រាជធានីភ្នំពេញ ៖ តារាសម្តែងស្រីចូលចិត្តស្លៀកពាក់សិចស៊ីខើចលើខើចក្រោមបញ្ចេញសាច់សខ្ចីនិងដើមទ្រូងដ៏ត្រលុកត្រលន់ ដេននី ក្វាន់ បានប្រតិកម្មខ្លាំងៗចំពោះអ្នកដៀមដាមពេបជ្រាយដាក់នាងថា សុទ្ធតែគីមីពេញខ្លួន ដោយឆ្លើយតបវិញថា «លុយខ្ញុំ ខ្លួនខ្ញុំ សម្រស់ខ្ញុំ មិនបានពាក់ព័ន្ធ ឬទៅយកលុយបុគ្គលណាផ្សេងឡើយ ម្តេចក៏ចេះដឹង ឈឺឆ្អាល ខ្លាំងម្ល៉េះ» ។
យោងតាមសារនៅហ្វេសប៊ុកដែលមានឈ្មោះ Denny Kwan បានឲ្យដឹងថា «នៅលើលោកនេះមនុស្សប្រុសស្រីណាដែលមិនចង់មានសម្រស់ស្រស់ស្អាត? ទាំងខ្ញុំទាំងគេ…? ជាធម្មតាមនុស្សគ្រប់រូបកើតមកលើផែនដីនេះ សុទ្ឋតែចង់បានរូបរាងសម្រស់ស្អាតទៅតាមសេចក្តីប៉ងប្រាថ្នា តែយើងមិនអាចបញ្ជាច្បាប់ធម្មជាតិបាននោះទេ ។ តែយើងអាចតុបតែងកែប្រែរូបសម្រស់របស់ខ្លួនយើងបានតាមការចង់បានរបស់យើង ទាំងនេះវាមិនមែនជាកំហុស រឺក៏ការប្រព្រឹត្តអំពើអាក្រក់នោះឡើយ ។
កញ្ញា ដេននី ក្វាន់ បានសរសេរសារបង្ហោះនៅហ្វេសប៊ុកទៀតថា «ងាកមកសង្គមបច្ចុប្បន្នដែលជាសង្គមស៊ីវីល័យ គ្រាន់តែចង់បានរូបរាងមុខមាត់ស្អាតបំពេញបំណងប្រាថ្នាផ្ទាល់ខ្លួនសោះ ម្តេចក៏ត្រូវបានការដៀមដាម មើលងាយ ពេបជ្រាយ (សុទ្ឋតែគីមីពេញក្នុងខ្លួន) ទៅវិញ ។ លុយខ្ញុំ ខ្លួនខ្ញុំ សម្រស់ខ្ញុំ មិនបានពាក់ព័ន្ធ រឺទៅយកលុយបុគ្គលណាផ្សេងឡើយម្តេចក៏ចេះដឹង ឈឺឆ្អាល ខ្លាំងម្ល៉េះ» ។
ពាក់ព័ន្ធចំពោះការរិះគន់ដៀមដាមពេបជ្រាយនេះ រហូតមកទល់ព្រឹកថ្ងៃទី១៨ ខែវិច្ឆិកា ឆ្នាំ២០១៦នេះ «កោះសន្តិភាព»មិនអាចទំនាក់ទំនងសុំការបំភ្លឺពីកញ្ញា ដេននី ក្វាន់ បានឡើយ ៕
ចែករំលែកព័តមាននេះ