សោកស្តាយ! បវរកញ្ញាប្រេស៊ីលម្នាក់ស្លា.ប់ទាំងវ័យក្មេង ក្រោយការវះកាត់
ប្រេស៊ីល ៖ ពិភពប្រកួតប្រជែងសម្រស់បានបាត់បង់សមាជិកដ៏ស្រស់ស្អាត១រូប។ បន្ទាប់ពីនាង
ប្រេស៊ីល ៖ ពិភពប្រកួតប្រជែងសម្រស់បានបាត់បង់សមាជិកដ៏ស្រស់ស្អាត១រូប។ បន្ទាប់ពីនាង
ប្រេស៊ីល ៖ ពិភពប្រកួតប្រជែងសម្រស់បានបាត់បង់សមាជិកដ៏ស្រស់ស្អាត១រូប។ បន្ទាប់ពីនាង Gleycy Correia ម្ចាស់មកុដបវរកញ្ញា United Continents Brazil ឆ្នាំ ២០១៨ ត្រូវបានប្រកាសថា ទទួលមរណភាពក្នុងអាយុ២៧ឆ្នាំ។ នេះបើយោងតាមសេចក្តីថ្លែងការណ៍ដែលបានបង្ហោះលើបណ្តាញសង្គម Instagram របស់នាង កាលពីថ្ងៃទី២០ ខែមិថុនា កន្លងទៅ។
គ្រួសាររបស់ Correia បានប្រាប់កាសែត Daily Mail ថា រាជនីសម្រស់ប្រេស៊ីលរូបនេះ បានស្លា.ប់នៅគ្លីនិកឯកជនមួយកន្លែង កាលពីថ្ងៃទី២០ ខែមិថុនា។ ដោយសារហូរឈា.មខ្លាំង និងគាំងបេះដូង។ បន្ទាប់ពីការវះកាត់យកសាច់ចេញពីបំពង់ក ដែលត្រូវបានស្គាល់ថា «Tonsils» កាលពីចុងខែមីនាកន្លងទៅ។ ប្រភពដដែលបញ្ជាក់ថា Correia ស្ថិតក្នុងស្ថានភាពសន្លប់អស់រយៈពេល២ខែ។ បន្ទាប់ពីគាំងបេះដូងកាលពីថ្ងៃទី៤ ខែមេសា។ មុនពេលត្រូវបានប្រកាសថា ស្លា.ប់បាត់បង់ជីវិត។
កាលពីថ្ងៃទី២១ ខែមិថុនា ឆ្នាំ២០២២ អ្នកនាំពាក្យរបស់ Miss United Continents Organization បានចេញសេចក្តីថ្លែងការណ៍ថា «Correia គឺជានារីវ័យក្មេងដ៏ស្រស់ស្អាត ដែលមានសេចក្តីរីករាយសម្រាប់ជីវិតរស់នៅ។ យើងសូមចូលរួមរំលែកទុក្ខយ៉ាងស្មោះស្ម័គ្របំផុតចំពោះគ្រួសារ និងអ្នកតំណាងរបស់នាង ដែលបានផ្តល់ឱ្យយើងនូវអំណោយនៃការស្គាល់ក្មេងស្រីដ៏ស្រស់ស្អាត ឆ្លាត ក៏ដូចជាបន្សល់ទុកជាមួយយើងនូវការចងចាំដ៏រីករាយបំផុត»។
សូមជម្រាបថា Gleycy Correia បានប្រឡូកក្នុងពិភពប្រកួតប្រជែងសម្រស់តាំងពីក្មេងវ័យ ហើយបានជាប់ជាបវរកញ្ញា Miss United Continents Brazil នៅអាយុ២៣ឆ្នាំ នៅក្នុងឆ្នាំ ២០១៨។ បន្ទាប់ពីឈ្នះការប្រកួតហើយ នាងបានបន្តធ្វើការជាអ្នកជំនាញកែសម្ផស្ស និងតារាបង្ហាញម៉ូត។ ដោយបានចែករំលែកការងារជាប្រចាំថ្ងៃនៅលើបណ្តាញទំនាក់ទំនងសង្គមរបស់ខ្លួនផងដែរ៕ (ដកស្រង់ចេញពី Yahoo News)
ចែករំលែកព័តមាននេះ