ខេត្តបន្ទាយមានជ័យ ៖ អ្នកគ្រូបង្រៀនម្នាក់បានអះអាងប្រាប់តាមទូរស័ព្ទថា គាត់នាំកូនស្រីទៅដាក់ពាក្យបណ្តឹង ប្តឹងជនសង្ស័យជាប្អូនថ្លៃ និងប្តីចុងដល់សាលាដំបូងខេត្តបន្ទាយមានជ័យ ពីបទប៉ុនប៉ងរំលោ.ភសេពសន្ថវៈលើកូនស្រី និងគំរាមសម្លា.ប់ ។
ខេត្តបន្ទាយមានជ័យ ៖ អ្នកគ្រូបង្រៀនម្នាក់បានអះអាងប្រាប់តាមទូរស័ព្ទថា គាត់នាំកូនស្រីទៅដាក់ពាក្យបណ្តឹង ប្តឹងជនសង្ស័យជាប្អូនថ្លៃ និងប្តីចុងដល់សាលាដំបូងខេត្តបន្ទាយមានជ័យ ពីបទប៉ុនប៉ងរំលោភសេពសន្ថវៈលើកូនស្រី និងគំរាមសម្លាប់ ។
អ្នកគ្រូខាងលើមានឈ្មោះទាក់ ហាក់ អាយុ៤៧ឆ្នាំ ជាគ្រូបង្រៀននៅសាលាបឋមសិក្សាហ៊ុន សែន សុភី និងមានទីលំនៅក្នុងភូមិ
ភ្នំកន្ទួត សង្កាត់កំពង់ស្វាយ ក្រុងសិរីសោភ័ណ ។
ជុំវិញករណីដឹកដៃកូនទៅដាក់ពាក្យបណ្តឹងដល់សាលាដំបូងខេត្ត ដើម្បីទាមទាររកយុត្តិធម៌នេះ អ្នកគ្រូបានរៀបរាប់ឱ្យដឹងថា កាល ពីវេលាម៉ោង១០ និង៣០នាទីយប់ថ្ងៃទី២០ កញ្ញា ២០១៦ កន្លងមក នៅភូមិ២ សង្កាត់កំពង់ស្វាយ ក្រុងសិរីសោភ័ណ ខណៈគាត់និងប្តីចុងកំពុងក្រាលកម្រាលពូកក្នុងបន្ទប់ ទុកកូនស្រីអាយុ១១ឆ្នាំ (ជាកូនប្តីដើម) ឱ្យដេកលើប៉ាវអ៊ី មើលទូរទស្សន៍មុខផ្ទះ ស្រាប់ តែកូនស្រីស្រែកថា «ម៉ែអើយ ពុកអើយជួយផង» ។
ពេលគាត់ចេញទៅមើល ស្រាប់តែកូនស្រីប្រាប់ថា ពូវាឡើងទ្រោបពីលើប្រុងរំលោភ ។ អ្នកគ្រូដដែលនេះបន្តថា នៅថ្ងៃដដែល គាត់បានទៅដាក់បណ្តឹងនៅការិយាល័យព្រហ្មទណ្ទស្នងការដ្ឋាននគរបាលខេត្ត ដើម្បីឱ្យចាប់ជនសង្ស័យមកផ្តន្ទាទោស និងទាម ទារសំណងជាទឹកប្រាក់ចំនួន២,៥០០ដុល្លារអាមេរិក ។
គាត់បន្តថា ក្រោយដាក់បណ្តឹងជនសង្ស័យជាប្អូនថ្លៃឈ្មោះឡំ សំអឿន ភេទប្រុស អាយុ៣៧ឆ្នាំ ក៏ត្រូវសមត្ថកិច្ចការិយាល័ព្រហ្ម ទណ្ឌ ហៅសួរនាំនៅព្រឹកថ្ងៃទី២៤ តែដោយខ្លាចប្រឈមនិងផ្លូវច្បាប់ជាប់គុកជាប់ច្រវ៉ាក់នោះ ជនសង្ស័យក៏សុំធ្វើការសម្រប សម្រួល ដោយព្រមបង់ប្រាក់ចំនួន២,៥០០ដុល្លារ តាមការទាមទារ ។ ហើយថែមទាំងធ្វើកិច្ចសន្យាសងសំណងនោះដែរ ចំពោះមុខសមត្ថកិច្ចនៅការិយាល័យព្រហ្មទណ្ឌនោះ ។
លុះព្រឹកថ្ងៃទី២៥ ជាថ្ងៃណាត់ជួបគ្នាទទួលសំណង ស្រាប់តែមិនឃើញជនសង្ស័យ មកតាមការណាត់ជួបនោះទេ ។ មិនតែ ប៉ុណ្ណោះ ប្តីចុងគាត់ឈ្មោះឡំ ផល្លា អាយុ៤៧ឆ្នាំ ទំនងជាកាន់ជើងប្អូនខ្លួនឯង ក៏គំរាមគាត់នៅមុខការិយាល័យប្រឆាំងគ្រឿងញៀនថា បើឯងចង់បានលុយ២៥០០$ហ្នឹង ថ្ងៃក្រោយនិងបាត់ខ្លួនហើយ ធ្វើឱ្យគាត់សម្រេចចាកចេញពីផ្ទះខាងប្តី នាំកូនមករស់នៅផ្ទះខ្លួនឯង ក្នុងភូមិភ្នំកន្ទួតសង្កាត់ក្រុងកើតហេតុវិញ ។
អ្នកគ្រូខាងលើបន្តថា ដោយខ្លាចមិនទទួលបាននៅភាពយុត្តិធម៌ ទើបនៅថ្ងៃទី២៨ កញ្ញា ២០១៦ គាត់ដឹកដៃកូនស្រីឈ្មោះបូកល្យាណី អាយុ១១ឆ្នាំ ទៅដាក់បណ្តឹងទាមទាររកយុត្តិធម៌ នៅសាលាដំបូងខេត្ត ។ អ្នកគ្រូភឿង សុផា បង្រៀននៅសាលាបឋមសិក្សាហ៊ុន សែនសុភី ប្រាប់តាមទូរស័ព្ទថា ឈ្មោះឡំ ផល្លា ពិតជាបានប្រើពាក្យគំរាមអ្នកគ្រូទាក់ ហាក់ និងមុខគាត់មែន ។
ចំពោះការលើកឡើងថា ជនសង្ស័យសុំសម្រួលជាសំណង២៥០០$ និងមានធ្វើកិច្ចសន្យាសងប្រាក់ផងនោះ ត្រូវបានមន្ត្រីជំនាញនៅការិយាល័យព្រហ្មទណ្ឌកំរិតធ្ងន់ធ្វើការបដិសេធថា មិនមានដូចការចោទប្រកាន់ទេ ហើយថាបណ្តឹងនោះ ខាងការិយាល័យរបស់លោក បានបញ្ជូនទៅសាលាដំបូងខេត្តហើយ ។
បើទោះជាមានការបដិសេធពីមន្ត្រីជំនាញ ប៉ុន្តែមន្ត្រីនគរបាលបម្រើការងារនៅការិយាល័យប្រឆាំងគ្រឿងញៀនខេត្តម្នាក់ប្រាប់តាមទូរស័ព្ទថា ជនសង្ស័យពិតជាបានសុំសម្របសម្រួល និងធ្វើកិច្ចសន្យាសងប្រាក់២៥០០ដុល្លារពិតប្រាកដមែន គាត់ក៏ជាអ្នកធ្វើសាក្សីដឹងឮផងដែរ ។
ជុំវិញបណ្តឹងរបស់គ្រួសាររងគ្រោះខាងលើ នាយកក្រឡាបញ្ជីនៃសាលាដំបូងខេត្តបន្ទាយមានជ័យ លោកសួន រតនា ប្រាប់កោះ សន្តិភាព តាមទូរស័ព្ទនៅរសៀលថ្ងៃទី២២ វិច្ឆិកា ២០១៦ថា បណ្តឹងនោះបានដល់សាលាដំបូងមែន។
ចែករំលែកព័តមាននេះ