ប្រទេសសិង្ហបុរី ៖ ភាគហ៊ុនក្នុងប្រទេសសិង្ហបុរីបានធ្លាក់ចុះបន្ទាប់ពីមានការកើនឡើងនៃតម្លៃប្រាក់ដុល្លារ តម្លៃប្រេងធ្លាក់ចុះ និងការអស់សង្ឃឹមលើកិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក (TPP) ។
ប្រទេសសិង្ហបុរី ៖ ភាគហ៊ុនក្នុងប្រទេសសិង្ហបុរីបានធ្លាក់ចុះបន្ទាប់ពីមានការកើនឡើងនៃតម្លៃប្រាក់ដុល្លារ តម្លៃប្រេងធ្លាក់ចុះ និងការអស់សង្ឃឹមលើកិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក (TPP) ។
កិច្ចព្រមព្រៀង TPP មានប្រទេសចូលរួមចំនួន១២ គឺជាកិច្ចព្រមព្រៀងពាណិជ្ជកម្មធំជាងគេក្នុងរយៈពេលជាង១០ឆ្នាំកន្លងមក ។ វាមានគោលដៅក្នុងការចងសហរដ្ឋអាមេរិកភ្ជាប់ជាមួយប្រទេសក្នុងអាស៊ីប៉ាស៊ីហ្វិក ។
ប៉ុន្តែបេក្ខជនឈរឈ្មោះជាប្រធានាធិបតីបែរជារិះគន់ដល់ TPP និងចុងក្រោយ វាត្រូវបានបំភ្លេចចោលកាលពីថ្ងៃសុក្រមុន ។ សមាជិកមកពីគណបក្សទាំងពីរក្នុងសភានិយាយថា ពួកគេនឹងមិនបន្តវាបន្ទាប់ពីការបោះឆ្នោតឡើយ ។
អាជីវករម្នាក់និយាយថា ៖ « វាពិតជាមិនល្អឡើយសម្រាប់ប្រទេសពឹងផ្អែកលើពាណិជ្ជកម្ម ដូចជាសិង្ហបុរី ដែលត្រូវប្រឈមមុខនឹងលទ្ធភាពនៃការអន់ថយក្នុងសហរដ្ឋអាមេរិក និងពាណិជ្ជកម្មពិភពលោក » ។
ប៉ុន្តែផ្លូវក្រោយនៅតែមានដូចជា កិច្ចព្រមព្រៀងដៃគូសេដ្ឋកិច្ចយោគយល់ក្នុងតំបន់ (RCEP) ដែលរួមមានប្រទេសចិន ជប៉ុន និងប្រទេសក្នុងអាស៊ីទាំង១៤ទៀត ប៉ុន្តែគ្មានការចូលរួមពីសហរដ្ឋអាមេរិកទេ ។
ភាគហ៊ុនរបស់ Singtel បានធ្លាក់ចុះ ២,៤%ឬ៩សេន មកស្មើ៣,៦៨ដុល្លារ ។ ភាគហ៊ុនរបស់ Jardine Matheson បានធ្លាក់ចុះ២,៣%ឬ១,៣៣ដុល្លារ មកស្មើ៥៥,៤៧ដុល្លារ ។ ចំណែកភាគហ៊ុន Jardine Cycle & Carriage បានធ្លាក់ចុះ៣,៥%ឬ១,៣៩ដុល្លារមកស្មើ៣៨,៨៦ដុល្លារ ។
ភាគហ៊ុនរបស់ Thai Beverage បានធ្លាក់ចុះ១,៦%ឬ១,៥សេន មកស្មើ៩១,៥សេន ខណៈភាគហ៊ុន CapitaLand បានធ្លាក់ចុះ១,៦%ឬ៥សេន មកស្មើ៣ដុល្លារផងដែរ ។
ប៉ុន្តែភាគហ៊ុនរបស់ Food Empire បានកើនឡើង៣០%ឬ៩សេន មកស្មើ៣៩សេន បន្ទាប់ពីប្រកាសពីការកើនឡើងនៃប្រាក់ចំណេញនាត្រីមាសទី២ ចាប់ពី៧០ម៉ឺនដុល្លារកាលពីឆ្នាំមុន មកស្មើ៥,៨លានដុល្លារ ។ ភាគហ៊ុនរបស់ក្រុមហ៊ុនផលិតអាហារ និងភេសជ្ជៈរបស់សិង្ហបុរីមានអត្រាទិញលក់ល្អ និងអាចលក់វិញក្នុងតម្លៃខ្ពស់ថែមទៀត ៕
ចែករំលែកព័តមាននេះ