រាជធានីភ្នំពេញ ៖ បុរសជនជាតិអាមេរិកម្នាក់ ត្រូវគេប្រទះឃើញដេកស្លាប់ទាំងម្ជុលចាក់ជាប់.កដៃ នៅក្នុងបន្ទប់ផ្ទះសំណាក់យី ហោ «៨៨» ព្រោះតែបុរសរូបនោះបានប្រើប្រាស់ថ្នាំញៀនច្រើនហួសកម្រិត ទើបបណ្តាលឱ្យគាំងបេះដូងស្លាប់បែបនេះ ។ ហេតុការណ៍នេះបានបង្កឱ្យភ្ញាក់ផ្អើល កាលពីវេលាម៉ោង០៦ និង៣០នាទីព្រឹកថ្ងៃទី០៩ វិច្ឆិកា ស្ថិតនៅក្នុងបន្ទប់POD ជាន់ទី១ ផ្ទះ សំណាក់យីហោ៨៨ ផ្លូវលេខ៨៨ ភូមិ១០ ក្នុងសង្កាត់វត្តភ្នំ ខណ្ឌដូនពេញ ។
បុរសរងគ្រោះឈ្មោះ CHRISTENSEN JORDANCALER អាយុ៣៥ឆ្នាំ ជនជាតិអាមេរិកជាអ្នកទេសចរណ៍ ស្នាក់នៅតែម្នាក់ឯង ។មុនពេលផ្អើលនោះ គឺមានបុរសជាមិត្តភក្តិជនជាតិអាមេរិកដូចគ្នាដោយបាត់បុរសរងគ្រោះមិនឃើញចេញពីក្នុងបន្ទប់ដូចសព្វមួយ ដងនោះ ក៏ដើរទៅគោះទ្វារបន្ទប់ តែមិនមានអ្នកណាម្នាក់ឆ្លើយ ឬបើកទ្វារឡើយ ។
លុះមើលទ្វារបន្ទប់បិទជិត មិនមានអ្នកមកបើកនោះ បុរសជាមិត្តភក្តិខាងលើ ក៏បានរុញទ្វារបើកចូល ក៏ប្រទះឃើញជនរងគ្រោះដេកស្លាប់ផ្កាប់មុខ ដោយមានម្ជុលចាក់ជាប់នឹង.កដៃខាងឆ្វេង បង្ករអោយមានការភ្ញាក់ផ្អើលកើតឡើងតែម្តង ។
ចែករំលែកព័តមាននេះ