លោកប្រេត ភីត បានចូលរួមក្នុងពិធីបង្ហាញខ្សែភាពយន្ដជាស្នាដៃសម្ដែងរបស់ខ្លួន ចាត់ទុកថា ជាការបង្ហាញខ្លួនតាមប្រព័ន្ធផ្សព្វផ្សាយ និងជាសាធារណៈលើកដំបូងក្រោយពីមានបណ្ដឹងលែងលះជាមួយនាងអេនចេលីណា ជោលី
លោកប្រេត ភីត បានចូលរួមក្នុងពិធីបង្ហាញខ្សែភាពយន្ដជាស្នាដៃសម្ដែងរបស់ខ្លួន ចាត់ទុកថា ជាការបង្ហាញខ្លួនតាមប្រព័ន្ធផ្សព្វផ្សាយ និងជាសាធារណៈលើកដំបូងក្រោយពីមានបណ្ដឹងលែងលះជាមួយនាងអេនចេលីណា ជោលី មក ។
តាំងពីមានរឿងក្ដីលែងលះគ្នាកាលពីខែកញ្ញា ឆ្នាំ២០១៦ មក វាជាការបង្ហាញខ្លួនលើកដំបូងរបស់លោកប្រេត ភីត អាយុ៥២ឆ្នាំ សម្ពោធខ្សែភាពយន្ដរឿង«Allied» ក្រោមការដឹកនាំរបស់លោករ៉ូប៊ើត សេម៉េឃីស ដោយរៀបរាប់ពីស្នេហារបស់កំពូលឃាតករក្នុងអំឡុងពេលប្រតិបត្ដិការនៅអាល្លឺម៉ង់អំឡុងឆ្នាំ១៩៤២ ។
ក្នុងខ្សែភាពយន្ដនោះក៏មាននាងMarion Cotillard ចូលរួមសម្ដែងផងដែរ ធ្វើឱ្យកើតពាក្យចចាមអារ៉ាមថា តួអង្គប្រុសស្រីនេះលួចស្រលាញ់គ្នា និងជាមូលហេតុធ្វើឱ្យជីវិតអាពាហ៍ពិពាហ៍របស់ប្រេត ភីត និងអេនចីលីណា ជោលី ត្រូវបញ្ចប់ ។ ទោះជាយ៉ាងណាក្ដី ទាំងលោកប្រត ភីត និងនាងCotillard បានបដិសេធ ។
ក្រោយពីបញ្ចប់ជីវិតជាគូស្រកររយៈពេលប្រហែល១២ឆ្នាំ កាលពីខែកញ្ញាកន្លងមក ប្រព័ន្ធផ្សព្វផ្សាយបានចុះផ្សាយពីនាងអេនចេលីណាជោលី និងប្រេត ភីត ជាហូរហែទាំងការដណ្ដើមសិទ្ធិចិញ្ចឹមកូនទាំង៦នាក់របស់លោកប្រេត ភីត ផង ។ លើកពីនេះមានដំណឹងចចាមអារ៉ាមថា លោកប្រេត ភីត ប្រើអំពើហិង្សាលើកូនចិញ្ចឹមម៉ាដុក ៕
ចែករំលែកព័តមាននេះ