ខ្សែប្រយុទ្ធក្រុមជម្រើសជាតិថៃកីឡាករ Teerasil Dangda បានទម្លុះសំណាញ់ទីក្រុមឥណ្ឌូណេស៊ី ដោយមិនសំចៃជើងចំនួន៣គ្រាប់ម្នាក់ឯង(hat-trick)ក្នុងការប្រកួតបើកឆាកក្នុងពូលA កាលពីរសៀលថ្ងៃទី១៩ វិច្ឆិកា កន្លងទៅ ជួយឱ្យថៃយកឈ្នះឥណ្ឌូណេស៊ីក្នុងលទ្ធផល៤-២ ឈរនៅកំពូលតារាងបណ្តោះអាសន្ន ដែលមាន៣ពិន្ទុក្នុងដៃ ខណៈក្រុមម្ចាស់ផ្ទះហ្វ៊ីលីពីន និងសិង្ហបុរីមាន១ពិន្ទុម្នាក់ ។ ក្នុងការប្រកួតដ៏ក្តៅគគុកខាងលើនេះ គេសង្កេតឃើញថា ក្រុមការពារតំណែងជើងឯកថៃ ដែលមានខ្សែប្រយុទ្ធ Teerasil មកពីក្លិប Muangthong United ប្រទេសថៃ ហាក់ដូចជាដាក់សំពាធជាច្រើនទៅលើគូប្រកួតរបស់ខ្លួននៅលើសមរភូមិវាលស្មៅក្នុងពហុកីឡដ្ឋានPhilippine Sport Stadium នៃទីក្រុងBocaue ប្រទេសហ្វ៊ីលីពីន ដែលជាហេតុធ្វើឱ្យTeerasil រកឱកាសស៊ុតបាន៣គ្រាប់ម្នាក់ឯង ។
គួរបញ្ជាក់ថា គ្រាប់បាល់ទី១និងទី២ របស់ Teerasil គឺធ្វើសម្រេចបាននៅនាទីទី៣៦ និង ៧៩ ខណៈគ្រាប់បាល់ទី៣របស់ខ្សែប្រយុទ្ធវ័យ ២៨ឆ្នាំរូបនេះ រកបាននៅនាទីបន្ថែម៩០+៤ ដោយការបញ្ជូនបាល់បានយ៉ាងល្អចេញពីជើងមិត្តរួមក្រុម ៕
ចែករំលែកព័តមាននេះ