រាជធានីភ្នំពេញ ៖ តារាចម្រៀងប្រចាំផលិតកម្មរស្មីស្ទឹងសែន លោកហង្ស សុណ្ណារិទ្ធ កំពុងតែប្រឹងជំនះជាមួយការងារសិល្ប: រហូតចាប់ផ្តើមមានឈ្មោះ ដោយត្រូវបានបណ្តាស្ថានីយទូរទស្សន៍ធំៗជាច្រើន មកទំនាក់ទំនងឡើងច្រៀងបន្តបន្ទាប់គ្នា ធ្វើឱ្យសាមីខ្លួនកាន់តែមានទឹកចិត្តនឹងមាគា៍សិល្ប:បន្តទៀត ។
ទោះជានៅមិនទាន់មានឈ្មោះល្បីរន្ទឺខ្លាំងដូចតារារៀមច្បង ក៏ពេលនេះលោកហង្ស សុវណ្ណារិទ្ធ ហាក់បំបែកភាពស្ងប់ស្ងាត់ពីភាពជាតួថ្មី ប្រែក្លាយជាតួមានគេស្គាល់ ក្នុងសង្គមសិល្ប:បានយ៉ាងប្រសើរជាងមុន ខណៈដែលលោកបានពុះពារយ៉ាងលំបាករួចមកហើយ ។
ពេលនេះ លោកត្រូវបានស្ថិតក្នុងក្រសែភ្នែកបណ្តាអ្នករៀបចំកម្មវិធីទូរទស្សន៍ជាច្រើន បានផ្តល់ឱកាសជូនតារាចម្រៀងរូបនេះ ដែលមានទឹកដមសំឡេងពីរោះ មិនអាចមើលរំលងបាន ។
លោកហង្ស សុវណ្ណារិទ្ធ បានប្រាប់ឱ្យដឹងថា ចូលមកដល់ប៉ុន្មានខែនេះ ការងារសិល្ប:របស់លោកហាក់សំបូរប្លែកជាងមុន ដែលមានបណ្តាស្ថានីយទូរទស្សន៍នានាទំនាក់ទំនងលោកឡើងច្រៀងសម្តែងបន្តគ្នា ។ សមិទ្ធផលនេះ ក៏ព្រោះតែលោកខំព្យាយាមហើយហាត់ពត់ទឹកដមសំឡេងឱឰ្យកាន់តែប្រសើរជាលំដាប់ ។
លោកបន្តថា ពេលលោកឡើងច្រៀង មានបងប្អូនយើងតាមខេត្ត-ក្រុងគាត់ ជួយលើកកម្លាំងចិត្តឱ្យប្រឹងបន្តទៀត។ បណ្តាបទចម្រៀង លោកច្រៀងមានបទមួយមានចំណងជើងថា «ឱកាសច្រើនដងអូននៅមិនកែ» កំពុងលេចធ្លោ ចាប់ចិត្តពីយុវវ័យ ព្រមទាំងមានបទចម្រៀងថ្មីៗ ជាបន្តទៀតត្រៀមចេញក្នុងផលិតកម្មរស្មីស្ទឹងសែន។
ចែករំលែកព័តមាននេះ