ក្រុមអ្នកវិទ្យាសាស្ដ្របានព្រមានថា ការទទួលទានភេសជ្ជៈមានជាតិកាបូនមួយកំប៉ុងជារៀងរាល់ថ្ងៃអាចមានផលវិបាកយ៉ាងធ្ងន់ធ្ងរ។ មនុស្សពេញវ័យដែលទទួលទានមួយកំប៉ុងក្នុងមួយថ្ងៃ មានការកើនឡើង៤៦ភាគរយ
ក្រុមអ្នកវិទ្យាសាស្ដ្របានព្រមានថា ការទទួលទានភេសជ្ជៈមានជាតិកាបូនមួយកំប៉ុងជារៀងរាល់ថ្ងៃអាចមានផលវិបាកយ៉ាងធ្ងន់ធ្ងរ។ មនុស្សពេញវ័យដែលទទួលទានមួយកំប៉ុងក្នុងមួយថ្ងៃ មានការកើនឡើង៤៦ភាគរយក្នុងការវិវឌ្ឍទៅរកជំងឺទឹកនោមផ្អែមនៅពេលដែលកម្រិតជាតិស្ករក្នុងឈាមកើនខ្ពស់ជាងធម្មតា ។
ប្រសិនបើអ្នកធ្វើរោគវិនិច្ឆ័យនៅដំណាក់កាលដំបូង យើងអាចធ្វើការផ្លាស់ប្តូររបៀបរបបរស់នៅដូចជា របបអាហារដែលល្អចំពោះសុខភាព និងការធ្វើលំហាត់ប្រាណ ។
ទោះជាយ៉ាងណា បើយើងមិនព្យាបាលវាអាចវិវឌ្ឍទៅរកជំងឺទឹកនោមផ្អែមប្រភេទទី២ ហើយប្រសិនបើគ្រប់គ្រងមិនបានល្អ នឹងអាចនាំទៅរកផលវិបាកជាច្រើនរួមទាំងជំងឺគាំងបេះដូង ផងដែរ ។ ភេសជ្ជៈមានជាតិស្ករមានទំនាក់ទំនងផងដែរទៅនឹងការកើនឡើងនៃកម្រិតអាំងស៊ុយលីន ដែលត្រូវបានគេស្គាល់ថាជាកត្តាហានិភ័យនៃជំងឺទឹកនោមផ្អែមប្រភេទទី២ ។
ក្រុមអ្នកស្រាវជ្រាវមកពីសាកលវិទ្យាល័យ Tufts រដ្ឋ Massachusetts បានវិភាគលើមនុស្សពេញវ័យចំនួន១.៦៨៥នាក់ ក្នុងរយៈពេល១៤ឆ្នាំ ។ អ្នកចូលរួមមិនមានជំងឺទឹកនោមផ្អែមក្នុងអំឡុងការធ្វើតេស្តដំបូង ហើយពួកគេបានរាយការណ៍ពីការទទួលទានភេសជ្ជៈមានជាតិស្កររយៈពេលវែងរបស់ខ្លួន ។ អ្នកដែលទទួលទានក្នុងបរិមាណខ្ពស់បំផុត មានហានិភ័យក្នុងការវិវឌ្ឍទៅរកជំងឺទឹកនោមផ្អែមកាន់តែច្រើន ។ ខណៈពេលដែលអ្នកទទួលទានភេសជ្ជៈមានជាតិស្ករច្រើនបំផុត មានភាពធន់នឹងសារជាតិអាំងស៊ុយលីនប្រហែលប្រាំបីភាគរយក្នុងការធ្វើតេស្ត ។
បន្ទាប់ពីការផ្លាស់ប្តូរទម្ងន់ និងរបបអាហារ ទំនាក់ទំនងរវាងភេសជ្ជៈដែលមានជាតិស្ករ រួមនឹងកត្តាហានិភ័យសម្រាប់ការរំលាយអាហារផងអាចធ្វើឲ្យជំងឺទឹកនោមផ្អែមបន្តដំណើរការរបស់វា ។
អ្នកដឹកនាំការស្រាវជ្រាវលោកវេជ្ជបណ្ឌិត Nicola McKeown បានថ្លែងថា៖ «ទោះបីជាការសិក្សារបស់យើងមិនអាចប្រាប់ពីមូលហេតុ លទ្ធផលរបស់យើងបានបង្ហាញថា ការទទួលទានភេសជ្ជៈមានជាតិស្ករខ្ពស់ បង្កើនឱកាសនៃការវិវឌ្ឍទៅជាសញ្ញាព្រមានដំបូងនៃជំងឺទឹកនោមផ្អែមប្រភេទទី២ ។
ប្រសិនបើមិនធ្វើការផ្លាស់ប្តូររបៀបរស់នៅ អ្នកដែលប្រឈមនឹងជំងឺទឹកនោមផ្អែមអាចនឹងអភិវឌ្ឍទៅជាជំងឺទឹកនោមផ្អែមមែនទែនបាន ។
តាមការស្រាវជ្រាវបានណែនាំពីការទទួលទានភេសជ្ជៈមានជាតិស្ករ ជំនួសដោយទឹក កាហ្វេ ឬតែ ដែលគ្មានជាតិស្ករវិញនឹងមិនប៉ះពាល់ដល់សុខភាពយើងទេ ៕
ចែករំលែកព័តមាននេះ