ផ្អើលទាំងព្រលឹម ! ខណៈធ្វើដំណើរតាមផ្លូវ ស្រាប់តែ…
ខេត្តស្ទឹងត្រែង ៖ នៅព្រឹកព្រលឹមថ្ងៃទី១៨ ខែវិច្ឆិកា ឆ្នាំ២០១៦នេះ ខណៈប្រជាពលរដ្ឋធ្វើដំណើរ ស្រាប់តែប្រទះឃើញសពបុរសម្នាក់ស្លា.ប់នៅក្បែរចិញ្ចើមផ្លូវ …
ខេត្តស្ទឹងត្រែង ៖ នៅព្រឹកព្រលឹមថ្ងៃទី១៨ ខែវិច្ឆិកា ឆ្នាំ២០១៦នេះ ខណៈប្រជាពលរដ្ឋធ្វើដំណើរ ស្រាប់តែប្រទះឃើញសពបុរសម្នាក់ស្លាប់នៅក្បែរចិញ្ចើមផ្លូវបង្កឲ្យមានការភ្ញាក់ផ្អើលនៅចំណុចក្រោយសាលាបឋមសិក្សាអនុវត្តន៍ ទល់មុខច្រកចេញចូលតែមួយ ស្ថិតក្នុងភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ដែលជំហានដំបូងគេសង្ស័យជាករណីឃាតកម្ម ។
ប្រភពព័ត៌មានឲ្យដឹងថា បុរសដែលស្លាប់ត្រូវគេប្រទះឃើញតែងដេកតាមសំយាបផ្ទះ និងខ្ទមរបស់គេជាញឹកញាប់ដែលហេតុគេសង្ស័យថា បុរសនោះអាចពុំមានផ្ទះសម្បែង និងគ្មានគ្រួសារសាច់ញាតិឡើយ ម្យ៉ាងទៀតបុរសនោះតែងផឹកស្រាជាប្រចាំទៀតផង ។
ប្រភពបន្តទៀតថា ក្រោយពីប្រទះឃើញសពបុរសនោះ ប្រជាពលរដ្ឋក៏រាយការណ៍ជូនសមត្ថកិច្ចចុះត្រួតពិនិត្យភ្លាមៗដែរ ។ ជាដំបូងសមត្ថកិច្ចមិនទាន់ស្គាល់អត្តសញ្ញាណសពនៅឡើយទេ ដោយបានហ៊ុមព័ទ្ធខ្សែលឿងជុំវិញកន្លែងកើតហេតុ និងរាយការណ៍បន្តទៅព្រះរាជអាជ្ញាអមសាលាដំបូង និងស្រាវជ្រាវស្វែងរកអត្តសញ្ញាណជនរងគ្រោះ និងគ្រួសារ ។ បន្ទាប់មក ដោយមានការអនុញ្ញាតពីព្រះរាជអាជ្ញា សមត្ថកិច្ចជំនាញបានសហការជាមួយក្រុមគ្រូពេទ្យធ្វើការត្រួតពិនិត្យ និងកោសល្យវិច្ច័យលើសព ។
លោក អ៊ុក មឿន ប្រធានការិយាល័យបច្ចេកទេសកោសល្យវិច្ច័យ និងវិទ្យាសាស្ត្រ បានប្រាប់«កោះសន្តិភាព»ថា សពត្រូវបានគេស្គាល់ថា ឈ្មោះ កៅ វុទ្ធី អាយុ២៩ឆ្នាំ មានស្រុកកំណើតកំពង់ចាម ជាមនុស្សផឹកស្រាជាប្រចាំ ជនរងគ្រោះអាចស្លាប់ដោយសារខ្យល់គរក្នុងកំឡុងចាប់ពី៨ទៅ១០ម៉ោងមុន នេះបើមើលទៅតាមសភាពសពរឹងទៅហើយ ។
ក្រោយការពិនិត្យ និងធ្វើកោសល្យវិច្ច័យយ៉ាងល្អិតល្អន់ពីសំណាក់មន្ត្រីការិយាល័យជំនាញ និងពេទ្យ បានស្រាយចម្ងល់ទៅប្រជាពលរដ្ឋថា ជនរងគ្រោះបានស្លាប់ដោយសារខ្យល់គរ ដោយពុំមានការពាក់ព័ន្ធករណីឃាតកម្មអ្វីឡើយ ។បន្ទាប់មកសមត្ថកិច្ចជំនាញបានសុំការអនុញ្ញាតពីព្រះរាជអាជ្ញាប្រគល់សពទៅឲ្យបងប្អូននាំទៅធ្វើបុណ្យតាមប្រពៃណី ៕
ចែករំលែកព័តមាននេះ