ខេត្តកំពង់ស្ពឺ ៖ បុរសពិការជើងទាំងសងខាង ហើយថែមទាំងចិញ្ចឹមកូនស្រីតូចៗចំនួន៣នាក់ផង ដែលសព្វថ្ងៃរស់បានដោយសារអ្នកជិតហុចនោះ គាត់ដាច់ចិត្តលើកដៃសំពះសុំអំពាវនាវពីសប្បុរសជន មេត្តាជួយក្រែងគាត់បានរស់ មើលថែកូនកំព្រាទាំង៣នាក់ដែលប្រពន្ធស្លា.ប់ចោលផង ។
ខេត្តកំពង់ស្ពឺ ៖ បុរសពិការជើងទាំងសងខាង ហើយថែមទាំងចិញ្ចឹមកូនស្រីតូចៗចំនួន៣នាក់ផង ដែលសព្វថ្ងៃរស់បានដោយសារអ្នកជិតហុចនោះ គាត់ដាច់ចិត្តលើកដៃសំពះសុំអំពាវនាវពីសប្បុរសជន មេត្តាជួយក្រែងគាត់បានរស់ មើលថែកូនកំព្រាទាំង៣នាក់ដែលប្រពន្ធស្លាប់ចោលផង ។
បុរសកំសត់ពិការជើងទាំងសងខាងមានឈ្មោះសួស សយ អាយុ៥២ រស់នៅក្នុងភូមិស្គុះ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ គាត់បានរៀបរាប់ទាំងអួលដើម.កថា គាត់ពិការភាពតាំងពីឆ្នាំ១៩៨៨មកម្ល៉េះ ដោយសារសង្គ្រាមចាប់តាំងពីពេលនោះមក គាត់មិនអាចធ្វើការងារអ្វីធ្ងន់ធ្ងរនោះទេ គឺពឹងផ្អែកតែលើប្រពន្ធឈ្មោះសឿន សុភាន់ ដើរស៊ីឈ្នួលគេបានប្រាក់កាក់តិចតួចចិញ្ចឹមគ្រួសារ ។ គាត់មានកូនតូចៗស្រី៣នាក់ ដែលកូនបងនោះ អាយុ១០ឆ្នាំ រៀនថ្នាក់ទី៤ ហើយកូនប្អូនពៅគេ មានអាយុទើបតែ៦ឆ្នាំប៉ុណ្ណោះ ។
បុរសពិការកំសត់បានបន្តទាំងក្តុកក្តួលថា ដោយសារតែទេវតាមិនត្រាប្រណីនៅក្នុងកំឡុងឆ្នាំ២០១៥ ប្រពន្ធគាត់បានជួបគ្រោះថ្នាក់ចរាចរណ៍ ត្រូវរថយន្តកិនស្លាប់ចោលគាត់ បន្សល់ទុកកូនស្រីកំព្រា៣នាក់ ថែមទាំងរូបគាត់ជាបុរសពោះម៉ាយពិការជើងទាំង២រស់ដោយសារការជួយពីអ្នកជិតខាងតែប៉ុណ្ណោះ ។
ហើយប្រសិនបើជួបទុក្ខលំបាកយ៉ាងណាក៏ដោយ ក៏គាត់មិនចុះចាញ់ និងព្រហ្មលិខិតឡើយប្រឹងឱ្យកូនស្រីកំព្រានេះ បានរៀនសូត្រកុំអោយក្រីក្រដូចគាត់ទៀត ។
គាត់បន្តថា តាំងពីគាត់ធ្លាក់ខ្លួនពិការ ហើយប្រពន្ធស្លាប់ចោលទៀតនោះ រស់ពឹងលើអ្នកជិតខាងពីអាជ្ញាធរ ក៏ដូចជាអង្គការនានា ថែមទាំងគ្មានលុយបង់ថ្លៃភ្លើងគេ រដ្ឋបានផ្តាច់ភ្លើងងងឹតឈឹងពេលយប់ឡើងនោះ ប៉ុន្តែឥឡូវនេះ គាត់ក៏មានជំងឺធ្លាក់ខ្លួនឈឺទៀតទើបលើកដៃសំពះអង្វពីសំណាក់សប្បុរសជនទាំងក្នុង និងក្រៅប្រទេស ជាពិសេសសម្តេចហ៊ុន សែន និងសម្តេចប៊ុន រ៉ានីហ៊ុនសែន ប្រធានកាកបាទក្រហមមេត្តាជួយគាត់ និងកូនស្រីកំព្រាទាំង៣នាក់បានរស់និងបន្តការសិក្សាផង។
បើតាមសម្តីស្ត្រីចំណាស់ជាអ្នកភូមិផងរបង ឈ្មោះស៊ិន អឿង អាយុ៥២ឆ្នាំ មានផ្ទះក្បែរគ្នាបាននិយាយថា បុរសពិការជើងទាំង២ចិញ្ចឹមកូនស្រីតូចៗនេះ គាត់មានការអាណិតអាសូរខ្លាំងណាស់ ព្រឹកឡើងជិះកង់ទៅផ្សារសុំគេធ្វើនេះធ្វើនោះ គ្រាន់បានលុយកាក់ចិញ្ចឹមក្រពះ។
ពេលឃើញដូចនោះ គាត់បានឱ្យបាយសម្លខ្លះទៅ ជួនឆ្ងាញ់មិនឆ្ងាញ់ ចេះតែហុចទៅ មិនត្រឹមតែក្រប៉ុណ្ណោះទេ ឥឡូវនេះរដ្ឋបានផ្តាច់ភ្លើងផ្ទះខ្ទមរបស់គាត់ទៀត ។ គាត់ជាអ្នកជិតខាង មានការអាណិតអាសូរ ជាពិសេសក្មេងស្រីតូចៗកំព្រានោះ សូមឱ្យសប្បុរសជនទាំងឡាយ មេត្តាជួយគ្រួសារពិការនេះផង គ្រាន់បានរស់រានមានជីវិតតទៅទៀត។
ពលរដ្ឋឈ្មោះសៀក វិចិត្រ អាយុ៤០ឆ្នាំ បាននិយាយថា គាត់ឃើញគ្រួសារនេះ ពិបាកខ្លាំងណាស់ តាំងពីប្រពន្ធបុរសពិការនេះស្លាប់ទៅធ្វើជាឪពុកផង ជាម្តាយផង ហើយកូនស្រីទាំង៣នាក់នៅតូចៗទៀត គាត់មានការអាណិតខ្លាំងណាស់ ។ មិនដឹងជាជួយយ៉ាងណានោះ មានតែសំណូពរដល់សប្បុរសជាជួយគ្រួសារពិការនេះ គ្រាន់បានហូបចុកបានរស់នៅនិងកេផង ជាពិសេសប្រមុខរដ្ឋាភិបាលដែលមានសម្តេចតេជោហ៊ុន សែន ដែលតែងតែមានប្រសាសន៍ថា មិនទុកឱ្យអ្នកណាម្នាក់ស្លាប់ ដោយសារអត់បាយនោះទេ ។
លោក ទេស រិទ្ធ ជាមេភូមិស្គុះក៏បាននិយាយដែរថា ឈ្មោះសួស សយ នេះពិតជាជនពិការចិញ្ចឹមកូនស្រីកំព្រា៣នាក់មែន មានជីវភាពក្រីក្ររស់ពឹងលើអ្នកជិតខាង ។ កន្លងមក គាត់ក៏បានរាយការណ៍ទៅថ្នាក់លើទទួលបានច្រើនលើកដែរ ប៉ុន្តែដោយគាត់
(បុរសពិការ) នេះលំបាកខ្លាំងពេក ទើបមិនអាចផ្គត់ផ្គង់ជីវភាពបាន ហើយរឿងគេផ្តាច់ភ្លើងនោះ លោកមេភូមិចុះទៅសួរនាំសិន ប្រសិនបើដូចនេះមែន លោកជួយសំណូមពរដល់ខាងអគ្គិសនីជួយផ្តល់ភ្លើងមកវិញ ។
ចែករំលែកព័តមាននេះ