ប្អូនថ្លៃប្រុងចាប់កូនស្រីមិនទាន់ដោះស្រាយផង ស្រាប់តែប្តីគំរាមសម្លា.ប់ទៀត
ខេត្តបន្ទាយមានជ័យ ៖ អ្នកគ្រូបង្រៀនសាលាបឋមសិក្សា ហ៊ុន សែន សុភី ម្នាក់បានទៅដាក់ពាក្យប្តឹងប្អូនថ្លៃពីបទប៉ុនប៉ងចាប់រំលោ.ភកូនស្រីអាយុ១១ឆ្នាំ តែ …
ខេត្តបន្ទាយមានជ័យ ៖ អ្នកគ្រូបង្រៀនសាលាបឋមសិក្សា ហ៊ុន សែន សុភី ម្នាក់បានទៅដាក់ពាក្យប្តឹងប្អូនថ្លៃពីបទប៉ុនប៉ងចាប់រំលោ.ភកូនស្រីអាយុ១១ឆ្នាំ តែ …
ខេត្តបន្ទាយមានជ័យ ៖ អ្នកគ្រូបង្រៀនសាលាបឋមសិក្សា ហ៊ុន សែន សុភី ម្នាក់បានទៅដាក់ពាក្យប្តឹងប្អូនថ្លៃពីបទប៉ុនប៉ងចាប់រំលោភកូនស្រីអាយុ១១ឆ្នាំ តែសមត្ថកិច្ចនៅមិនទាន់ដោះស្រាយផង ស្រាប់តែគាត់ត្រូវបានប្តីចុង(បងប្រុសរបស់ប្អូនថ្លៃ)គំរាមសម្លាប់ថែមទៀត ។
ប្រភពព័ត៌មានពីសមត្ថកិច្ចបានឲ្យដឹងថា អ្នកគ្រូបង្រៀនខាងលើឈ្មោះ ទាក់ ហាក់ អាយុ៤៧ឆ្នាំ ជាគ្រូបង្រៀននៅសាលាបឋមសិក្សាហ៊ុន សែន សុភី និងមានទីលំនៅក្នុងភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ មានប្តីក្រោយ(ប្តីចុង)ឈ្មោះ ឡំ ផល្លា អាយុ៤៧ឆ្នាំ ឯប្អូនថ្លៃរបស់គាត់(ប្អូនប្តីចុង)ឈ្មោះ ឡំ សំអឿន ភេទប្រុស អាយុ៣៧ឆ្នាំ ។
ពាក់ព័ន្ធករណីប្តឹងប្អូនថ្លៃថាប៉ុនប៉ងចាប់រំលោភកូនស្រីអាយុ១១ឆ្នាំនេះ អ្នកគ្រូបានប្រាប់ឱ្យដឹងថា កាលពីវេលាម៉ោង១០ និង៣០នាទីយប់ ថ្ងៃទី២០ ខែកញ្ញា ឆ្នាំ២០១៦ នៅភូមិ២ សង្កាត់កំពង់ស្វាយ ក្រុងសិរីសោភ័ណ ខណៈគាត់និងប្តីចុងកំពុងក្រាលកម្រាលពូកក្នុងបន្ទប់ ឯកូនស្រីគាត់(ជាកូនប្តីដើម)ដេកលើប៉ាវអ៊ីមើលទូរទស្សន៍នៅមុខផ្ទះ ស្រាប់តែកូនស្រីគាត់ស្រែកថា «ម៉ែអើយ ពុកអើយ ជួយផង» ។ ភ្លាមៗនោះគាត់ក៏រត់ចេញទៅមើល ស្រាប់តែកូនស្រីប្រាប់ថា ពូឡើងទ្រោបពីលើប្រុងរំលោភ ។ អ្នកគ្រូបន្តថា គាត់បានទៅដាក់ពាក្យប្តឹងនៅការិយាល័យព្រហ្មទណ្ទ នៃស្នងការដ្ឋាននគរបាលខេត្ត ដើម្បីឱ្យចាប់ជនសង្ស័យមកផ្តន្ទាទោសតាមច្បាប់ និងទាមទារសំណងជាទឹកប្រាក់ចំនួន២៥០០ដុល្លារអាមេរិក ។
អ្នកគ្រូបញ្ជាក់ថា ក្រោយពេលដាក់ពាក្យប្តឹង ជនសង្ស័យជាប្អូនថ្លៃត្រូវបានសមត្ថកិច្ចការិយាល័ព្រហ្មទណ្ឌកោះហៅទៅសួរនាំនៅព្រឹកថ្ងៃទី២៤ ខែកញ្ញា តែដោយខ្លាចប្រឈមនឹងផ្លូវច្បាប់ជាប់គុកជាប់ច្រវ៉ាក់ ជនសង្ស័យក៏សុំធ្វើការសម្របសម្រួល ដោយព្រមបង់ប្រាក់ចំនួន២៥០០ដុល្លារតាមការទាមទារ ហើយថែមទាំងធ្វើកិច្ចសន្យាសងសំណងនៅថ្ងៃទី២៥ ខែកញ្ញា នៅចំពោះមុខសមត្ថកិច្ចនៅការិយាល័យព្រហ្មទណ្ឌទៀតផង ។ លុះថ្ងៃណាត់ជួបគ្នាទទួលសំណង ស្រាប់តែមិនឃើញជនសង្ស័យមកតាមការណាត់ឡើយ មិនតែប៉ុណ្ណោះប្តីចុងរបស់គាត់ទំនងជាកាន់ជើងប្អូនខ្លួនឯង ក៏គំរាមគាត់នៅមុខការិយាល័យប្រឆាំងគ្រឿងញៀនថា បើឯងចង់បានលុយ២៥០០ដុល្លារហ្នឹងថ្ងៃក្រោយនឹងបាត់ខ្លួនហើយ ធ្វើឱ្យគាត់សម្រេចចាកចេញពីផ្ទះខាងប្តីនាំកូនមករស់នៅផ្ទះខ្លួនឯងនៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ វិញ ។
ដោយខ្លាចមិនទទួលបានភាពយុត្តិធម៌ ទើបនៅថ្ងៃទី២៨ ខែកញ្ញា ឆ្នាំ២០១៦ គាត់បានដឹកដៃកូនស្រីអាយុ១១ឆ្នាំ ទៅដាក់ប្តឹងទាមទាររកយុត្តិធម៌នៅសាលាដំបូងខេត្តទៀត ។
ចំពោះការលើកឡើងថា ជនសង្ស័យសុំសម្រួលជាសំណង២៥០០ដុល្លារ និងធ្វើកិច្ចសន្យាសងប្រាក់ផងនោះ ត្រូវបានមន្ត្រីជំនាញនៅការិយាល័យព្រហ្មទណ្ឌកម្រិតធ្ងន់បដិសេធថា មិនមានដូចការចោទប្រកាន់ទេ ហើយថា បណ្តឹងនោះខាងការិយាល័យរបស់លោកបានបញ្ជូនទៅសាលាដំបូងខេត្តហើយ ។
បើទោះជាមានការបដិសេធពីមន្ត្រីជំនាញក៏ដោយ ប៉ុន្តែមន្ត្រីនគរបាលបម្រើការងារនៅការិយាល័យប្រឆាំងគ្រឿងញៀនខេត្តម្នាក់បានប្រាប់តាមទូរស័ព្ទថា ជនសង្ស័យពិតជាបានសុំសម្របសម្រួល និងធ្វើកិច្ចសន្យាសងប្រាក់២៥០០ដុល្លារពិតប្រាកដមែន ដោយមានគាត់ជាអ្នកធ្វើសាក្សីដឹងឮផងដែរ ។
ជុំវិញបណ្តឹងរបស់គ្រួសាររងគ្រោះខាងលើ នាយកក្រឡាបញ្ជីនៃសាលាដំបូងខេត្តបន្ទាយមានជ័យ លោក សួន រតនា បានប្រាប់ «កោះសន្តិភាព» តាមទូរស័ព្ទនៅរសៀលថ្ងៃទី២២ ខែវិច្ឆិកា ឆ្នាំ២០១៦ថា បណ្តឹងនោះបានដល់សាលាដំបូងមែន ៕
ចែករំលែកព័តមាននេះ