អូស្ត្រាលី៖ តាមប្រភពព័ត៌មាន Metroថា ស្ត្រីម្នាក់រស់នៅ Adelaide ក្នុងប្រទេសអូស្ត្រាលី បានទុកសត្វឆ្មារបស់នាងទាំង១៤ក្បាលចោលក្នុងផ្ទះរយៈពេលយ៉ាងយូរ រហូតដល់សត្វឆ្មា ទាំងនោះចាប់គ្នាវាស៊ីជាអាហារ ។
នៅក្នុងវីឌីអូថតដោយក្រុមជួយសង្គ្រោះបានឱ្យឃើញគ្រោងឆ្អឹង និងរោមរបស់សត្វឆ្មា ហើយមានតែឆ្មាមួយក្បាលទេ ដែលនៅមានជីវិត។
ស្ត្រីជាម្ចាស់ដែលគេចាត់ទុកថា មានជំងឺផ្លូវចិត្តត្រូវបានចោទប្រកាន់នៅក្នុងសាលកាត់ក្តី Port Adelaide Magistrates ពីបទប្រព្រឹត្តអំពើសាហាវឃោរឃៅទៅលើសត្វ ហើយត្រូវបានគេហាមមិនឱ្យចិញ្ចឹមសត្វតទៅទៀត។
ប្រធានស៊ើបអង្កេត លោក Andrea Lewis បានមានប្រសាសន៍ថា នៅពេលដែលក្រុមការងារបានទៅដល់ផ្ទះរបស់ម្ចាស់ឆ្មាទាំងនោះ ពួកគេបានឮសំឡេងឆ្មាស្រែកលឺៗ ដែលវាជាសម្លេងរបស់ Trooper (ឆ្មាមួយក្បាលដែលនៅរស់នោះ) ។ ឈ្មោះនេះត្រូវបានដាក់ឱ្យ ក្រោយពេលរកឃើញវានៅម្នាក់ឯង នៅក្នុងផ្ទះ ។ សត្វឆ្មា Trooper ឥលូវនេះមានផ្ទះថ្មីហើយ ព្រមទាំងបានជាសះស្បើយយ៉ាងប្រសើរផងដែរ ។
Lewis បានបន្តថា បើសិនជាអ្នកមិនអាចមើលថែសត្វចិញ្ចឹមរបស់លោកអ្នកបានទេ សូមទុកវាឱ្យមិត្តភក្តិរបស់អ្នកមើលថែទៅ ចៀសវាងទុកវាចោលបែបនេះ ៕
ចែករំលែកព័តមាននេះ