បន្ទាយមានជ័យ ៖ យុវជន២នាក់ បានរងរបួសធ្ងន់ស្រាល និងម៉ូតូ១គ្រឿងត្រូវគេយកទៅបាត់ ក្នុងហេតុការណ៍ផ្ទុះអាវុ.ធ១គ្រាប់ និងកា.ប់ផ្អើលលើដងផ្លូវជាតិនៅក្រុងប៉ោយប៉ែត ខណៈអ្នកស្ថិតក្នុងហេតុការណ៍សង្ស័យថា ជាអំពើប្លន់ ។…
បន្ទាយមានជ័យ ៖ យុវជន២នាក់ បានរងរបួសធ្ងន់ស្រាល និងម៉ូតូ១គ្រឿងត្រូវគេយកទៅបាត់ ក្នុងហេតុការណ៍ផ្ទុះអាវុ.ធ១គ្រាប់ និងកា.ប់ផ្អើលលើដងផ្លូវជាតិនៅក្រុងប៉ោយប៉ែត ខណៈអ្នកស្ថិតក្នុងហេតុការណ៍សង្ស័យថា ជាអំពើប្លន់ ។
ហេតុការណ៍ខាងលើបានកើតឡើង កាលពីវេលាម៉ោងជាង១២រំលងអធ្រាត្រឈានចូលព្រឹកថ្ងៃទី១១ មិថុនា ២០២២ មុខសណ្ឋាគារលីហេងឆាយ នៅភូមិបាលិលេយ្យ២ សង្កាត់ និងក្រុងប៉ោយប៉ែត ។
ជនរងគ្រោះក្នុងហេតុការណ៍១.ឈ្មោះ ខា សីហា ភេទប្រុស អាយុ១៧ឆ្នាំ ជាសិស្ស និងម្នាក់ទៀតឈ្មោះគីម លាង ភេទប្រុស ដោយពួកគេទាំង២នាក់រស់នៅក្នុងភូមិមិត្តភាពសង្កាត់ និងក្រុងកើតហេតុ ។
ជនរងគ្រោះទី១ រងរបួស៣កន្លែងចំណុចក្បាល ដៃ និងជើង ត្រូវគេដឹកទៅមន្ទីរពេទ្យបង្អែកក្រុងប៉ោយប៉ែត និងបន្ទាប់មកបញ្ជូនបន្តទៅមន្ទីរពេទ្យមិត្តភាពកម្ពុជាជប៉ុនមង្គលបូរី ព្រោះតែសភាពធ្ងន់ធ្ងរ និងជនរងគ្រោះទី២ រងរបួសស្រាល ។
ប្រភពថា មុនកើតហេតុជនរងគ្រោះទាំង២ខាងលើ ជាមួយមិត្តភក្តិ២នាក់ផ្សេងទៀតបានទៅស៊ីឈ្នួលរត់តុ កម្មវិធីឲ្យគេ ហើយពេលចប់ពីការងារក៏បបួលគ្នាទៅរកទិញអីញ៉ាំ ដោយជិះម៉ូតូចំនួន២គ្រឿងដឹងអីកំពុងបើកបរតាមដងផ្លូវជាតិពីលិចទៅកើត ដល់មុខសណ្ឋាគារលីហេងឆាយ ស្រាប់តែមានមនុស្ស១ក្រុមជិះម៉ូតូជាច្រើនគ្រឿងតាមកា.ប់ និងម៉ូតូ២គ្រឿង ឈប់ពាំងពីមុខ ថែមទាំងបំផ្ទុះអាវុ.ធ១គ្រាប់ទៀតផង ។
ប្រភពបន្តថា ក្នុងហេតុការណ៍ជនរងគ្រោះទី១ ត្រូវគេកា.ប់ និងកាំបិតផ្គាក់ ប៉ុន្តែក្រុមបង្កមិនយកម៉ូតូទេ ។ ដោយឡែកម៉ូតូ១គ្រឿងទៀត ជារបស់មិត្តភក្តិដែលមានគ្នា២នាក់បានផ្តួលម៉ូតូរត់ដោយម្នាក់ត្រូវគេកា.ប់របួសស្រាល ហើយម៉ូតូម៉ាកសង់សេ១២៥ សេរីឆ្នាំ២០១២ បិទតែមសេរី២០២២ របស់ឈ្មោះ យ៉ុងភេទប្រុស ត្រូវក្រុមបង្កជិះទៅបាត់ដោយសុវត្ថិភាព ។
ឪពុកជនរងគ្រោះទី១ ប្រាប់តាមទូរស័ព្ទថា មកទល់ព្រឹកថ្ងៃទី១១នេះ កូនគាត់នៅមិនទាន់អាចសាកសួរបាននៅឡើយ ហើយថា គ្រួសាគាត់ និងគ្រួសាម្ចាស់ម៉ូតូដែលគេយកទៅបាត់ និងដាក់ពាក្យបណ្តឹងឲ្យសមត្ថកិច្ចជួយរកយុត្តិធម៌ ។
គួរបញ្ជាក់ថា មួយរយៈចុងក្រោយនេះ ករណីកា.ប់ចា.ក់ហិ.ង្សានៅក្រុងប៉ោយប៉ែតហាក់កើតមានជារឿយៗដោយករណីខ្លះសមត្ថកិច្ចស្រាវជ្រាវក្របួចបានក្រុមបង្ក ប៉ុន្តែករណីខ្លះក្រុមបង្កនៅពុំទាន់រកឃើញហើយសមត្ថកិច្ចបាន និងកំពុងដុតដៃដុតជើងស្រាវជ្រាវដើម្បីចាប់យកផ្តន្ទាទោសឲ្យខាងតែបាន ៕
ចែករំលែកព័តមាននេះ