ចៅសង្កាត់ព្រះពន្លា ប្រាប់មូលហេតុ សុំលាលែងចេញពីតំណែង(វីដេអូ)
- បន្ទាយមានជ័យ
ខេត្តបន្ទាយមានជ័យ ៖ លោកមុំ ប៉ុណ្ណា បេក្ខជនលេខរៀងទី១ ចៅសង្កាត់ព្រះពន្លា ក្រុងសិរីសោភ័ណ
ខេត្តបន្ទាយមានជ័យ ៖ លោកមុំ ប៉ុណ្ណា បេក្ខជនលេខរៀងទី១ ចៅសង្កាត់ព្រះពន្លា ក្រុងសិរីសោភ័ណ
ខេត្តបន្ទាយមានជ័យ ៖ លោកមុំ ប៉ុណ្ណា បេក្ខជនលេខរៀងទី១ ចៅសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បានដាក់ពាក្យស្នើសុំលាលែងពីតំណែងចៅសង្កាត់អាណត្តិទី៥ ដោយសារហេតុផលបញ្ហាសុខភាព ។
លោក មុំ ប៉ុណ្ណា បានប្រាប់កាលពីថ្ងៃទី១៧ ខែមិថុនា ឆ្នាំ២០២២ កន្លងមកថា ៖ គ្មាននរណា ឬអង្គភាពណាបង្ខិតបង្ខំគាបសង្កត់រូបលោកឡើយ តែរូបលោកទៅវិញទេ ដែលស្នើសុំក្តីអនុគ្រោះពីបក្ស ពីរដ្ឋ និងពីប្រជាពលរដ្ឋ ក្នុងការលាឈប់ពីមុនតំណែងចៅសង្កាត់ថ្មីនេះ ដែលនឹងត្រូវប្រកាសនាពេលដ៏ខ្លីខាងមុខ។ នោះបណ្តាលមកពីបញ្ហាសុខភាពរបស់លោកមានការលំបាកខ្លាំង ដែលមិនអាចទ្រោលបម្រើការងារ បម្រើសេវាជូនពលរដ្ឋឲ្យបានពេញលេញដូចមុន។
លោកបញ្ជាក់ថា ៖ លោកមានជម្ងឺប្រចាំកាយដូចជា ទឹកនោមផ្អែម ឡើងជាតិស្ករ ឡើងឈាម ខ្លាញ់រុំបេះដូងជាដើម ។ ជម្ងឺទាំងនេះ តែងធ្វើទុក្ខភ្លាមៗ ដោយមិនឲ្យដឹងមុន ហើយត្រូវបញ្ជូនទៅសង្គ្រោះនិងព្យាបាលបន្ទាន់ផងដែរ ។
ទាក់ទិននឹងការលាលែងពីតំណែងនេះដែរ កូនៗនិងគ្រួសាររបស់លោកក៏បានយល់ព្រមឲ្យលោកលាលែងផងដែរ ។ ជាមួយគ្នានោះលោកក៏សូមការយោគយល់ អធ្យាស្រ័យផងដែរពីរាស្ត្រម្ចាស់ឆ្នោតទាំង៧ភូមិនៃសង្កាត់ព្រះពន្លា ចំពោះការដែលបងប្អូនបោះឆ្នោតជូនបក្ស ជូនលោកហើយ តែលោកមិនបាននៅបំពេញការងារបំរើបងប្អូនវិញ។
លោក មុំ ប៉ុណ្ណា បញ្ជាក់ទៀតថា៖កន្លងមក លោកក៏បានចូលសម្រាកពេទ្យ១លើកៗក៏យូរៗដែរ។ សូម្បីក្នុងពេលដំណើរការយុទ្ធនាការបោះឆ្នោត ក៏លោកមានជម្ងឺធ្ងន់ បានត្រូវបញ្ជូនទៅសម្រាកព្យាបាលនៅពេទ្យព២ ខេត្តបាត់ដំបង ។ ប៉ុន្តែលោកបានសុំអង្វរគ្រូពេទ្យ ទោះលោកស្លា.ប់ ក៏ធ្វើម៉េចឲ្យលោកបានចេញមកបោះឆ្នោតតែ១ភ្លែត ជូនគណបក្សប្រជាជនកម្ពុជាសិនដែរ ។
សូមបញ្ជាក់ថា លោកមុំ ប៉ុណ្ណា អាយុជិត៧០ឆ្នាំ បានបម្រើការកងទ័ពនិងចុងក្រោយជាចៅសង្កាត់ព្រះពន្លាអាណត្តិទី៤ សរុបអស់ពេល៤២ឆ្នាំហើយ ។ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ លោកនៅជាបេក្ខជនលំដាប់លេខរៀងទី១ មកពីគណបក្សប្រជាជនកម្ពុជា ឈរឈ្មោះ នៅសង្កាត់នៅសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យ ។ ប៉ុន្តែឥឡូវនេះ តំណែងចៅសង្កាត់នេះនឹងបានទៅបេក្ខនារីលំដាប់លេខរៀងទី២ គឺអ្នកស្រីឆាត សុជា វិញ ។
សូមបញ្ជាក់ថា លទ្ធផលបណ្តោះអាសន្ននៃបោះឆ្នោតជ្រើសរើសក្រុមប្រឹក្សាឃុំ សង្កាត់ នៅសង្កាត់ព្រះពន្លានេះ គឺគណបក្សប្រជាជនកម្ពុជាបាន៩អាសន: គណបក្សភ្លើងទៀនបាន៣អាសន: លើអាសន:សរុប១១ ។
ទោះលាឈប់ពីតំណែងនិងការងារសកម្មបែបនេះក្តី លោកក៏ស្នើសុំនៅបម្រើការងារបក្ស រដ្ឋ ក្នុងតំណែងណាមួយដូចជាទីប្រឹក្សាឬ..ដែលមិនសូវសកម្ម មិនសូវហត់ ឬបន្ទុកធ្ងន់ពេកដែរដើម្បីជីវភាពនិងមានពេលវេលាថែទាំសុខភាព ..។
ប្រជាពលរដ្ឋ ក៏ដូចថ្នាក់ដឹកនាំអាជ្ញាធរនិងគណបក្សបានប្រាប់ នៅថ្ងៃទី១៧ ខែមិថុនា កន្លងមកថា៖ពួកគេសោកស្តាយចំពោះលោកមុំ ប៉ុណ្ណា ដែលបានលាលែងតំណែងចៅសង្កាត់ព្រះពន្លា។ ប៉ុន្តែពួកគេគោរពដល់ការសម្រេចចិត្តនិងមូលហេតុរបស់សាម៉ីខ្លួន ៕
ចែករំលែកព័តមាននេះ