អាណោចអាធ័មណាស់ ! បុរសម្នាក់ត្រូវឃ្មុំទិចស្លា.ប់
ខេត្តឧត្តរមានជ័យ ៖ ឃ្មុំធំមួយសំបុកបានចោមរោមទិចបុរសម្នាក់រហូតស្លា.ប់បាត់បង់ជីវិតចោលប្រពន្ធ-កូន ខណៈបុរសរូបនេះមានគោលបំណងចូលទៅវាយបំផ្លាញសំបុក …
ខេត្តឧត្តរមានជ័យ ៖ ឃ្មុំធំមួយសំបុកបានចោមរោមទិចបុរសម្នាក់រហូតស្លា.ប់បាត់បង់ជីវិតចោលប្រពន្ធ-កូន ខណៈបុរសរូបនេះមានគោលបំណងចូលទៅវាយបំផ្លាញសំបុក …
ខេត្តឧត្តរមានជ័យ ៖ ឃ្មុំធំមួយសំបុកបានចោមរោមទិចបុរសម្នាក់រហូតស្លាប់បាត់បង់ជីវិតចោលប្រពន្ធ-កូន ខណៈបុរសរូបនេះមានគោលបំណងចូលទៅវាយបំផ្លាញសំបុកយកទឹកនិងកូនឃ្មុំកាលពីវេលាម៉ោង៦នាទីល្ងាច ថ្ងៃទី២៤ ខែវិច្ឆិកា ឆ្នាំ២០១៦ នៅចំណុចវាលស្រែស្ថិតក្នុងភូមិកញ្ចៀប ឃុំគោកមន ស្រុកបន្ទាយអម្ពឹល ។
ជនរងគ្រោះឈ្មោះ ឃុន កប ភេទប្រុស អាយុ៣៥ឆ្នាំ រស់នៅភូមិកើតហេតុ ។
ក្រុមគ្រួសារសាច់ញាតិជនរងគ្រោះបានឲ្យដឹងថា កាលពីវេលាម៉ោង១រសៀល ថ្ងៃទី២៤ ខែវិច្ឆិកា ឆ្នាំ២០១៦ ជនរងគ្រោះបានចេញពីផ្ទះទៅស្រែតែម្នាក់ឯងដូចសព្វមួយដង ហើយក៏ប្រទះឃើញឃ្មុំធំក៏ចូលទៅយក ស្រាប់តែឃ្មុំចោមរោមដេញទិចរហូតនៅសល់តែដង្ហើមចង្រិច ទើបប្រពន្ធកូនទៅដល់នាំយកមកផ្ទះ តែវាហួសពេលទៅហើយ គឺប្តី ឬឪពុកបានស្លាប់បាត់បង់ជីវិតបាត់ទៅហើយ ។
នគរបាលស្រុកបន្ទាយអម្ពឹលម្នាក់បានឲ្យដឹងថា បន្ទាប់ពីឃ្មុំទិចស្លាប់ ក្រុមគ្រួសារ និងសាច់ញាតិបានមករាយការណ៍ថា ប្តីរបស់ខ្លួនត្រូវបានឃ្មុំទិចស្លាប់ហើយ បន្ទាប់ពីបានទទួលព័ត៌មានសមត្តកិច្ចបានចុះទៅពិនិត្យលើសាកសពឃើញថា ជនរងគ្រោះពិតជាស្លាប់ដោយសារតែឃ្មុំទិចប្រាកដមែន បន្ទាប់មកប្រគល់សពទៅឱ្យក្រុមគ្រួសារប្រពន្ធកូនធ្វើបុណ្យទៅតាមប្រពៃណី ៕
ចែករំលែកព័តមាននេះ