យោងតាមអាជ្ញាធរថា មនុស្ស៣នាក់ស្លាប់ ហើយ៤នាក់ទៀតបាត់ខ្លួន កាលពីថ្ងៃទី២២ វិច្ឆិកា នៅប្រទេសប៉ាណាម៉ា ដោយសារការវាយប្រហារនៃព្យុះសង្ឃរាឈ្មោះ OTTO ញ៉ាំងឱ្យមានភ្លៀងធ្លាក់យ៉ាងខ្លាំង ។ ចំណែកប្រទេសនីការ៉ាហ្គា និងកូស្តារីកា រៀបចំការជម្លៀសមនុស្សចេញពីតំបន់ឆ្នេរសមុទ្រ ។
យោងតាមមជ្ឈមណ្ឌលខ្យល់ព្យុះអាមេរិក HNC មានមូលដ្ឋាននៅក្រុងម៉ៃអាមីថា ដំបូងជាព្យុះត្រូពីកាល់មួយ ព្យុះនោះក្លាយជាព្យុះសង្ឃរានាវេលារសៀលថ្ងៃទី២២ វិច្ឆិកា ។ ដូច្នេះព្យុះ OTTO ជាព្យុះសង្ឃរាទី៧ ប្រចាំរដូវឆ្នាំ២០១៦ ជាមួយកម្លាំងខ្យល់១២០គ.មក្នុង១ម៉ោង ។ ព្យុះនោះបោកបក់ឆ្ពោះទៅទិសខាងលិច ហើយត្រូវទៅដល់តំបន់ព្រំដែនរវាងនីការ៉ាហ្គា និងកូស្តារីកា រវាងថ្ងៃទី២៣និង២៤ វិច្ឆិកា ។
ការបាក់ដីនិងការបាក់ដើមឈើបណ្តាលឱ្យមនុស្សស្លាប់៣នាក់នៅប៉ាណាម៉ា ព្រមទាំងបង្កការខូចខាត់ធ្ងន់ធ្ងរ ។ ក្នុងចំណោមអ្នកបាត់ខ្លួន៤នាក់ ៣នាក់ក្នុងសមុទ្រ ៕
ចែករំលែកព័តមាននេះ