លើកពេលប្រកាសសាលក្រម លើសំណុំរឿងមេឃុំ ស៊ាង ចែត
រាជធានីភ្នំពេញ ៖ នៅព្រឹកថ្ងៃទី១១ ខែវិច្ឆិកា ឆ្នាំ២០១៦ លោក កោ វណ្ឌី ប្រធានក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ បានលើកយកសំណុំរឿងលោក
រាជធានីភ្នំពេញ ៖ នៅព្រឹកថ្ងៃទី១១ ខែវិច្ឆិកា ឆ្នាំ២០១៦ លោក កោ វណ្ឌី ប្រធានក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ បានលើកយកសំណុំរឿងលោក ស៊ាង ចែត ជាមេឃុំគណបក្ស សម រង្សី មកបន្តសវនាការ លើអង្គសេចក្តីពាក់ព័ន្ធទៅនឹងសំណុំរឿងសូកប៉ាន់សាក្សី តាមបទបញ្ញត្តិមានចែងក្នុងមាត្រា៥៤៨ នៃក្រមព្រហ្មទណ្ឌ។ នាពេលសវនាការ លោកស៊ាង ចែត បានឆ្លើយប្រាប់អង្គសវនាការថា សំណុំរឿងនេះគឺមានលោក ម៉ៅ មុនីវណ្ណ ជា តំណាងរាស្ត្រខេត្ត ត្បូងឃ្មុំ គណបក្ស សង្គ្រោះជាតិ ជាអ្នកផ្តើមគំនិត បានឲ្យលោក ស៊ាង ចែត ទឹកប្រាក់ចំនួន២លានរៀលទៅម្តាយ ខុម ច័ន្ទដារ៉ាទី ហៅស្រីមុំ ដើម្បីទំនាក់ទំនងទៅកញ្ញា ខុម ច័ន្ទដារ៉ាទី ហៅស្រីមុំ ក្នុងបំណងចង់ឲ្យបញ្ចុះបញ្ចូលឲ្យស្រីមុំកំពុងនិយាយចំនួន៥ចំណុច។
ចំណុចទាំងនោះរួមមាន ទី១.កុំនិយាយជាមួយអ្នកសារព័ត៌មាន នៅដែលក្រសួងមហាផ្ទៃ ហៅទៅសាកសួរ។ ទី២.បើនិយាយជាមួយអ្នកព័ត៌មាន ត្រូវនិយាយពង្វាង កុំនិយាយពាក់ព័ន្ធរឿងអាស្រូវស្នេហាកញ្ញាស្រីមុំ ជាមួយលោក កឹម សុខា។ ទី៣.បញ្ចុះបញ្ចូលឲ្យស្រីមុំ ត្រូវនិយាយអ្វីដែលដូចទៅនឹងកិច្ចសម្ភាសន៍ជាមួយវិទ្យុអាស៊ីសេរី។ ទី៤.ត្រូវបញ្ចុះបញ្ចូលឲ្យស្រីមុំ ឲ្យទៅជួបមន្ត្រី អង្គការលីកាដូ និងអង្គការអាដហុក ដើម្បីឲ្យអង្គការនោះ ជួយឲ្យស្រីមុំបានទៅប្រទេសទី៣ តាមរយៈ អង្គការសហប្រជាជាតិប្រចាំកម្ពុជា។ រីឯចំនុចទី៥.លោក ស៊ាង ចែត បានភ្លេច។
លោក ស៊ាង ចែត បន្តថាសំណុំរឿងនេះលោកបានដឹងនោះទេ គឺលោកបានធ្វើតាមតែលោកម៉ៅ មុន្នីវណ្ណ ដែលជាអ្នកផ្តើមគំនិត និងបញ្ជាឲ្យលោកធ្វើយ៉ាងសកម្ម។ លោក សៀង សុខ តំណាងអយ្យការអមសាលាដំបូងរាជធានីភ្នំពេញ បានធ្វើសេចក្ដីសន្និដ្ឋានដោយរក្សាចោទប្រកាន់លើលោក ស៊ាង ចែត ពីបទសូកប៉ាន់សាក្សី តាមបទបញ្ញត្តិមានចែងក្នុងមាត្រា៥៤៨ នៃក្រមព្រហ្មទណ្ឌដដែល និងស្នើឲ្យតុលាការផ្តន្ទាទោសលោក ស៊ាង ចែត ទៅតាមច្បាប់។ ទោះបីជាយ៉ាងណា សំណុំរឿងនេះត្រូវបានលោក កោ វណ្ឌី ប្រធានក្រុមប្រឹក្សាជំនុំជម្រះ សម្រេចលើកពេលប្រកាសសាលក្រមនៅព្រឹកថ្ងៃទី០៥ ធ្នូ ២០១៦ ខាងមុខនេះ៕
ចែករំលែកព័តមាននេះ