ជូនថវិកា និងដកហូតទ្រព្យសម្បត្តិដែលឃាតករយកទៅបញ្ចាំ ប្រគល់ឲ្យក្រុមគ្រួសារនារីរងគ្រោះ
រាជធានីភ្នំពេញ ៖ រឿងឃាតក.ម្មគួរឲ្យកត់សម្គាល់ដែលជនដៃដល់ ឈ្មោះយ៉េន សុបញ្ញា បានរឹតកសម្លា.ប់នារីរងគ្រោះ ដែលជាសង្សារបស់ខ្លួន
រាជធានីភ្នំពេញ ៖ រឿងឃាតកម្មគួរឲ្យកត់សម្គាល់ដែលជនដៃដល់ ឈ្មោះយ៉េន សុបញ្ញា បានរឹតកសម្លាប់នារីរងគ្រោះ ដែលជាសង្សារបស់ខ្លួន យកទ្រព្យសម្បត្តិរួចហើយយកសពទៅផ្លុងចោល នៅតាមគំនរសំរាម ត្រូវបានកងរាជអាវុធហត្ថរាជធានីភ្នំពេញបំបែកបាន ដោយមិនទុកឲ្យឃាតកររស់ក្រៅសំណាញ់ច្បាប់បានឡើយ ។ ចង់ដឹងទេថា តើឃាតករយកទ្រព្យសម្បត្តិរបស់សពស្រីស្អាតរុំភួយ ទៅបញ្ចាំបានប៉ុន្មាន?
ក្រោយពីការស្រាវជ្រាវយ៉ាងល្អិតល្អន់របស់សមត្ថកិច្ចកងរាជអាវុធហត្ថរាជធានីភ្នំពេញ ក៏ដូចជាចម្លើយសារភាពរបស់ជនដៃដល់ ឈ្មោះយ៉េន សុបញ្ញា បានបញ្ជាក់ថា រូបគេពិតជាបានសម្លាប់នារីរងគ្រោះ ដោយផ្ទាល់ដៃតែម្នាក់ឯងពិតប្រាកដមែន នោះគឺដោយសារឥទ្ធិពលថ្នាំញៀន និងជំពាក់ប្រាក់គេមួយចំនួន។ ដើម្បីបញ្ជាក់ការពិត សមត្ថកិច្ចកងរាជអាវុធហត្ថរាជធានីភ្នំពេញ ក៏បាននាំឃាតករទៅធ្វើសកម្មភាពត្រាប់ឡើងវិញ ដល់កន្លែងធ្វើឃាតជនរងគ្រោះទៀតផង។
ទន្ទឹមជាមួយស្នាដៃបង្ក្រាបរបស់អាវុធហត្ថរាជធានីភ្នំពេញ នៅព្រឹកថ្ងៃទី២០ ខែវិច្ឆិកា ឆ្នាំ២០១៦នេះ ថៅកែក្លឹបកម្សាន្ត៥៥ បានចាត់លោក សឹង កុសល ជាតំណាងក្លឹប បានយកថវិកាលើកទឹកចិត្តចំនួន១០លានរៀល ទៅប្រគល់ជូនកងរាជអាវុធហត្ថរាជធានីភ្នំពេញ សំដែងពីការកោតសរសើរដែលអាវុធហត្ថរាជធានីភ្នំពេញបំបែកសំណុំរឿងបានឆាប់រហ័ស និងចាប់ឃាតករបានយកមកផ្តន្ទាទោស ។
ជាមួយគ្នានោះដោយក្តីអាណិតអាសូ ប្រកបដោយទឹកចិត្តមេត្តារបស់ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស បានបង្វែរថវិកាងទាំង១០លានរៀល ដែលម្ចាស់ក្លឹប៥៥ ផ្តល់អោយអាវុធហត្ថ ជូនទៅគ្រួសារសពនារីរងគ្រោះវិញ ព្រមទាំងបានស្រាវជ្រាវយកម៉ូតូ,ទូរស័ព្ទ,ចិញ្ចៀន,ខ្សែ.ក របស់ជនរងគ្រោះត្រឡប់មកវិញ ប្រគល់ជូនពួកគាត់ផងដែរ ។
ដោយឡែកថៅកែក្លឹប៥៥ ក៏បានចូលរួមជួយឧបត្ថម្ភជាថវិកាចំនួន១០លានរៀល ជូនដល់គ្រួសារសពជនរងគ្រោះដូចគ្នា ថែមទាំងបានរៀបចំបុណ្យសពជូនជនរងគ្រោះរហូតដល់ចប់ចុងចប់ដើម ថែមទៀត ៕
ចែករំលែកព័តមាននេះ