ខ្សែប្រយុទ្ធក្រុមជម្រើសជាតិស៊ីលី Alexis Sánchez អាចនឹងខកខានក្នុងការប្រកួតជម្រុះ World Cup នៅតំបន់អាមេរិកខាងត្បូងនៅរាត្រីនេះ ដោយសារតែមានបញ្ហារបួសសាច់ដុំ អំឡុងពេលហ្វឹកហាត់នាពេលកន្លងមក។ អវត្តមានរបស់ខ្សែប្រយុទ្ធវ័យ 27ឆ្នាំរូបនេះ អាចជាឧបសគ្គមួយផ្នែកសម្រាប់ស៊ីលីក្នុងការបំបោងសំណាញ់ទីរបស់កូឡុំប៊ី។ ម្យ៉ាងទៀត សម្រាប់ក្លិប Arsenal ដែលនឹងត្រូវធ្វើដំណើរទៅប្រកួតនៅទឹកដីបិសាចក្រហម Man Utd នៅថ្ងៃទី១៩ខាងមុខនេះ ក៏កំពុងព្រួយបារម្ភពីការខកខានរបស់តារាឆ្នើមរបស់ខ្លួនផងដែរ ខណៈការសម្រាកព្យាបាលរបួសអាចនឹងអូសបន្លាយរយៈពេលយូរ។
ទោះជាយ៉ាងណា បុគ្គលិកពេទ្យរបស់ក្រុមស៊ីលី បាននិយាយថា Sánchez អាចនឹងជាសះស្បើយទាន់ពេល ខណៈស៊ីលីធ្វើជាម្ចាស់ផ្ទះពេលប្រកួតជាមួយអ៊ុយរូហ្គាយនៅថ្ងៃអង្គារសប្តាហ៍ក្រោយ៕
ចែករំលែកព័តមាននេះ