អង្គភាពសិល្បៈ និងវិទ្យាសាស្ដ្រភាពយន្តនៃសហរដ្ឋអាមេរិកបានប្រគល់ពានរង្វាន់«អូស្ការកិត្តិយស» ដល់លោកឈិន ឡុង កំពូលតារាក្បាច់គុនហុងកុង រួមជាមួយបុគ្គលប្រវត្តិសាស្ត្រហូលីវូដ៣នាក់ទៀត កាលពីថ្ងៃទី១២ វិច្ឆិកា ២០១៦ ។
កំពូលតារាសម្តែងក្បាច់គុនដ៏ល្បីលោកឈិនឡុង និយាយថា « ខ្ញុំមានអារម្មណ៍ថា ហាក់ដូចជាក្តីស្រមៃក្លាយជាការណ៍ពិត ក្រោយពីបម្រើការក្នុងមជ្ឈដ្ឋានសម្តែងអស់រយៈពេល៥៦ឆ្នាំកន្លងមក ដោយសម្តែងជាង២០០រឿង ទើបទទួលបានរង្វាន់នេះ ។ ខ្ញុំមិនធ្លាប់នឹងស្រមៃពីមុនថានឹងបានទទួលរង្វាន់នេះទេ ហើយក៏ចាំបានថានៅពេលបានទទួលរង្វាន់ផ្នែកគ្រប់គ្រងការសម្តែងវាយតប់លើកដំបូងក៏រំភើបចិត្ត ដោយកាលនោះខ្ញុំមិនបានដឹងអ្វីទាក់ទិននឹងការសម្តែងភាពយន្តគ្រាន់តែដឹងថាគួរសម្តែងឈុតឆាកបែបណាកាលពី២៣ឆ្នាំមុន » ។
លោកឈិន ឡុង ជាកំពូលតារាសម្តែងខាងវាយតប់ដ៏មានប្រជាប្រិយភាពពេញពិភពលោក ការសម្តែងភាគច្រើនរបស់លោកនៅហុងកុងជាស្រុកកំណើត ក្រោយមកបង្កើតកេរ្តិ៍នៅហូលីវូដតាមរយៈការសម្តែងរឿង «Rumble In The Bronx» កាលពីឆ្នាំ១៩៩៦ ។ បន្ទាប់មកលោកឈិន ឡុង សម្តែងភាពយន្តនៅហូលីវូដជាច្រើនរឿងទៀត ដូចជារឿង «Rush Hour» និងរឿង «Shanghai Moon » ជាដើម ។
ក្រៅពីនេះលោកឈិន ឡុង ដឹកនាំរឿង «The Karate Kid» និងបានបញ្ជូលសំឡេងក្នុងរឿង «Kungfu Panda» ផងដែរ ៕
ចែករំលែកព័តមាននេះ