ហួសហេតុ ! ណាត់ថាឲ្យលុយចាយ ពេលរួមរ័ករួចបែរជា…
រាជធានីភ្នំពេញ ៖ នារីវ័យក្មេងស្រស់ស្អាតម្នាក់បានធ្វើដំណើរមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលភ្នំពេញថ្មីកាលពីថ្ងៃទី២៧ ខែវិច្ឆិកា ឆ្នាំ២០១៦ បន្ទាប់ពី …
រាជធានីភ្នំពេញ ៖ នារីវ័យក្មេងស្រស់ស្អាតម្នាក់បានធ្វើដំណើរមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលភ្នំពេញថ្មីកាលពីថ្ងៃទី២៧ ខែវិច្ឆិកា ឆ្នាំ២០១៦ បន្ទាប់ពី …
រាជធានីភ្នំពេញ ៖ នារីវ័យក្មេងស្រស់ស្អាតម្នាក់បានធ្វើដំណើរមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលភ្នំពេញថ្មីកាលពីថ្ងៃទី២៧ ខែវិច្ឆិកា ឆ្នាំ២០១៦ បន្ទាប់ពីអតីតប្តីរបស់នាងបានណាត់ថាឲ្យលុយនាងចាយ បែរជាចាប់បង្ខំដោះយកគ្រឿងអលង្ការ និងប្រមូលសម្ភារផ្ទាល់ខ្លួនរបស់នាងហើយរត់គេចខ្លួនបាត់ ។
នារីវ័យក្មេងរូបនោះបានប្រាប់សមត្ថកិច្ចឲ្យដឹងថា នាងឈ្មោះ ប.ល.ហ អាយុ១៧ឆ្នាំ មុខរបរកម្មកររោងចក្រ ស្នាក់នៅម្តុំទួលសង្កែ និងមានស្រុកកំណើតនៅខេត្តកំពង់ធំចំណែកអតីតប្តីរបស់នាងឈ្មោះ បូណា អាយុ២៥ឆ្នាំ មានស្រុកកំណើតនៅខេត្តព្រៃវែង ។
នារីរងគ្រោះបានឲ្យដឹងទៀតថា នាងនិងប្តីរបស់នាង(អត់បានរៀបការទេ)បានរស់នៅជាមួយគ្នាជាងពីរឆ្នាំព្រមទាំងមានកូនម្នាក់ទៀតផង ប៉ុន្តែដោយសារតែមានរឿងរកាំរកូសជាមួយគ្នាក៏បែកគ្នាមកធ្វើការនៅភ្នំពេញរៀងៗខ្លួន ។ នាងបន្តថា កាលពីយប់ថ្ងៃទី២៥ ខែវិច្ឆិកា ឆ្នាំ២០១៦ ប្តីឥតខាន់ស្លារបស់នាងបានទូរស័ព្ទណាត់នាងមកជួបនៅផ្ទះសំណាក់យីហោ «បឹងឈូក» ស្ថិតក្នុងសង្កាត់ភ្នំពេញថ្មី ខណ្ឌសែនសុខ ដោយប្រាប់នាងថា ឲ្យលុយនាងចាយ ពេលទៅជួបគ្នានៅផ្ទះសំណាក់ ដោយមនោសញ្ចេតនាប្តីប្រពន្ធពីមុនក៏បានដេកជាមួយគ្នាទៅ ។
នារីរងគ្រោះបន្តទៀតថា លុះរសៀលថ្ងៃទី២៦ វិច្ឆិកា ពេលនាងដល់ម៉ោងទៅផ្ទះក៏សួររកលុយដែលថាឲ្យនាងចាយ តែអតីតប្តីរបស់នាងបែរជាឆ្លើយថា គ្មានលុយឲ្យទេ ហើយថែមទាំងចាប់បង្ខំដោះយកខ្សែក១ខ្សែ ចិញ្ចៀន១វង់ និងទូរស័ព្ទដៃ២គ្រឿងសរុបជិត៣០០ដុល្លារ រួចដេញនាងថា ទៅណាទៅៗ បន្ទាប់មកក៏គេចខ្លួនបាត់តែម្តង ។
នារីវ័យក្មេងរងគ្រោះបញ្ជាក់ថា បន្ទាប់ពីដើររកអតីតប្តីបោកប្រាស់នោះមិនឃើញ នាងក៏បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលភ្នំពេញថ្មីដើម្បីឲ្យសមត្ថកិច្ចតាមចាប់ជនបោកប្រាស់នោះយកមកផ្តន្ទាទោសតាមច្បាប់ ៕
ចែករំលែកព័តមាននេះ