លោក សុន ឆ័យថា CNRP នៅតែជំរុញឲ្យបញ្ឈប់ការលុបបឹងនៅភ្នំពេញ
រាជធានីភ្នំពេញ ៖ មន្ត្រីជាន់ខ្ពស់គណបក្សសង្គ្រោះជាតិលោកតំណាងរាស្ត្រ សុន ឆ័យ បានមានប្រសាសន៍ថា គណបក្សប្រឆាំង (CNRP)
រាជធានីភ្នំពេញ ៖ មន្ត្រីជាន់ខ្ពស់គណបក្សសង្គ្រោះជាតិលោកតំណាងរាស្ត្រ សុន ឆ័យ បានមានប្រសាសន៍ថា គណបក្សប្រឆាំង (CNRP) នៅតែជំរុញឲ្យរាជរដ្ឋាភិបាលបញ្ឈប់ការលុបបឹងទាំងអស់ក្នុងរាជធានីភ្នំពេញ និងតាមបណ្តាខេត្តនានា ។
នៅក្នុងសន្និសីទកាសែតនៅទីស្នាក់ការកណ្តាលគណបក្សសង្គ្រោះជាតិក្នុងសង្កាត់ចាក់អង្រែលើ ខណ្ឌមានជ័យនាព្រឹកថ្ងៃទី២៣ វិច្ឆិកា ២០១៦ជុំវិញការចូលប្រជុំសភារបស់តំណាងរាស្ត្រគណបក្សសង្គ្រោះជាតិកាលពីថ្ងៃម្សិលមិញនោះ លោក សុន ឆ័យ ក៍បានបញ្ជាក់ទៀតថា គណបក្សសង្គ្រោះជាតិក៍នឹងជំរុញផងដែរឲ្យរាជរដ្ឋាភិបាលបញ្ឈប់ការនាំឈើចេញទៅក្រៅប្រទេស និងត្រូវយកដីសម្បទានជាង១លានហិកតាពីក្រុមហ៊ុនដែលមិនគោរពតាមកិច្ចសន្យាប្រគល់មកឲ្យរដ្ឋវិញ ឬ ប្រគល់ជូនពលរដ្ឋដែលពុំមានដីធ្លី ឬខ្វះខាតដីធ្លី ។
គិតត្រឹមវេលាម៉ោង១០និង២៥នាទីព្រឹកថ្ងៃពុធដដែលនេះ មិនទាន់មានប្រតិកម្មភ្លាមៗនៅឡើយទេពីមន្ត្រីជាន់ខ្ពស់រាជរដ្ឋាភិបាល ៕
ចែករំលែកព័តមាននេះ