ប្រទេសថៃ ៖ ប្រភពមួយពីក្រសួងហិរញ្ញវត្ថុថៃនិយាយថា ប្រទេសថៃត្រូវតែពង្រឹងសេដ្ឋកិច្ចក្នុងស្រុករបស់ខ្លួន និងស្វែងរកទីតាំងសម្រាប់នាំចេញថ្មីទៀតដើម្បីទប់ស្កាត់ការប៉ះពាល់ពីការអន់ថយសេដ្ឋកិច្ចរបស់ប្រទេសចិន ។
ប្រទេសថៃ ៖ ប្រភពមួយពីក្រសួងហិរញ្ញវត្ថុថៃនិយាយថា ប្រទេសថៃត្រូវតែពង្រឹងសេដ្ឋកិច្ចក្នុងស្រុករបស់ខ្លួន និងស្វែងរកទីតាំងសម្រាប់នាំចេញថ្មីទៀតដើម្បីទប់ស្កាត់ការប៉ះពាល់ពីការអន់ថយសេដ្ឋកិច្ចរបស់ប្រទេសចិន ។
ប្រភពនេះនិយាយថា ការអន់ថយនៃល្បឿនលូតលាស់របស់សេដ្ឋកិច្ចធំជាងគេលេខ២របស់ពិភពលោក និងជាដៃគូពាណិជ្ជកម្មធំជាងគេលេខ២របស់ថៃ គឺមិនមែនកើតឡើងក្នុងរយៈពេលខ្លីទេ ។ ដូច្នេះហើយថៃត្រូវតែពង្រឹងសេដ្ឋកិច្ចរបស់ខ្លួន និងស្វែងរកទីផ្សារនាំចេញថ្មីទៀត ដើម្បីកាត់បន្ថយការប៉ះពាល់ពីការអន់ថយនៃសេដ្ឋកិច្ចចិន ។
គួរបញ្ជាក់ថា សេដ្ឋកិច្ចរបស់ប្រទេសចិនប្រហែលជាអាចកើនឡើង៦,៧%ក្នុងឆ្នាំនេះ តិចជាងឆ្នាំមុនដែលស្មើនឹង៦,៨% ។
ការលូតលាស់សេដ្ឋកិច្ចរបស់ប្រទេសដ៏ធំមួយនេះបានធ្លាក់ចុះយ៉ាងខ្លាំងពីការកើនឡើង ១០%ក្នុងរយៈពេល៣ទសវត្សរ៍កន្លងមក ដោយសារប្រទេសនេះបានផ្លាស់ប្តូរពីការពឹងផ្អែកលើឧស្សាហកម្មធុនធ្ងន់ ទៅពឹងផ្អែកលើសេវាកម្ម និងការចំណាយក្នុងស្រុកវិញដើម្បីបន្តការលូតលាស់ ។
ធនាគារពិភពលោកព្យាករណ៍ថា GDP របស់ប្រទេសចិន នឹងកើនឡើងជាមធ្យម៥,៥% រហូតដល់ឆ្នាំ២០៣០ ។ ប្រទេសថៃមានប្រាក់តម្កល់ទុកប្រមាណ១៨០,៥ប៊ីលានដុល្លារក្នុងខែកញ្ញា និងមានការធ្លាក់ទាបនៃបំណុលសាធារណៈផងដែរ ។
លើសពីនេះ ការលូតលាស់យ៉ាងលឿនក្នុងប្រទេសកម្ពុជា ឡាវ មីយ៉ាន់ម៉ា និងវៀតណាម ក៏បានជួយកាត់បន្ថយផលប៉ះពាល់ពីការអន់ថយនៃសេដ្ឋកិច្ចចិនផងដែរ ។
ប្រភពបន្តថា ក្នុងរយៈពេលវែងខាងមុខ ប្រទេសថៃត្រូវតែងាកទៅរកវិស័យគោលដៅទាំង១០ដើម្បីបង្កើនការលូតលាស់ ក្នុងនោះមាន រថយន្តជំនាន់ថ្មី អេឡិចត្រូនិកបៃតង ទេសចរណ៍មានគុណភាព កសិកម្មនិងការផលិតអាហារ មនុស្សយន្ត អាកាសចរណ៍ ជីវគីមី សេដ្ឋកិច្ចឌីជីថល និងផ្នែកសុខាភិបាល ៕
ចែករំលែកព័តមាននេះ