យានហោះហើរស្ពាយលើស្មា ឬគេហៅថា JetPack ជាភាសាអង់គ្លេសរបស់ក្រុមហ៊ុន JetPack Aviation ដែលធ្លាប់ហោះហើរនៅជុំវិញរូបសំណាក់សេរីភាពនៅទីក្រុងញូវយ៉កកាលពីឆ្នាំមុន នឹងត្រូវបានគេចាប់ផ្តើមដាក់
យានហោះហើរស្ពាយលើស្មា ឬគេហៅថា JetPack ជាភាសាអង់គ្លេសរបស់ក្រុមហ៊ុន JetPack Aviation ដែលធ្លាប់ហោះហើរនៅជុំវិញរូបសំណាក់សេរីភាពនៅទីក្រុងញូវយ៉កកាលពីឆ្នាំមុន នឹងត្រូវបានគេចាប់ផ្តើមដាក់លក់នៅខែមេសា ឬខែឧសភា ឆ្នាំ២០១៧ ។ នេះបើតាមសារព័ត៌មាន New Atlas ។
យានហោះហើរស្ពាយលើស្មានោះជា ម៉ូដែល JB-10 ដែលមានម៉ាស៊ីនចំនួនពីរ ហើយមានកម្លាំង៧ភាគរយធៀបនឹងម៉ូដែលចាស់ JB-9 ។ សម្រាប់ម៉ូដែលចាស់ JB-9 អាចនាំអ្នកហោះ ឡើងកម្ពស់៣០៥ម៉ែត្រពីដីសម្រាប់រយៈពេល១០នាទីមុនពេលត្រូវចាក់សាំងជាថ្មី ។
បើទោះជាពេលនេះមិនទាន់មានតារាងតម្លៃយានហោះហើរស្ពាយលើស្មាតែត្រូវអ្នកជំនាញបច្ចេកវិទ្យាមួយចំនួនបានកំណត់តម្លៃសម្រាប់អ្នកទិញថាប្រហែល២៥០០០០ដុល្លារអាមេរិក ។ នេះបើតាមសារព័ត៌មាន Daily Mail ។
JetPack Aviation មិនមែនជាក្រុមហ៊ុនតែមួយទេដែលបានដាក់លក់យានហោះហើរ ស្ពាយលើស្មាក្រុមហ៊ុន Martin Aircraft របស់ប្រទេសណូវែលហ្ស៊េឡង់ បានលក់ផលិតផលរបស់ខ្លួនក្នុងតម្លៃ២០០០០០ដុល្លារអាមេរិកនៅឆ្នាំ២០១៧ដែរ ។ វាមានសមត្ថភាពលើកទម្ងន់បានប្រហែល ១៥៨Kg ហើយហោះក្នុងល្បឿនប្រហែល ៩៦km/h មានន័យថាវាអាចលើកមនុស្សម្នាក់ឲ្យហោះជាមួយវាដោយងាយស្រួល ។
លោក Nelson Tyler ប្រធានក្រុមហ៊ុន JetPack Aviation បាននិយាយថា ខ្លួននឹងលក់ យានហោះហើរស្ពាយស្មាជាសាធារណៈ ហើយសង្ឃឹមថាមនុស្សគ្រប់គ្នា និងទទួលបានបទពិសោធន៍ថ្មីដែលមានយានហោះហើរផ្ទាល់ខ្លួន ។ ក្រៅពីការប្រកាសលក់ ក្រុមហ៊ុនក៏មានគម្រោងផលិតឧបករណ៍លើករបស់ធ្ងន់ពិសេសជាមួយកងទ័ពអាកាសអាមេរិក ។
លោក David Maymanដែលជាអ្នកបើកបរយានហោះហើរស្ពាយស្មាក្នុងពេលបង្ហាញផលិតផលថ្មី និងធ្លាប់បើកបរសាកល្បងកន្លងទៅបាននិយាយថា នៅពេលអ្នកបានជិះវាអ្នក នឹងទទួលអារម្មណ៍ពីសេរីភាពឥតព្រំដែន ។ ការកកស្ទះចរាចរណ៍រាល់ថ្ងៃនេះពិតជាត្រូវការខ្លាំងណាស់ចំពោះយានប្រភេទថ្មីនេះ តែបញ្ហាតម្លៃជាបញ្ហាចោទទៅវិញ៕
ចែករំលែកព័តមាននេះ