ខេត្តបាត់ដំបង ៖ ជនសង្ស័យចំនួន០២នាក់ ក្នុងនោះ ម្នាក់មានដីកាតាមចាប់ខ្លួនស្រាប់ផង ត្រូវកម្លាំងកងរាជអាវុធហត្ថឃាត់ខ្លួនព្រមៗគ្នា ពាក់ព័ន្ធនឹងបទល្មើសជួញដូរគ្រឿងញៀន កាលពីវេលាម៉ោង១០និង៣០នាទីព្រឹកថ្ងៃទី២២ មិថុនា ស្ថិតនៅចំណុចភូមិស្លរខ្លាញ់ ឃុំបវេល ស្រុកបវេល។
តាមរយៈរបាយការណ៍បឋមរបស់មូលដ្ឋានកងរាជអាវុធហត្ថស្រុកបវេលបានឲ្យដឹងថា ជនទាំង០២នាក់ដែលត្រូវឃាត់ខ្លួនឈ្មោះ យ៉ុន ប្រុស អាយុ២៣ឆ្នាំ ជននេះ មានដីកាចាប់ខ្លួន និងឈ្មោះ ត្រេន ត្រាល អាយុ២៣ឆ្នាំ ពួកគេរស់នៅចំណុចភូមិ ឃុំខាងលើ ។
បើតាមរបាយការណ៍ដដែលបានបញ្ជាក់ថា ជនទាំង០២នាក់ ត្រូវកម្លាំងកងរាជអាវុធហត្ថឃាត់ខ្លួន ពេលពួកគេកំពុងប្រព្រឹត្តបទល្មើសជាក់ស្ដែង ហើយថែមទាំងរឹបអូសបានវត្ថុតាងមួយចំនួនផង
ដែរ។ នៅក្នុងរបាយការណ៍បឋមដដែលនេះ វត្ថុតាងដែលដកហូតបានរួមមាន៖ ម្សៅក្រាមពណ៌.សថ្លា ដែលគេសង្ស័យជាថ្នាំញៀ.នប្រភេទ ICE (ម៉ាទឹកកក) ចំនួន០៤ថង់ ថ្នាំគ្រាប់ពណ៌ផ្កាឈូកសង្ស័យថ្នាំញៀនប្រភេទ Wy (យ៉ាម៉ា) ចំនួន១២២គ្រាប់ ជញ្ជីងសម្រាប់ថ្លឹងថ្នាំញៀ.ន០១គ្រឿង រួមជាមួយនឹងសម្ភារពាក់ព័ន្ធមួយចំនួនទៀត ។
ប្រភពបានឲ្យដឹងថា ក្រោយពីត្រូវឃាត់ខ្លួន ជនសង្ស័យទាំង០២នាក់ ត្រូវបានមន្ត្រីជំនាញបញ្ជូនទៅកាន់មូលដ្ឋានកងរាជអាវុធហត្ថស្រុកបវេល ដើម្បីសួរនាំនិងចាត់ការតាមីតិវិធី៕
ចែករំលែកព័តមាននេះ