ប្រទេសជប៉ុន ៖ ក្នុងរយៈពេល១០ឆ្នាំកន្លងមកនេះ អ្នកធ្វើការក្រៅម៉ោងចំនួន១៤លាននាក់របស់ប្រទេសជប៉ុន បានទម្លាក់ចុះនូវម៉ោងធ្វើការរបស់ពួកគេច្រើនជាង៦%ទៅទៀត ។ សព្វថ្ងៃនេះ ពួកគេធ្វើការតែ៤,៥ម៉ោងប៉ុណ្ណោះ
ប្រទេសជប៉ុន ៖ ក្នុងរយៈពេល១០ឆ្នាំកន្លងមកនេះ អ្នកធ្វើការក្រៅម៉ោងចំនួន១៤លាននាក់របស់ប្រទេសជប៉ុន បានទម្លាក់ចុះនូវម៉ោងធ្វើការរបស់ពួកគេច្រើនជាង៦%ទៅទៀត ។ សព្វថ្ងៃនេះ ពួកគេធ្វើការតែ៤,៥ម៉ោងប៉ុណ្ណោះក្នុងមួយថ្ងៃ ។
ការអនុវត្តដូចនេះ គឺពិតជាធ្វើឲ្យប៉ះពាល់ដល់សេដ្ឋកិច្ចរបស់ប្រទេសនេះ ខណៈដែលប្រទេសកំពុងតែជួបប្រទះនឹងការធ្លាក់ចុះនៃចំនួនប្រជាជនផងដែរ ។
ជាក់ស្តែង ការដំឡើងប្រាក់បៀវត្សនេះ គឺប្រហែលជាមានតែជំរុញឲ្យមនុស្សជាច្រើនធ្វើការកាន់តែតិចទៅវិញទេ ។ មូលហេតុមកពី៧៥%នៃអ្នកធ្វើការក្រៅម៉ោង គឺជាស្ត្រី ហើយអ្នកធ្វើការក្រៅម៉ោងដែលបានរៀបអាពាហ៍ពិពាហ៍រួចអាចទទួលបានអត្ថប្រយោជន៍ ផ្នែកពន្ធ សេវាកម្ម និងប្រាក់ចូលនិវត្តន៍ជាដើម ប្រសិនបើប្រាក់បៀវត្សរបស់ពួកគេនៅក្រោមកម្រិតដែលបានសម្រេច ។ ដូច្នេះហើយ នៅពេលមានការបង្កើនប្រាក់បៀវត្សក្នុងមួយម៉ោង វានឹងធ្វើឲ្យប្រាក់បៀវត្សសរុបរបស់ពួកគេហួសកម្រិត ដែលធ្វើនឹងធ្វើឲ្យពួកគេកាត់បន្ថយម៉ោងធ្វើការទៅវិញ ។
ចំណែកអ្នកធ្វើការពេញម៉ោងវិញមិនមានអ្វីដែលអាចកាត់បន្ថយប្រាក់បៀវត្សរបស់ពួកគេឡើយ ហើយពួកគេក៏បានបង្កើនចំនួនការងាររបស់ខ្លួនផងដែរ ។
កាសែតក្នុងស្រុកមួយបានឲ្យដឹងកាលពីសប្តាហ៍មុនថា រដ្ឋាភិបាលប្រហែលជាបង្កើនកម្រិតពី១,០៣លានយេន ទៅ១,៥លានយេនវិញ ។ រដ្ឋាភិបាលធ្លាប់មានគម្រោងថា នឹងបោះបង់កម្រិតនេះទាំងស្រុងតែម្តង ប៉ុន្តែក៏មិនបានសម្រេចព្រោះមានការភ័យព្រួយថា ស្ត្រីមេផ្ទះអាចប្រឆាំងនឹងវិធានការនេះ ។
អ្នកសេដ្ឋកិច្ចក្នុងធនាគារ Deutsche Bank ឲ្យដឹងផងដែរថា បើទោះជាអត្ថ-ប្រយោជន៍ផ្នែកពន្ធត្រូវបានដកចេញពិតមែន អ្នកធ្វើការក្រៅម៉ោងក៏នៅតែមិនអាចបង្កើនការងារច្រើនដែរ ព្រោះពួកគេត្រូវចំណាយថ្លៃសេវាកម្មផ្សេងៗ ប្រសិនបើប្រាក់ចំណូលរបស់ខ្លួនហួសកម្រិតផ្សេងទៀត ។
ស្ត្រីធ្វើការក្រៅម៉ោងប្រហែលជាអាចនឹងមានជញ្ជាំងថ្មីមួយ គឺកម្រិតប្រាក់ចំណូល១,០៦លានយេន ៕
ចែករំលែកព័តមាននេះ