង្កើតឱ្យមានកម្មវិធីប្រកួតនេះឡើង គឺដើម្បីជំរុញវិស័យកីឡានៅកម្ពុជាឱ្យកាន់តែមានការរីកចម្រើន។ ចំពោះថវិកាដែលទទួលបានពីការចុះឈ្មោះចូលរួមប្រកួតនឹងយកទៅប្រគល់ជូនដល់មន្ទីរពេទ្យកុមារនៅខេត្តសៀមរាប ។ ជាងនេះទៀត លោកឧកញ៉ាក៏មានគម្រោងបង្កើតព្រឹត្តិការណ៍មួយនេះឱ្យក្លាយជាព្រឹត្តិការណ៍ប្រចាំឆ្នាំ និងមានការបើកឱ្យចូលទស្សនាដោយសេរី ។ ចំណែកប្រាក់រង្វាន់វិញមានផ្ដល់ជូនបន្តិចបន្តួចដើម្បីជាការលើកទឹកចិត្តប៉ុណ្ណោះ ។ ព្រឹត្តិការណ៍កីឡា Sky Land Sport នេះប្រព្រឹត្តទៅបានដោយមានកិច្ចសហការពីស្ថាប័នកីឡាដែលមានដូចជាគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា ៕
ចែករំលែកព័តមាននេះ