រាជធានីភ្នំពេញ ៖ ស្ត្រីម្នាក់ត្រូវក្រុមប្រដាប់អាវុធបានភ្ជង់ប្លន់យកម៉ូតូZoomer-Xយកទៅបានសម្រេច ខណៈជិះម៉ូតូទៅCopyឯកសារនៅកន្លែងធ្វើការ ដែលហេតុការណ៍នេះបង្កឱ្យភ្ញាក់ផ្អើល កាលពីវេលាម៉ោង០៨ និង២០នាទីយប់ថ្ងៃទី២៤ វិច្ឆិកា ស្ថិតតាម
រាជធានីភ្នំពេញ ៖ នារីម្នាក់ត្រូវក្រុមប្រដាប់អាវុធភ្ជង់ប្លន់យកម៉ូតូZoomer-Xយកទៅបានសម្រេច ខណៈជិះម៉ូតូទៅCopyឯកសារនៅកន្លែងធ្វើការ ដែលហេតុការណ៍នេះបង្កឱ្យភ្ញាក់ផ្អើល កាលពីវេលាម៉ោង០៨ និង២០នាទីយប់ថ្ងៃទី២៤ វិច្ឆិកា ស្ថិតតាមបណ្តោយផ្លូវ១៤៣ កែងផ្លូវ២៤៨ ស្ថិតនៅក្នុងសង្កាត់វាលវង់ ខណ្ឌ៧មករា ។
ប្រភពឱ្យដឹងថា ជនរងគ្រោះឈ្មោះវាសនា សម្ភស្ស ភេទស្រី អាយុ២៦ឆ្នាំ ស្នាក់នៅក្រោយវិទ្យាល័យជា ស៊ីម សាមគ្គី សង្កាត់បឹងសាឡាង ខណ្ឌទួលគោក ។
តាមប្រភពពីជនរងគ្រោះឱ្យដឹងថា មុនពេលកើតហេតុ គាត់ជិះម៉ូតូម៉ាកZoomer-X ពណ៌.ស ពាក់ស្លាកលេខ ភ្នំពេញ1FN-3838 ធើ្វដំណើរតាមបណ្តោយផ្លូវព្រះសីហនុ ក្នុងបំណងទៅកន្លែងធ្វើការ ដើម្បីCopyឯកសារ ។ ខណៈជិះមកដល់ចំណុចកើតហេតុ ផ្លូវ១៤៣ កែងផ្លូវ២៤៨ ជិតដល់កន្លែងធ្វើការទៅហើយ ដោយធ្វើដំណើរមកតាមបណ្តោយផ្លូវ១៤៣ ស្រាប់តែលេចមុខក្រុមជនប្រដាប់អាវុធជាមុខសញ្ញាចាស់ ដែលសមត្ថកិច្ចកំពុងតាមប្រមាញ់តាមចាប់មានគ្នា៣នាក់ជិះម៉ូតូម៉ាក PCX ពណ៌.ស មិនចាំស្លាកលេខ ដែលជិះបញ្ច្រាសទិសគ្នា ក្នុងនោះជនសង្ស័យអង្គុយពីក្រោយ បានលោតចុះពីលើម៉ូតូហើយទាញស្ត្រីរងគ្រោះ ឱ្យធ្លាក់ពីលើម៉ូតូ ចំណែកឯជនសង្ស័យម្នាក់ទៀត បានដកកាំភ្លើងខ្លីភ្ជង់ប្លន់យកម៉ូតូ Zoomer-X ទៅបាត់ដោយសុវត្ថិភាព ដោយមិនបានរំខាន់ដល់សមត្ថកិច្ចប៉ុស្តិ៍វាលវង់នោះទេ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលវាលវង់ ដើម្បីឱ្យសមត្ថកិច្ចស្រាវជ្រាវតាមចាប់ខ្លួនជនសង្ស័យ យកមកផ្តន្ទាទោសតាមច្បាប់ ។
គួរបញ្ជាក់ផងថា សមត្ថកិច្ចបានបង្ហើបថា ជនសង្ស័យជិះម៉ូតូ PCX ពណ៌.ស ជាមុខសញ្ញាចាស់ ដែលតែងតែធ្វើសកម្មភាពប្លន់យកម៉ូតូជាញឹកញាប់នៅក្នុងភ្នំពេញ គ្រាន់តែតាមចាប់មិនទាន់បាន ។
ចែករំលែកព័តមាននេះ