អតីតប្រធានាធិបតីអ៊ីស្រាអែលលោកមូសេ កាតសាវ ត្រូវទទួលការកាត់ទោសកាលពីថ្ងៃទី២២ មីនា ដោយតុលាការក្រុងតែលអាវីវមួយដាក់គុក៧ឆ្នាំពីបទរំលោភ។ តុលាការនោះបានបដិសេធការអំពាវនាវឱ្យមានការលើកលែងទោសរបស់បណ្តាមេធាវីលោក។
ពេលប្រកាសពីសាលក្រមកាត់ទោសអតីតប្រធានាធិបតីរូបនេះបានយំខ្សឹកខ្សួល និងថ្ងូរប្រាប់ចៅក្រមថា លោកចៅក្រមធ្វើនូវការភាន់ច្រឡំមួយហើយ ! នោះគឹជាពាក្យភូតកុហក! ពួកនារីទាំងនោះដឹងច្បាស់ថាជាការភូតកុហកមួយ។
ជាប្រធានាធិបតីពីឆ្នាំ២០០០ដល់២០០៧ បន្ទាប់ពីធ្វើរដ្ឋមន្ត្រីក្នុងរដ្ឋាភិបាលជាច្រើនរបស់គណបក្សលីគូដ លោកមូសេកាតសាវ អាយុ៦៥ឆ្នាំនៅតែបដិសេធការចោទប្រកាន់ចំពោះរូបលោក។ លោកទទួលការចោទប្រកាន់ពីបទចាប់រំលោភនារីម្នាក់ក្នុងចំណោមនារីជាសហការីរបស់លោកចំនួន២លើកកាលពី ឆ្នាំ១៩៩៨ ពេលលោកធ្វើជារដ្ឋមន្ត្រីក្រសួងទេសចរណ៍ ព្រមទាំងបៀតបៀនផ្លូវភេទលើនារី២នាក់ទៀតដែលធ្វើការនៅក្បែរលោក ពេលលោកឡើងធ្វើប្រធានាធិបតីកាលពីឆ្នាំ២០០០ ៕
ចែករំលែកព័តមាននេះ