ប្រទេសវៀតណាម ៖ ការនាំចេញគ្រាប់ស្វាយចន្ទីរបស់វៀតណាមត្រូវបានគេរំពឹងថា នឹងឈានដល់កម្រិតខ្ពស់ គឺស្មើនឹង៣ប៊ីលានដុល្លារអាមេរិកនៅក្នុងឆ្នាំ២០១៦ ខណៈការនាំចេញពោតស្មើនឹង២,៨ប៊ីលានដុល្លារអាមេរិក ។
ប្រទេសវៀតណាម ៖ ការនាំចេញគ្រាប់ស្វាយចន្ទីរបស់វៀតណាមត្រូវបានគេរំពឹងថា នឹងឈានដល់កម្រិតខ្ពស់ គឺស្មើនឹង៣ប៊ីលានដុល្លារអាមេរិកនៅក្នុងឆ្នាំ២០១៦ ខណៈការនាំចេញពោតស្មើនឹង២,៨ប៊ីលានដុល្លារអាមេរិក ។
នេះបើតាមក្រសួងឧស្សាហកម្ម និងពាណិជ្ជកម្មបានឲ្យដឹងកាលពីថ្ងៃចន្ទ ។
នៅក្នុងរយៈពេល១០ខែដំបូងនេះ វៀតណាមបាននាំចេញគ្រាប់ស្វាយចន្ទីចំនួន២៩ម៉ឺនតោន ស្មើនឹង២,៣២ប៊ីលានដុល្លារអាមេរិក កើនឡើង៥,៥% បើធៀបនឹងរយៈពេលដូចគ្នាកាលពីឆ្នាំមុន ។ នេះបើតាមក្រសួងបានឲ្យដឹង ។
បច្ចុប្បន្ន ការនាំចេញគ្រាប់ស្វាយចន្ទីរបស់វៀតណាម គឺតំណាងឲ្យពាក់កណ្តាលនៃការនាំចេញរបស់ពិភពលោក និងជាអ្នកនាំមុខគេផ្នែកនាំចេញអស់រយៈពេល១០ឆ្នាំមកហើយ ។ ផលិតផលគ្រាប់ស្វាយចន្ទីវៀតណាម ត្រូវបាននាំចេញទៅកាន់ប្រទេសនិងតំបន់ចំនួន៨០ ក្នុងនោះមានសហរដ្ឋអាមេរិក អឺរ៉ុប និងប្រទេសចិនជាទីផ្សារធំ ។
លោក Nguyen Duc Thanh ប្រធានសមាគមស្វាយចន្ទី ឱ្យដឹងថា ទីភ្នាក់ងារសារព័ត៌មាន VNA គ្រប់គ្រងដោយរដ្ឋាភិបាលវៀតណាមបង្ហាញថា ឧស្សាហកម្មគ្រាប់ស្វាយចន្ទីកំពុងប្រឈមនឹងហានិភ័យខ្ពស់ ដោយសារការពឹងផ្អែកយ៉ាងខ្លាំងទៅលើវត្ថុធាតុដើមនាំចូល ដែលធ្វើឱ្យមានការលំបាកសម្រាប់ដំណើរការនាំចេញ ការត្រួតពិនិត្យគុណភាព អនាម័យ ឬសុវត្ថិភាពអាហារ ។ លោកនិយាយថា ៖ «ក្នុងអំឡុងឆ្នាំ២០១៣-២០១៦ ការនាំចូលគ្រាប់ស្វាយចន្ទីឆៅរបស់វៀតណាមបានកើនឡើងទ្វេដង។ គុណភាពគ្រាប់ស្វាយចន្ទីឆៅនាំចូលពីអាហ្វ្រិកបានធ្លាក់ចុះនៅឆ្នាំនេះ បើធៀបនឹងរយៈពេលមុន ដែលបណ្តាលឱ្យប៉ះពាល់ដល់ក្រុមហ៊ុននាំចេញរបស់វៀតណាម » ។
ប្រភពក្នុងស្រុកបានស្នើឲ្យក្រុមហ៊ុនវៀតណាមមានយុទ្ធសាស្ត្រអភិវឌ្ឍន៍វត្ថុធាតុដើម និងប្រុងប្រយ័ត្នចំពោះការនាំចូលគ្រាប់ស្វាយចន្ទីឆៅផងដែរ ៕
ចែករំលែកព័តមាននេះ