Osasuna តែងតាំងលោក Caparros ជាគ្រូបង្វឹកថ្មី
បន្ទាប់ពីបណ្តេញលោកEnrique Martin ចេញពីតំណែងគ្រូបង្វឹកកាលពីថ្ងៃចន្ទរួចមក នៅថ្ងៃពុធម្សិលមិញនេះ ក្លិបOsasuna បានសម្រេចតែងតាំងអតីតគ្រូបង្វឹកក្លិបSevilla លោក Joaquin Caparros
បន្ទាប់ពីបណ្តេញលោកEnrique Martin ចេញពីតំណែងគ្រូបង្វឹកកាលពីថ្ងៃចន្ទរួចមក នៅថ្ងៃពុធម្សិលមិញនេះ ក្លិបOsasuna បានសម្រេចតែងតាំងអតីតគ្រូបង្វឹកក្លិបSevilla លោក Joaquin Caparros
បន្ទាប់ពីបណ្តេញលោកEnrique Martin ចេញពីតំណែងគ្រូបង្វឹកកាលពីថ្ងៃចន្ទរួចមក នៅថ្ងៃពុធម្សិលមិញនេះ ក្លិបOsasuna បានសម្រេចតែងតាំងអតីតគ្រូបង្វឹកក្លិបSevilla លោក Joaquin Caparros ជាគ្រូបង្វឹកថ្មីរបស់ក្លិប ។ គួរបញ្ជាក់ថា ការបង្ខំចិត្តបញ្ឈប់លោក Enrique Martin ពីតំណែងគ្រូបង្វឹកនេះ ដោយហេតុតែលោកដឹកនាំពុំបានល្អ ពោលគឺក្នុងចំណោម១១ប្រកួតឈ្នះតែ១ប្រកួតប៉ុណ្ណោះ ធ្វើឱ្យក្លិបOsasuna ឈរនៅលេខរៀងទី១៩ក្នុងក្របខ័ណ្ឌLa Liga របស់អេស្ប៉ាញ ។
ថ្លែងក្នុងសន្និសីទសារព័ត៌មានកាលពីថ្ងៃពុធកន្លងទៅ លោកJoaquin Caparros បានលើកឡើងថា៖ «បើទោះជាក្លិបOsasunaជួបនូវឧបសគ្គជាច្រើនចាប់តាំងពីបើករដូវកាលក្តី ក៏ខ្ញុំនៅតែមានជំនឿចិត្ត ។ ក្លិបនេះអាចនឹងវិវត្តខ្លួនបានយ៉ាងល្អព្រោះនៅទីនេះយើងមានកីឡាករពោរពេញទៅដោយសមត្ថភាពជាច្រើនរូប ។ ម្យ៉ាងទៀត ខ្ញុំពិតជាសប្បាយរីករាយណាស់ដែលបានមកដឹកនាំក្លិបនេះ» ។
គួរបញ្ជាក់ថា Osasuna បានចុះកិច្ចសន្យារយៈពេល២ឆ្នាំជាមួយលោកJoaquin Caparros រហូតដល់ថ្ងៃទី៣០ ខែមិថុនា ឆ្នាំ២០១៨ ៕
ចែករំលែកព័តមាននេះ