ស៊យបំផុត ! នៅមុខផ្ទះសុខៗបោលទៅបុកទាំងកម្រោល
ខេត្តបាត់ដំបង ៖ ចាត់ទុកជារឿងស៊យបំផុត ដែលបុរសម្នាក់កំពុងជម្រះស្មៅនៅខាងមុខផ្ទះសុខៗ ស្រាប់តែគោយន្តច្នៃបានដាច់កង់បោលចូលទៅបុកទាំងកម្រោល …
ខេត្តបាត់ដំបង ៖ ចាត់ទុកជារឿងស៊យបំផុត ដែលបុរសម្នាក់កំពុងជម្រះស្មៅនៅខាងមុខផ្ទះសុខៗ ស្រាប់តែគោយន្តច្នៃបានដាច់កង់បោលចូលទៅបុកទាំងកម្រោល …
ខេត្តបាត់ដំបង ៖ ចាត់ទុកជារឿងស៊យបំផុត ដែលបុរសម្នាក់កំពុងជម្រះស្មៅនៅខាងមុខផ្ទះសុខៗ ស្រាប់តែគោយន្តច្នៃបានដាច់កង់បោលចូលទៅបុកទាំងកម្រោលបណ្ដាលឲ្យរងរបួសជាទម្ងន់ ។ ហេតុការណ៍នេះកើតឡើងកាលពីវេលាម៉ោង៨ និង៣០នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៦ នៅភូមិឈើទាល ឃុំសិរីមានជ័យ ស្រុកសំពៅលូន ។
សមត្ថកិច្ចបានឲ្យដឹងថា ជនរងគ្រោះឈ្មោះ ហឹម សន ភេទប្រុស អាយុ៥៤ឆ្នាំ រស់នៅចំណុចកើតហេតុខាងលើ ។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុជនរងគ្រោះកំពុងឈរជម្រះស្មៅនៅខាងមុខផ្ទះ ស្រាប់តែគោយន្តច្នៃ១គ្រឿងកំពុងបើកលើថ្នល់ក្នុងល្បឿនលឿនគួរសមបានរបូតកង់មុខខាងស្ដាំរួចរេចង្កូកធ្លាក់ពីលើថ្នល់ទៅបុកជនរងគ្រោះទាំងកម្រោល និងរុញចូលដល់ក្នុងផ្ទះតែម្ដង ខណៈនោះអ្នកភូមិ និងប្រជាពលរដ្ឋបានរត់ទៅជួយអន្តរាគមន៍ដែរ តែជនរងគ្រោះមានស្ថានភាពរបួសធ្ងន់ធ្ងរពេកក៏ត្រូវបានក្រុមគ្រួសារដឹកបញ្ជួនទៅព្យាបាលនៅមន្ទីរពេទ្យប្រទេសថៃ ខណៈអ្នកបើកគោយន្តបង្កដាក់មេប្រូចបាត់ស្រមោល ។
សមត្ថកិច្ចដែលបានចុះទៅពិនិត្យកន្លែងកើតហេតុបានឲ្យដឹងថា គោយន្តនោះបានកែច្នៃដោយមិនត្រូវតាមលក្ខណៈបច្ចេកទេសទេ ហើយអ្នកបើកបរហាក់មានការធ្វេសប្រហែស មិនបានពិនិត្យមុនពេលចេញដំណើរ ទើបបានជាកំពុងបើកបរស្រាប់តែរបូតកង់គោយន្តបង្កគ្រោះថ្នាក់ដល់មនុស្សនែបនេះ ។
មន្ត្រីចរាចរណ៍បានបញ្ជាក់ថា នេះសំណាងដែរដែលកើតឡើងចំកន្លែងមិនសូវមានមនុស្ស ឬអ្នកដំណើរច្រើនឆ្លងកាត់ តែបើប៉ះចំកន្លែងមានទីប្រជុំជនច្រើនវិញ មិនដឹងជាមានមនុស្សប៉ុន្មាននាក់ទេដែលស្លាប់ និងរបួសនោះ ។
ទោះជាយ៉ាងណា សមត្ថកិច្ចបាននាំយកគោយន្តច្នៃបង្កហេតុនេះទៅរក្សាទុកនៅអធិការដ្ឋានស្រុកហើយ ដើម្បីដោះស្រាយតាមនិតិវិធីច្បាប់ ហើយក៏កំពុងស្រាវជ្រាវរកម្ចាស់គោយន្តឲ្យមកទទូលខុសត្រូវចំពោះមុខច្បាប់ដែរ ៕
ចែករំលែកព័តមាននេះ