ខេត្តកំពង់ស្ពឺ ៖ បន្ទាប់ពីមន្ត្រីយោធាម្នាក់បានប្រើកាំភ្លើងខ្លីបា.ញ់សម្លា.ប់ខ្លួនឯងកាលពីវេលាម៉ោង៣ និង៣៣នាទីទៀបភ្លឺ ថ្ងៃទី២៨ ខែវិច្ឆិកា ឆ្នាំ២០១៦ នៅចំណុចរោងមាន់ …
ខេត្តកំពង់ស្ពឺ ៖ បន្ទាប់ពីមន្ត្រីយោធាម្នាក់បានប្រើកាំភ្លើងខ្លីបាញ់សម្លាប់ខ្លួនឯងកាលពីវេលាម៉ោង៣ និង៣៣នាទីទៀបភ្លឺ ថ្ងៃទី២៨ ខែវិច្ឆិកា ឆ្នាំ២០១៦ នៅចំណុចរោងមាន់ ស្ថិតនៅភូមិវត្តភ្នំ ឃុំភ្នំតូច ស្រុកឧដុង្គ ស្ត្រីជាប្រពន្ធបានរៀបរាប់ប្រាប់សមត្ថកិច្ចឲ្យដឹងពីមូលហេតុពិតប្រាកដនៃការបាញ់សម្លាប់ខ្លួននេះ ។
គួររម្លឹកថា កំពុងដេកជាមួយប្តីស្រាប់តែឮសំឡេងផ្ទុះ ងើបមើលទើបដឹង
ជនរងគ្រោះដែលធ្វើអត្តឃាតបាញ់សម្លាប់ខ្លួនឯងឈ្មោះ ម៉ាក់ គឹមហាក់ ភេទប្រុស អាយុ៤៩ឆ្នាំ រស់នៅភូមិ-ឃុំកើហេតុខាងលើមុខរបរជថៅកែចិញ្ចឹមមាន់ និងធ្វើជាយោធា អង្អភាព K82 ឋានន្តរសក្តិ អនុសេនីយ៍ឯក ។
លោកវរសេនីយ៍ត្រី ពីង ពៅ អធិការរងនគរបាលស្រុកឧដុង្គបានឲ្យដឹងថា តាមការសាកសួរស្ត្រីម្នាក់ឈ្មោះ ហេង គីមអេង អាយុ៤២ឆ្នាំ ជាប្រពន្ឋជនរងគ្រោះ បានបំភ្លឺប្រាប់សមត្ថកិច្ចថា មុនពេលប្តីរបស់គាត់ធ្វើអត្តឃាត គឺកាលពីអំឡុងប៉ុន្មានថ្ងៃមុនប្តីរបស់គាត់ដឹកទំនិញទៅខេត្តសៀមរាប តែចៃដន្យឡានដឹកទំនិញនោះបានខូចនៅតាមផ្លូវ ហើយមានរថយន្តវីហ្គោ១គ្រឿងបើកមកប៉ះ ស្រាប់តែម្ចាស់ឡានវីហ្គោបានហុចសោរថយន្តមកឲ្យប្តីគាត់ដោយទាមទារយករថយន្តថ្មីវិញ ដោយសំអាងថា រថយន្តចតក្បែរផ្លូវគ្មានដាក់សញ្ញាសំគាល់ ណាមួយម្ចាស់រថយន្តនោះឮថាជាខ្សែអ្នកធំនៅខេត្តសៀមរាបទៀតផង ។ បើទោះជាប្តីគាត់អង្វរសុំសងក៏គេមិនព្រមដែរ គឺដឹងតែពីឲ្យសងរថយន្តថ្មី ដោយទាល់តម្រិះប្តីគាត់ក៏ទុករថយន្តចោលនៅសៀមរាប ហើយវិលមកផ្ទះនិយាយរឿងនេះប្រាប់ដល់គាត់ ។
ស្ត្រីជាប្រពន្ឋបន្តឲ្យសមត្ថកិច្ចដឹងទៀតថា ពេលដឹងរឿងគាត់ក៏បានស្តីបន្ទោសដល់ប្តីតិចតួចខ្លះដែរ ដោយថា ធ្វើការធ្វេសប្រហែសបណ្តោយឲ្យមានរឿងកើតឡើង ។ ការនិយាយស្តីបន្ទោសនេះ គាត់មិននឹកស្មានថា ប្តីតូចចិត្តដល់ថ្នាក់ហា៑នធ្វើអត្តឃាតសម្លាប់ខ្លួនចោលប្រពន្ធកូនបែបនេះឡើយ ។
លោកអធិការរងបន្តថា ជនរងគ្រោះបានយកអាវុធខ្លីម៉ាកកា៥៩ លេខ៥៥៥៥ មានលិខិតបញ្ជាបេសកកម្ម លេខ ៨៥ ទ.ប.ទ ចុះថ្ងៃទី០១ ខែតុលា ឆ្នាំ២០១៦ បាញ់ខ្លួនឯងចំក្រោយគុំត្រចៀក១គ្រាប់បណ្តាលស្លាប់នៅលើគ្រែដេកតែម្តង ។
លោកអធិការរងបញ្ជាក់ថា មុនធ្វើអត្តឃាតជនរងគ្រោះដេកជាមួយប្រពន្ធជាធម្មតា ដោយមិនមាននិយាយស្តីអ្វីឡើយ ។ ចំណែកស្ត្រីជាប្រពន្ឋបានបញ្ជាក់ប្រាប់សមត្ថកិច្ចថា ពេលកំពុងដេកនៅលើគ្រែ គាត់បានឮសំឡេងអាម៉េកាំភ្លើង ស្រាប់តែលឺសំឡេងផ្ទុះផូង ពេលគាត់ងើបមើលទើបគាត់ដឹងថា ប្តីគាត់បានបាញ់សម្លាប់ខ្លួនបាត់ទៅហើយ ។
ក្រោយកើតហេតុ ក្រុមគ្រួសារបានរាយការណ៍ឲ្យសមត្ថកិច្ចគ្រប់លំដាប់ថ្នាក់ចុះមកពិនិត្យភ្លាមៗផងដែរ ។ បន្ទាប់ពីពិនិត្យ និងធ្វើកំណត់ហេតុរួច សមត្ថកិច្ចបានឲ្យក្រុមគ្រួសារផ្តិតមេដៃទទួលស្គាល់ និងបានរៀបចំធ្វើបុណ្យតាមប្រពៃណីនៅកន្លែងកើតហេតុតែម្តង ៕
ចែករំលែកព័តមាននេះ