ស្បែកជើងម៉ាក់Nikeម៉ូដែលបង្ហាញក្នុងខ្សែភាពយន្តអាមេរិច ត្រឡប់ទៅអនាគតវគ្គ២ ដែលចង់ខ្សែដោយខ្លួនឯង នឹងមានវត្តមាននៅលើទីផ្សារនៅថ្ងៃទី១ ធ្នូខាងមុខ ហើតម្លៃរបស់វាក៏ក្រុមហ៊ុនបង្ហាញឲ្យដឹងមុនដែរ ។
ក្រុមហ៊ុន Nikeនិយាយថា ស្បែកជើងប៉ាតា HyperAdapt 1.0 របស់ខ្លួនដែលយកគំរូម៉ូដដូចក្នុងរឿងដែលផលិតនៅឆ្នាំ១៩៨៥ ដ៏ល្បីល្បាញ ។ ក្រុមហ៊ុនបន្តថា ស្បែកជើងម៉ូដថ្មីរបស់ខ្លួនដែលមានសមត្ថិភាពចងខ្សែដោយខ្លួនឯងនោះនឹងមានដាក់លក់នៅទីតាំងសាខាក្រុមហ៊ុន Nike ដូចជាហាង Nike Soho store និងហាងNike Clubhouse នៅទីក្រុងញូវយ៉កចាប់ពីថ្ងៃទី១ ធ្នូខាងមុខ ។
ក្រៅពីវាចេះចងខ្សែដោយខ្លួនឯងហើយនោះរាល់ពេលអ្នកស៊កជើងចូលភ្លាម ស្បែកជើងចេញភ្លើង បន្ទាប់មកទៀតប្រព័ន្ធ sensor ឬប្រព័ន្ធគ្រប់គ្រង់ និងចាប់ផ្តើមរឹបជើងរបស់អ្នកឲ្យត្រូវនឹងស្បែកជើង លើសពីនេះទៅទៀតវាមានប៊ូតុង សម្រាប់ចុចបន្ទូរឬបន្តឹងខ្សែស្បែកជើងដែលអ្នកពាក់ចង់បាន ។ វាត្រូវការចំណាយ ពេល៣ម៉ោងដើម្បីសាកថ្មស្បែកជើងឲ្យពញ ហើយវាអាចប្រើប្រាស់បានរហូតដល់២សប្តាហ៍។ សម្រាប់អ្នកចាប់អារម្មណ៍អាចបញ្ជាទិញតាមគេហទំព័ររបស់ក្រុមហ៊ុន Nike.com ឬ តាមរយៈ Nike+ app ៕
ចែករំលែកព័តមាននេះ