មេល្បែងអនឡាញនៅប៉ោយប៉ែត បើកLuxus 470 បុកមនុស្សស្លា.ប់និងរបួស២នាក់
ក្រុងប៉ោយប៉ែត ៖ ករណីគ្រោះថ្នាក់ចរាចរណ៍មួយបានកើតឡើងកាលពីវេលាជាង១១យប់ថ្ងៃទី១៦ វិច្ឆិកា ២០១៦ នៅម្តុំផ្លូវបេតុង សំណង់ K T H ស្ថិតក្នុងភូមិក្បាលស្ពាន១
ក្រុងប៉ោយប៉ែត ៖ ករណីគ្រោះថ្នាក់ចរាចរណ៍មួយបានកើតឡើងកាលពីវេលាជាង១១យប់ថ្ងៃទី១៦ វិច្ឆិកា ២០១៦ នៅម្តុំផ្លូវបេតុង សំណង់ K T H ស្ថិតក្នុងភូមិក្បាលស្ពាន១ សង្កាត់ ក្រុងប៉ោយប៉ែត បណ្តាលឲ្យមនុស្សស្លាប់ម្នាក់ និងរងរបួសធ្ងន់១នាក់ ។ គ្រោះថ្នាល់ចរាចរណ៍ គួរឲ្យរន្ឋត់នេះ សាក្សីឃើញហេតុការបានឲ្យដឹងថា មុនពេល កើតហេតុគេឃើញមានម៉ូតូម៉ាកស្កូពីពណ៌ ស មួយគ្រឿងជិះគ្នា២នាក់ បានបើកក្នុងទិសដៅពីលិចទៅកើត បន្ទាប់មកគេឃើញ រថយន្តលិចស៊ីស ពណ៌ ស ម៉ាក ៤៧០ មួយគ្រឿង បានបើកបញ្ច្រាសទិសគ្នា ដោយមានល្បឿនលឿន ដូចហោះទំនងជាស្រវឹងជោគជាំ ក៏បានជ្រុលចង្កូតមកបុកម៉ូតូពីក្រោយពេញមួយទំហឹង បណ្តាលឲ្យយុវជនម្នាក់ ដួលបោកក្បាលហូរឈាមស្លាប់ភ្លាមៗនៅកន្លែងកើតហេតុ ចំណែកយុវជនម្នាក់ទៀត រងរបួសធ្ងន់ ត្រូវបញ្ជូនទៅសង្គ្រោះបន្ទាន់ទៅមន្ទីរពេទ្យតែម្តង ។
ប្រភពបានបន្តថា ក្រោយពេលកើតហេតុភ្លាមៗនោះ គេឃើញបុរសម្នាក់ជាតៃកុងរថយន្ត ឡិចស៊ីស ពណ៍ ស ម៉ាក៤៧០ មានពាក់ស្លាកលេខភ្នំពេញ 2U -5797 មួយគ្រឿងនោះ ដែលគេស្គាល់ឈ្មោះហៅថា ធី ដើមពោធិ៍ ជាមន្ត្រីយោធានៃកងយោពលភូមិភាគទី៥ និង ជាមេបើកបនល្បែងតាមអនឡាញ(អ៊ិនធឺណេត) យីហោ ស្ពតវើល97 មួយកន្លែងដ៏ធំ នៅក្រុងប៉ោយប៉ែតនេះ បានបើកទ្វារថយន្ត ចុះរត់គេចខ្លួនបាត់ស្រមោលតែម្តង ។
សមត្ថកិច្ចក្រុងប៉ោយប៉ែតបានបញ្ជាក់ថា មុនដំបូងមានម៉ូតូ01គ្រឿងម៉ាកហុងដាស្គុបពី ពណ៏ស ផលិតឆ្នាំ2015 ពាក់ស្លាកលេខ បន្ទាយមានជ័យ 1K-7502 បើកបរដោយឈ្មោះ ហុង ភេទប្រុស អាយុ19ឆ្នាំ (ស្លាប់)ជាបុគ្គលិកកាស៊ីណូ ហូលីដេ មានទីលំនៅស្នាក់នៅក្នុងភូមិក្បាលស្ពាន1 សង្កាត់-ក្រុងប៉ោយប៉ែត ជិះឌុបមនុស្សម្នាក់មិនទាន់ស្គាល់អត្តសញ្ញាណ បានបើកបរក្នុងទិសដៅពីជើងទៅត្បូង លុះមកដល់ចំណុចកើតហេតុ ស្រាប់តែមានរថយន្ត01គ្រឿងម៉ាកលុច្សស៊ីស 470 ពណ៏ស ពាក់ស្លាកលេខ ភ្នំពេញ 2U-5797 ដែលគេស្គាល់ថាជាមេបើកបនល្បឿនតាមអនឡាញខាងលើ បើកក្នុងល្បឿនលឿន ហើយបុកម៉ូតូខាងលើបណ្តាលអោយស្លាប់និងរបួសតែម្តង ។
បើតាមសមត្ថកិច្ចមូលហេតុគ្រោះថ្នាក់ចរាចរណ៍បណ្តាលមកពីអ្នកបើកបររថយន្តបើកល្មើសល្បឿនសង្ស័យស្រវឹង ព្រោះមុនពេលកើតហេតុ គេឃើញអ្នកបើកបរឈ្មោះធី ដើមពោធិ៍ ជាមន្ត្រីយោធានៃកងយោពលភូមិភាគទី៥ និងជាមេបើកបនល្បែងតាមអនឡាញ(អ៊ិនធឺណេត) យីហោ ស្ពតវើល97 មួយកន្លែងដ៏ធំ នៅក្រុងប៉ោយប៉ែតនោះ បានផឹកស៊ីនៅភោជនីយដ្ឋានមួយកន្លែងគេនិយមហៅ«ស្ទូចត្រី» នៅកាស៊ីណូហ្គោលឌិន ។
បច្ចុប្បន្នយានយន្តទាំងពីរខាងលើត្រូវបានសមត្ថកិច្ច យកទៅរក្សាទុកនៅប៉ុស្តិ៍នគរបាលរដ្ឋបាលសង្កាត់ប៉ោយប៉ែត រង់ចាំភាគីទំាងពីរចូលខ្លួនមកដោះស្រាយតាមច្បាប់៕
ចែករំលែកព័តមាននេះ