ខេត្តកំពត ៖ រឿងដ៏កម្រមួយកើតនៅក្នុងគ្រួសារដែលមានកូន៨នាក់ (ស្លាប់២) បានបង្កការភ្ញាក់ផ្អើលរហូតនាំគ្នាមកជួបជុំ ដើម្បីឱ្យអាជ្ញាធរជួយធ្វើការដោះស្រាយ ក្នុងនោះកូនៗនិងប្តី សុំឱ្យស្ត្រីជាម្តាយនិងប្រពន្ធឱ្យចុះចេញពីផ្ទះ ដោយសារគាត់តែបានលួចលាក់មានប្រុសថ្មី ។
បុរសជាប្ដីនិងជាឪពុក ឈ្មោះស៊ូ ប្រុស ហៅក្រៅតាការ៉ែម អាយុ៥២ឆាំ្ន រីឯប្រពន្ធដែលរងការចោទឈ្មោះមួង ស្រី អាយុ៥១ឆាំ្ន មានកូនប្រុសស្រី៨នាក់ តែបានស្លា.ប់២នាក់ទៅហើយ ដោយសារតែបា.ក់អគារសង្កត់ស្លា.ប់កាលពីឆាំ្ន២០១៩ នៅខេត្តព្រះសីហនុ ។
គ្រួសារដែលកើតមានជម្លោះនិងគ្នាខាងលើនេះ ស្ត្រីជាប្រពន្ធត្រូវបានប្តីនិងកូនៗចោទថា មានប្រុសថ្មីនៅភូមិព្រៃទទឹង ឃុំអង្គសុរភី ស្រុកកំពង់ ត្រាចខេត្តកំពត ។ ស្ត្រីជាប្រពន្ធឈ្មោះមួង ស្រី នេះ ក៏ត្រូវគេដឹងឮរន្ទឺរសុះសាយពេញភូមិអស់ហើយថា គាត់លួចមានប្រុសថ្មី ។
ដោយសាតែផ្ទុះរឿងហេតុជាបន្តបន្ទាប់ នៅព្រឹកថ្ងៃទី២០ មិថុនា នេះ ទាំង២នាក់ប្ដីប្រពន្ធ រួមទាំងកូនៗប្រុសស្រីទាំង៦នាក់ ក្នុងនោះ មានប្រជាពលរដ្ឋជាង២០នាក់ទៀត នៅភូមិព្រៃទទឹង គឺជាអ្នកគាំទ្រភាគីខាងបុរសជាប្ដីបាននាំគ្នាមកសាលាឃុំអង្គសុភី ដើម្បីធ្វើការដោះស្រាយគ្នា ។ ប៉ុន្តែការដោះស្រាយនោះ លោកកែវ សុខា ជាមេឃុំអង្គសុរភី ជាប់រវល់មិនបានចូលរួមទេ នៅតែលោកស្រី ចាន់ ពៅ ជំទប់1 ឃុំអង្គសុភី រួមទាំងនគរបាលប៉ុស្តិ៍ ។
បើតាមការឱ្យដឹងពីកូនស្រីឈ្មោះ ស៊ូ ម៉ី អាយុ២១ឆាំ្ន បាននិយាយប្រាប់ជាសាធារណៈថា បើម្ដាយគាត់មានប្រុសថ្មីក៏មានចុះ ប៉ុន្តែនាងអាណិតឪពុកខ្លួនណាស់។ ព្រោះឪពុកខ្លួន ជាជនពិការ បាក់ឆ្អឹងខ្នងដោយសារធ្លាក់ពីលើផ្ទះថ្មនៅស្រុកថៃ ។ បន្ទាប់ពីជាសះស្បើយ ឪពុកនាងមានរបរលក់ការ៉ែម តែមិនប៉ុន្មានខែប្អូនៗប្រុស២នាក់ ត្រូវបានអគារបាក់សង្គាត់ស្លា.ប់ទាំងពីរនាក់បងប្អូនទៀត។ តែមិនបានប៉ុន្មានឆ្នាំផង ម្ដាយនាងបែរទៅលួចលាក់មានប្រុសថ្មី ។ នាងស៊ូ ម៉ី និយាយថា ម្ដាយរបស់នាងត្រូវបានចាញ់បោកបុរសជាជាប្ដីក្រោយអស់លុយរលីងហើយមករករឿងឪពុកខ្លួនវិញ។
កូនប្រុសម្នាក់ទៀត ឈ្មោះស៊ូ ពិសិដ្ឋ និងឈ្មោះស៊ូ ជីម ក៏បានសុំទទូចអោយអាជ្ញាធរខេត្តស្រុកចាត់វិធានការលើម្ដាយ ដែលមានប្រុសថ្មីចុះចោលឪពុកខ្លួន ថែមទាំងបណ្ដេញឪពុកខ្លួនចេញពីផ្ទះទៀត ។ ពួកកូនបានប្រាប់អាជ្ញាធរបង្ហូរទាំងទឹកភ្នែកថា សុំអោយម្ដាយចុះចេញពីផ្ទះចុះ ដើម្បីឱ្យឪពុកខ្លួនចូលមកនៅវិញ ជួយមើលថែកូនប្អូននៅលីវចំនួន២នាក់ទៀត ដែលមិនទាន់មាន
គ្រួសារ។
ស្ត្រីឈ្មោះ មួង ស្រី ដែលរងការថាមានប្រុសថ្មីនោះ គាត់ថា មិនបានបណ្ដេញប្ដីចេញពីផ្ទះទេ ហើយក៏មិនបានចាញ់ប្រុសសហាយណាមួយដែរ ។ ស្ត្រី មួង ស្រី បានប្រកែកដាច់អហង្ការថា ខ្លួនមិនចាកចេញពីផ្ទះឡើយ ។ ចំណែកបុរសជាប្ដីឈ្មោះស៊ូ ប្រុស បានលើកដៃសំពះដល់អាជ្ញាធរ និងប្រពន្ធខ្លួនថា បើឯងមានប្រុសចុះចេញតែខ្លួនចុះ ទុកអោយខ្ញុំនៅផ្ទះមើលថែកូនៗដែលមិនទាន់ដឹងក្ដី។
ចំពោះការដោះស្រាយនៅព្រឹកថ្ងៃទី២០ មិថុនា គឺមិនបានដោះស្រាយបញ្ចាប់ទេ ព្រោះភាគីម្ដាយនិងកូនៗបានប្រកែកគ្នារហូតបានបិទការដោះស្រាយ។ ប៉ុន្តែរហូតដល់រសៀលថ្ងៃដដែល បើតាមការអះអាងកូនឈ្មោះស៊ូ ម៉ី និយាយថា ម្ដាយខ្លួនទទួលព្រមចុះចេញពីផ្ទះហើយ ដោយមិនប្រមូលទ្រព្យធនអ្វីឡើយ ស្របពេលបុរសឈ្មោះចាប ពៅ អាយុ៥២ឆាំ្ន ជាប្ដីក្រោយ នៅភូមិជាមួយគ្នាបានទូរស័ព្ទប្រាប់ថា គាត់ជាប្ដីក្រោយគឺជាអ្នកទទួលយកឈ្មោះមួង ស្រី ជាប្រពន្ធ ខណៈពេលប្រពន្ធដើម រស់នៅមិនទាន់បែកបាក់ទៅណាឡើយ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ