សាហា.វណាស់ ! វាយប្រពន្ធកូនហើយ គំរាមសម្លា.ប់ម្តាយទៀត
ខេត្តពោធិ៍សាត់ ៖ បុរសម្នាក់មិនត្រឹមតែវាយធ្វើបាបប្រពន្ធកូនប៉ុណ្ណោះទេ ថែមទាំងគំរាមសម្លា.ប់ម្តាយបង្កើតខ្លួនឯង ហើយបំផ្លាញទ្រព្យសម្បត្តិក្នុងផ្ទះទៀត ក៏ត្រូវបាន …
ខេត្តពោធិ៍សាត់ ៖ បុរសម្នាក់មិនត្រឹមតែវាយធ្វើបាបប្រពន្ធកូនប៉ុណ្ណោះទេ ថែមទាំងគំរាមសម្លា.ប់ម្តាយបង្កើតខ្លួនឯង ហើយបំផ្លាញទ្រព្យសម្បត្តិក្នុងផ្ទះទៀត ក៏ត្រូវបាន …
ខេត្តពោធិ៍សាត់ ៖ បុរសម្នាក់មិនត្រឹមតែវាយធ្វើបាបប្រពន្ធកូនប៉ុណ្ណោះទេ ថែមទាំងគំរាមសម្លាប់ម្តាយបង្កើតខ្លួនឯង ហើយបំផ្លាញទ្រព្យសម្បត្តិក្នុងផ្ទះទៀត ក៏ត្រូវបានម្តាយប្តឹងសមត្ថកិច្ចឲ្យចាប់ឃាត់ខ្លួនកាលពីរសៀលថ្ងៃទី២៣ ខែវិច្ឆិកា ឆ្នាំ២០១៦ នៅចំណុចផ្ទះឈ្មោះ យន់ អ៊ុន (ជាម្តាយ) ស្ថិតក្នុងភូមិស្រះស្រង់ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។
មន្ត្រីនគរបាលក្រុងពោធិ៍សាត់បានឲ្យដឹងថា បុរសដែលគំរាមសម្លាប់ម្តាយឈ្មោះ យឹម ណារិទ្ធ អាយុ៣៩ឆ្នាំ មានប្រពន្ធ និងកូនមួយ មានម្តាយឈ្មោះ យន់ អ៊ុន រស់នៅភូមិកើតហេតុ។
មន្ត្រីនគរបាលក្រុងពោធិ៍សាត់បានឲ្យដឹងទៀតថា ជនសង្ស័យតែងតែផឹកស្រាស្រវឹងស្ទើរតែរាល់ថ្ងៃ ។ នៅថ្ងៃកើតហេតុបន្ទាប់ពីជនសង្ស័យផឹកស្រាស្រវឹងជនសង្ស័យបានគំរាមសម្លាប់ម្តាយបង្កើតខ្លួនឯង និងវាយធ្វើបាបប្រពន្ធកូន ព្រមទាំងបំផ្លាញទ្រព្យសម្បត្តិក្នុងផ្ទះខ្ទេចគ្មានសល់ ។
ក្រោយកើតហេតុ ដោយសារតែស្ត្រីជាម្តាយទ្រាំលែងបានក៏ទៅដាក់ពាក្យបណ្តឹង ហើយកម្លាំងសមត្ថកិច្ចបានចុះទៅអន្តរាគមន៍ឃាត់ខ្លួនជនសង្ស័យបញ្ជូនទៅអធិការដ្ឋាននគរបាលក្រុងពោធិ៍សាត់ដើម្បីបន្តចាត់ការតាមនីតិវិធី ៕
ចែករំលែកព័តមាននេះ