លោក Ming-Chi Kuo មកពីក្រុមហ៊ុនKGI ដែលតាមដានគ្រប់រឿងទាក់ទង់ នឹងក្រុមហ៊ុនApple ជាថ្មីម្តងទៀតបានទស្សន៍ទាយថា នៅឆ្នាំ២០១៧ ផលិតផលIphone 8 នឹងមានឆ្នាំងសាកគ្មានខ្សែ ។ តែគាត់បន្តថា សម្រាប់Iphone ថ្មីដែលមានតម្លៃសមរម្យ គឺគ្មានប្រអប់សាកថ្មឥតខ្សែទេ ។
ព័ត៌មានក្រៅផ្លួវការនេះបន្តថា Iphone 8 នឹងធ្វើឡើងពីកញ្ចក់មុខក្រោយ ហើយសាកថ្មឆាប់ពេញ ។ សម្រាប់ឆ្នាំ២០១៨ ក្រុមហ៊ុនApple នឹងត្រូវគេរំពឹងថា ធ្វើការអភិវឌ្ឍលើបច្ចេកវិទ្យាសាកថ្មឥតខ្សែ ។
លើសពីនេះទៅទៀត ក្រុមហ៊ុនKGI បានព្យាករថា Iphone 8 នឹងចេញ៣ម៉ូដែលសម្រាប់ឆ្នាំក្រោយ ដែលមានពីរម៉ូដែលបន្តជំនាន់ពីIphone 7 និងIphone 7 Plus ហើយម៉ូដែលថ្មីដែលមានតម្លៃថ្លៃនឹងដំណើរការកម្មវិធីfeature a dual-curved AMOLED touchscreen និងមានអេក្រង់៥,៨ ។
ក្រុមហ៊ុនPegatron បាននិយាយថា ខ្លួនគឺជាក្រុមហ៊ុនតែមួយគត់ដែលផ្គត់ផ្គង់ឆ្នាំងសាកឥតខ្សែសម្រាប់Iphone នាពេលអនាគត់។ ចំណែកក្រុមហ៊ុនFoxconn កំពុងធ្វើការយ៉ាងមមាញឹកដើម្បីធានាថាផលិតផល Iphone AMOLED នឹងចេញមកដោយគ្មានបញ្ហា ។ យើងមិនទាន់ដឹងច្បាស់នៅឡើយទេថា ក្រុមហ៊ុនApple នឹងចេញម៉ូដែលទូរស័ព្ទថ្មីអ្វីខ្លះនោះឡើយទេ ។ Apple តែងតែនាំបច្ចេកវិទ្យាថ្មីជានិច្ចដូចជាកាសឥតខ្សែរបស់Iphone 7 និង Iphone 7 Plus ដែលទទួលបានជោគជ័យ ៕
ចែករំលែកព័តមាននេះ