គ្រួសារពិការទាំង២នាក់ប្តីប្រពន្ធទទួលអំណោយពីសប្បុរសជន
ខេត្តកំពត ៖ នៅព្រឹកថ្ងៃទី២១ ខែវិច្ឆិកា ឆ្នាំ២០១៦នេះ លោក អ៊ុម ស៊ីណាត អភិបាលស្រុកកំពង់ត្រាច រួមជាមួយនគរបាលស្រុក និងព្រះសង្ឃ បាននាំយកអំណោយ …
ខេត្តកំពត ៖ នៅព្រឹកថ្ងៃទី២១ ខែវិច្ឆិកា ឆ្នាំ២០១៦នេះ លោក អ៊ុម ស៊ីណាត អភិបាលស្រុកកំពង់ត្រាច រួមជាមួយនគរបាលស្រុក និងព្រះសង្ឃ បាននាំយកអំណោយទៅចែកជូនគ្រួសារ២នាក់ប្តីប្រពន្ធដែលរស់នៅភូមិអង្គសុភី ឃុំអង្គសុភី ស្រុកកំពង់ត្រាច ។
លោក អ៊ុម ស៊ីណាត បានឲ្យដឹងថា គ្រួសារពិការនេះមានប្តីឈ្មោះ ញឹម ហំ អាយុ២៧ឆ្នាំ ពិការដៃទាំង២ក្នុងឧប្បទ្ទវហេតុឆក់ខ្សែភ្លើង ចំណែកប្រពន្ធឈ្មោះ ស៊ីវ វឌ្ឍនា អាយុ២៦ឆ្នាំ ពិការស្វិតដៃជើងតាំងពីកំណើត ។
លោកអភិបាលស្រុកបន្តថា អំណោយជូនគ្រួសារពិការទាំង២នាក់ប្តីប្រពន្ធនេះរួមមាន សាលាស្រុកកំពង់ត្រាច ថវិកាចំនួន១០ម៉ឺនរៀល, លោក លី សាវេត អភិបាលរងខេត្តកំពត ថវិកា៣០ដុល្លារ, លោក សេង សុគន្ធ អធិការនគរបាលស្រុកកំពង់ត្រាច រួមទាំងនគរបាលស្រុក ថវិកា១០ម៉ឺនរៀល និងអង្ករ៥០គីឡូក្រាម, ចៅអធិការវត្តប្រជាសង្គមភ្នំក្រពើ ថវិកា៦ម៉ឺនរៀល និងចៅអធិការវត្តអង្គសុភី ថវិកា៥ម៉ឺនរៀល ។
លោក អ៊ុម សីណាត អភិបាលស្រុកកំពង់ត្រាច បានប្រាប់គ្រួសារពិការទាំង២នាក់ប្តីប្រពន្ធថា សូមកុំឲ្យមានការតូចចិត្តអ្វីឲ្យសោះ ទាំងខាងខេត្ត ទាំងខាងស្រុក និងស្ថាប័នពាក់ព័ន្ធ រួមទាំងសប្បុរសជនទាំងក្នុងនិងក្រៅប្រទេសកំពុងយកចិត្តទុកដាក់បំផុតចំពោះគ្រួសារនេះ ។
លោកអភិបាលស្រុកសង្ឃឹមថា គ្រួសារពិការនេះពិតជាបានទទួលផ្ទះទេវតាជាក់ជាមិនខានឡើយ ៕
ចែករំលែកព័តមាននេះ