ជំនាន់ថ្មីនៃទូរស័ព្ទបត់របស់ក្រុមហ៊ុនសាមស៊ុងនឹងលេចរូបរាងក្នុងពេលឆាប់ៗខាងមុខ។ កាលពីពេលថ្មីនេះក្រុមហ៊ុនសាមស៊ុង បានចេញសេចក្តីប្រកាសព័ត៌មានថា ក្រុមហ៊ុនមានគម្រោងចេញម៉ូដែលទូរស័ព្ទថ្មី
ជំនាន់ថ្មីនៃទូរស័ព្ទបត់របស់ក្រុមហ៊ុនសាមស៊ុងនឹងលេចរូបរាងក្នុងពេលឆាប់ៗខាងមុខ។ កាលពីពេលថ្មីនេះក្រុមហ៊ុនសាមស៊ុង បានចេញសេចក្តីប្រកាសព័ត៌មានថា ក្រុមហ៊ុនមានគម្រោងចេញម៉ូដែលទូរស័ព្ទថ្មីដែលអាចបត់បានពាក់កណ្តាល ។ គ្រោងការរបស់ក្រុមហ៊ុននឹង លេចចេញរូបរាងឡើងនៅឆ្នាំក្រោយ ។ គំរូច្នៃម៉ូដរបស់ក្រុមហ៊ុនត្រូវបានគេទទួលការចាប់ អារម្មណ៍ជាច្រើនដោយសារថា វានឹងបង្កើតឲ្យមានកម្មវិធីដែលគួរឲ្យចាប់អារម្មណ៍ជាច្រើន ជាមួយវា លើសពីនេះទៅទៀតវាងាយស្រួលកាន់ និងអាចបត់បែនតាមប្រភេទចង្កាក្នុងពេលនិយាយទូរស័ព្ទ ។
ក្រុមហ៊ុនសាមស៊ុងមានបទពិសោធន៍ជាច្រើនលើវិស័យបច្ចេកវិទ្យាអេក្រង់ដែលបត់បែនបាន តួយ៉ាងដូចជាទូរស័ព្ទម៉ូដែល Galaxy Edge ដែលមានអេក្រង់កោង ហើយផ្នែកកោងក៏មានកម្មវិធីអាចប្រើប្រាស់បាន ។
វាមិនមែនជាលើកទីមួយទេសម្រាប់ក្រុមហ៊ុនសាមស៊ុងដែលផលិតអេក្រង់បត់បាន តួយ៉ាងកាលពីឆ្នាំមុន ក្រុមហ៊ុនបានផលិតទូរស័ព្ទដែលអាចបត់បាន និងមូរបានដូចក្រដាស។ ទោះជាយ៉ាងណា ពេលនេះក្រុមហ៊ុនសាមស៊ុងនៅមិនទាន់បង្ហាញពីគម្រោងនោះឲ្យច្បាស់លាស់នៅឡើយទេ ។
ចែករំលែកព័តមាននេះ