ជនដៃដល់កា.ប់ចិន២នាក់ ត្រូវអស់លក្ខណ៍ដោយសារកាមេរ៉ាសុវត្ថិភាព
- បន្ទាយមានជ័យ
ខេត្តបន្ទាយមានជ័យ ៖ ជនសង្ស័យ២នាក់ត្រូវនគរបាលជំនាញក្រុងប៉ោយប៉ែតឃាត់ខ្លួនកាលពីយប់
ខេត្តបន្ទាយមានជ័យ ៖ ជនសង្ស័យ២នាក់ត្រូវនគរបាលជំនាញក្រុងប៉ោយប៉ែតឃាត់ខ្លួនកាលពីយប់
ខេត្តបន្ទាយមានជ័យ ៖ ជនសង្ស័យ២នាក់ត្រូវនគរបាលជំនាញក្រុងប៉ោយប៉ែតឃាត់ខ្លួនកាលពីយប់ថ្ងៃទី ១១ មិថុនា ឆ្នាំ២០២២ នៅក្នុងទឹកដីកាស៊ីណូ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ក្រោយធ្វើសកម្មភាពកាប់ទៅលើបុរសចិន២នាក់របួសធ្ងន់ស្រាល កាលពីយប់ថ្ងៃទី១០ ខែឆ្នាំ២០២២ នៅជិតគ្លិនិចនគររាជ ក្នុងភូមិក្បាលស្ពាន១ សង្កាត់ប៉ោយប៉ែត្រ ក្រុងប៉ោយប៉ែត ខេត្តបន្ទាយមានជ័យ ដែលករណីនេះសំខាន់គឺចាប់បានដោយសារកាមេរ៉ាសុវត្ថិភាព ហើយកន្លែងកើតហេតុជិតគ្នាប្រហែ៦០ម៉ែត្រប៉ុណ្ណោះ ។
ជនសង្ស័យទាំង២នាក់ ក្នុងនោះម្នាក់ឈ្មោះតឿ ចំរ៉ើន ហៅម៉ឺន ភេទប្រុស អាយុ១៧ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងឈ្មោះជា លីហួត ហៅហួត.ភេទប្រុស អាយុ១៦ឆ្នាំ រស់នៅភូមិក្បាលស្ពាន២ សង្កាត់ប៉ោយប៉ែត ។
តាមរបាយការណ៍របស់សមត្ថកិច្ចបានឲ្យដឹងថា មុនកាឃាត់ខ្លួនជនសង្ស័យទាំង២នាក់នេះសមត្ថកិច្ចជំនាញបានទទួលព័ត៍មានពីប្រជាពលរដ្ឋថា មានករណីហិ.ង្សាកើតឡើង២ករណីហើយកន្លែងកើតហេតុជិតគ្នាទៀត ដោយករណីទី១-កើតឡើងកាលពីម៉ោង១០និង៣១នាទីយប់ថ្ងៃទី១០មិថុនា ជនសង្ស័យខាងលើបានជិះម៉ូតូ១គ្រឿងម៉ាកហ្ស៊ូមមឺអ៊ិច ធ្វើសកម្មភាពកា.ប់ទៅលើជនជាតិចិនម្នាក់ឈ្មោះZhou Dongke ភេទប្រុស អាយុ២២ឆ្នាំ ស្នាក់នៅនិងបំរើការងារក្នុងកាស៊ីណូ(ហ្វូនិក)ចំណុចអគារ១០០ បន្ទប់ទល់មុខគ្លីនិកនគររាជ(ចំណុចកើតហេតុ)ក្នុងភូមិកើតហេតុ។
ជនរងគ្រោះត្រូវក្រុមជនសង្ស័យកា.ប់របួស២កន្លែងគឺកែងដៃស្តាំនិងទ្រូង ។
ដោយឡែកករណីទី២-កើតឡើងកាលពីម៉ោង១០និង៣២នាទីយប់ថ្ងៃទី១០មិថុនា ដោយក្រុមជនសង្ស័យដដែលបានជិះម៉ូតូដឹកគ្នាបន្តទៅកា.ប់ជនជាតិចិនម្នាក់ទៀតឈ្មោះWang Jiann ភេទប្រុសអាយុ៣៣ឆ្នាំ ស្នាក់នៅនិងបំរើការងារក្នុងសណ្ឋាគារ(ជីវចូវ) ក្នុងភូមិកើតហេតុខាងលើ។
របាយការណ៍បន្តទៀតថា ក្រោយទទួលបានព័ត៍មានពីប្រជាពលរដ្ឋភ្លាម និងអនុវត្តន៍តាមបទបញ្ជាដ៍ម៉ឺងម៉ាត់របស់លោកឧត្តមសេនីយ៍ទោសិទ្ធ ឡោះ ស្នងការនគរបាលខេត្តបង្ក្រាបនិងទប់ស្កាត់រាល់បទល្មើសក្នុងមូលដ្ឋាន លោកវរៈសេនីយ៍ឯកសៅ សារឿន អធិការនគរបាលក្រុងប៉ោយប៉ែត ក៏បានបញ្ជាដល់ការិយាល័យជំនាញដឹកនាំដោយលោកវរសេនីយ៍ព្រំ ពិសិដ្ឋ អធិការរងទទួលផែនព្រហ្មទណ្ឌនៃអធិការដ្ឋាននគរបាលក្រុងប៉ោយប៉ែត ចុះដល់កន្លែងកើតហេតុភ្លាមៗ និងបើកការស្រាវជ្រាវរហូតឈានទៅឃាត់ខ្លួនបានជនសង្ស័យយកមកសួរនាំ។
ក្រោយសាកសួរ ជនសង្ស័យទាំង២បានសារភាពថា ពួកគេពិតជាបានធ្វើសកម្មភាពកា.ប់បុរសជនជាតិចិនទាំង២នាក់ខាងលើមែន ។ មូលហេតុគឺពួកខ្លួនតាមរកប្រុសស្នេហ៍របស់សង្សារ ព្រោះសង្សារបែកចិត្តទៅបណ្តើរប្រុសផ្សេង ហើយខ្លួនតាមរកកា.ប់ប្រុសស្នេហ៍របស់សង្សារ ក៏ជួបបុរសជនជាតិចិនតាមផ្លូវ ក៏កា.ប់ច្រឡំស្មានថាជាគូសត្រូវស្នេហាដែលពួកខ្លួនកំពុងតាមរក។
លោកវរសេនីយ៍ឯកសៅ សារឿន អធិការនគរបាលក្រុងប៉ោយប៉ែតប្រាប់កោះសន្តិភាពថា ក្រោយសាកសួរ និងធ្វើកំណត់ហេតុរួចជនសង្ស័យទាំង២នាក់ រួមជាមួយវត្ថុតាងពាក់ព័ន្ធរួមមានកាំបិ.តវែង១ដើម, ម៉ូតូជិះធ្វើសកម្មភាព១គ្រឿង និងបញ្ជូនទៅករិយាល័យជំនាញនៃស្នងការដ្ឋាននគរបាលខេត្តដើម្បីចាត់ការបន្តតាមនីតិវិធី ៕
ចែករំលែកព័តមាននេះ