នៅប្រទេសឥណ្ឌាមានគ្រួសារប្រហែល៧០ភាគរយគ្មានលទ្ធភាពធ្វើបង្គន់អនាម័យ។ មនុស្សយើងគ្រប់គ្នាដែលធ្លាប់ឆ្លង់កាត់ភាពប្រញាប់ប្រញាល់ទៅបង្គន់សាធារណៈដើម្បីបន្ទោបង់ ប៉ុន្តែនៅប្រទេសឥណ្ឌាវាមិនត្រឹមតែត្រូវរក
នៅប្រទេសឥណ្ឌាមានគ្រួសារប្រហែល៧០ភាគរយគ្មានលទ្ធភាពធ្វើបង្គន់អនាម័យ។ មនុស្សយើងគ្រប់គ្នាដែលធ្លាប់ឆ្លង់កាត់ភាពប្រញាប់ប្រញាល់ទៅបង្គន់សាធារណៈដើម្បីបន្ទោបង់ ប៉ុន្តែនៅប្រទេសឥណ្ឌាវាមិនត្រឹមតែត្រូវរកបង្គន់សាធារណៈតែមួយមុខនោះទេ បញ្ហានៅត្រង់ថា តើបង្គន់អនាម័យនោះស្អាត ឬអត់ថែមទៀត ។ ដូចយើងដឹងស្រាប់មកហើយថា គ្រួសារឥណ្ឌា៧០ភាគរយគ្មានបង្គន់អនាម័យនោះមានន័យថា គេបន្ទោបង់នៅក្រៅបង្គន់ ។
ហេតុនេះហើយបានជាក្រសួងអភិវឌ្ឍន៍ជនបទនៃប្រទេសឥណ្ឌាបានចាប់ដៃគូជាមួយក្រុមហ៊ុន Google បង្កើតកម្មវិធីបង្ហាញបង្គន់អនាម័យនៅក្នុងផែនទីរបស់ក្រុមហ៊ុន Google ដើម្បីជួយអ្នកដំណើរនិងប្រជាជនទទួលបានសេវាកម្មបង្គន់អនាម័យសាធារណៈ ។ នេះបើតាមសារព័ត៌មាន International Business Times India ។
កម្មវិធីនោះនឹងចាប់ផ្តើមបង្ហាញពីបង្គន់អនាម័យដំបូងនៅទីក្រុង Delhi ហើយពាក្យសម្រាប់អ្នកប្រើប្រាស់កម្មវិធីនោះនៅក្នុងGoogle មានដូចជាស្វែងរកបង្គន់អនាម័យនៅក្បែរធនាគារ ឬភោជនីយដ្ឋានជាដើម ។ លើសពីនេះអ្នកអាចចូលស្វែងរកតាមរយៈការវាយអក្សរបង្គន់អនាម័យ (Toilet or Lavatory) ឬជាពាក្យ Hindi ដែលត្រូវសរសេរថា Swach និងពាក្យ Shulabh ជាដើមដើម្បីរកបង្គន់អនាម័យដែលនៅក្បែរអ្នកបំផុត ។
បន្ទាប់មកទៀតវានឹងបង្ហាញបង្គន់អនាម័យនៅក្នុងផ្សារ មន្ទីរពេទ្យ ឬស្ថានីយប្រេងនានា។ ក្រសួងអភិវឌ្ឍន៍ជនបទនៃប្រទេសឥណ្ឌា និង ក្រុមហ៊ុន Google នឹងផ្តោតលើទិន្នន័យនៃអ្នក ប្រើប្រាស់បង្គន់អនាម័យសាធារណៈណាដែលប្រើប្រាស់ច្រើន ហើយស្អាត និងបង្គន់អនាម័យ ណាមួយនៅក្នុងបញ្ជីផែនទី Google ដែលគ្មានអ្នកប្រើប្រាស់ ឬត្រូវបិទចោល ។
កម្មវិធីដំបូងដែលត្រូវអនុវត្តនៅក្នុងទីក្រុង Delhi នឹងត្រូវចាប់ផ្តើមនៅមុនដំណាច់ខែ វិច្ឆិកា ហើយក៏មិនទាន់កំណត់ពេលវេលាឲ្យច្បាស់លាស់ទេថានឹងត្រូវពង្រីកសេវាកម្មនោះនៅទីក្រុងផ្សេងទៀតនៅពេលណាដែរ ។ ក្រសួងសង្ឃឹមថា នឹងទទួលបានលទ្ធផលច្រើនពីអ្នកប្រើប្រាស់បង្គន់អនាម័យនៅតំបន់រថភ្លើងក្រោមដីជាងកន្លែងផ្សេងៗទៀត ។
ក្រៅពីបញ្ហាអនាម័យ ប្រទេសឥណ្ឌាក៏មានបង្ហាញជាច្រើនទៀតដែលត្រូវដោះស្រាយដូចជា បញ្ហាអប់រំ បង្ហាញការប្រើប្រាស់បង្គន់អនាម័យ និងបញ្ហាទឹកស្អាតដែលរដ្ឋាភិបាលមួយនេះកំពុងដោះស្រាយ ៕
ចែករំលែកព័តមាននេះ