ចាប់ពីខែមេសាឆ្នាំ2017ទៅអ្នកប្រើប្រាស់ភ្លើង1ខែអស់10KW និងក្រោម50KWត្រូវចុះថ្លៃ
ខេត្តពោធិ៍សាត់ ៖ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់បានមានប្រសាសន៍ថា
ខេត្តពោធិ៍សាត់ ៖ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់បានមានប្រសាសន៍ថា
ខេត្តពោធិ៍សាត់ ៖ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់បានមានប្រសាសន៍ថា ចាប់ពីខែមេសាឆ្នាំ២០១៧តទៅអ្នកប្រើប្រាស់ភ្លើងអគ្គិសនីមួយខែបើអស់ក្រោម៥០គីឡូវ៉ាត់ម៉ោងតម្លៃ៦១០រៀល និងក្រោម១០គីឡូវ៉ាត់ម៉ោងតម្លៃត្រឹមតែ៤៨០រៀលប៉ុណ្ណោះក្នុងមួយគីឡូវ៉ាត់ម៉ោង ។ ការបញ្ចុះតម្លៃនេះគឺរាជរដ្ឋាភិបាលធ្វើជាអំណោយសម្រាប់ប្រជាពលរដ្ឋដែលមានចំណូលតិច ចេះសន្សំសំចៃក្នុងការប្រើប្រាស់ភ្លើងអគ្គិសនីកន្លងមក ។ លោករដ្ឋមន្ត្រីមានប្រសាសន៍បែបនេះក្នុងឱកាសជួបសំណេះសំណាលជាមួយលោកគ្រូអ្នកគ្រូចំនួន៥៤០នាក់់នៅស្រុកបាកានកាលពីថ្ងៃទី៦ វិច្ឆិកា កន្លងមកនេះ ។
លោករដ្ឋមន្ត្រី ស៊ុយ សែម បានលើកឡើងថា ប្រទេសកម្ពុជាយើងធ្លាប់ជាប្រទេសសេដ្ឋកិច្ចធ្លាក់ដល់កម្រិតសូន្យហើយអ្វីៗត្រូវរលាយបាត់អស់ទាំងស្រុងដោយសាររបបបនប្រល័យពូជ សាសន៍ ប៉ុន្តែក្នុងរយៈពេល១៧ឆ្នាំនេះក្រោមការដឹកនាំរបស់រាជរដ្ឋាភិបាលដែលមានសម្ដេចតេជោហ៊ុន សែន ជានាយករដ្ឋមន្ត្រីបានធ្វើឲ្យប្រទេសជាតិមានការរីកចម្រើនលើគ្រប់វិស័យ ហើយសេដ្ឋកិច្ចបានកើនឡើងក្នុងកម្រិតមធ្យម។ ផ្លូវជាតិ និងផ្លូវខេត្តសុទ្ធតែក្រាលកៅស៊ូពីផ្លូវដីសទៅជាផ្លូវក្រួសក្រហម និងពីផ្លូវក្រួសក្រហមទៅជាផ្លូវកៅស៊ូតភ្ជាប់គ្នាពីខេត្តមួយទៅខេត្តមួយដូចសរសៃរឈាម ។ យើងមានស្ពានធំៗឆ្លងទន្លេមេគង្គ និងទន្លេបាសាក់, មានកំពង់ផែទឹកសាបទឹកសមុទ្រ, មានផែស្ងួតសម្រាប់ទុកដាក់ទំនិញចេញចូល,ផ្លូវទឹកផ្លូវគោកផ្លូវអាកាស, វារីអគ្គិសនី,រោងចក្រផលិតធ្យូងថ្ម និងអគារខ្ពស់ៗជាដើម។ ការរីកចម្រើនលើគ្រប់វិស័យនេះគឺដោយសារប្រទេសយើងមានសុខសន្តិភាពពេញលេញ និងមានស្ថេរភាពផ្នែកនយោបាយពិសេសយើងបានជ្រើសរើសមេដឹកនាំត្រូវគឺសម្ដេចតេជោហ៊ុន សែន ជានាយករដ្ឋមន្ត្រី ។
លោកស៊ុយ សែម មានប្រសាសន៍ថា ការធ្វើវារីអគ្គិសនី និងធ្យូងថ្មគឺខាងគណបក្សប្រឆាំងមិនដែលឯកភាពម្ដងណាទេនៅពេលប្រជុំសភាម្ដងៗ ប៉ុន្តែដោយសារខាងគណបក្សប្រជាជនកម្ពុជាមានអាសនៈច្រើនជាងទើបដំណើរការទៅបាន ។ ដោយសារសេដ្ឋកិច្ចកើនឡើងបែបនេះហើយទើបរាជរដ្ឋាភិបាលបានដំឡើងប្រាក់ខែជូនមន្ត្រីរាជការ និវត្តជន និងកម្មករកម្មការិនីជាបន្តបន្ទាប់ ហើយនៅឆ្នាំ២០១៨ខាងមុខនេះទាបបំផុតមួយលានរៀលក្នុងម្នាក់ៗ។ ទាក់ទិននឹងស្រូវចុះថោកលោករដ្ឋមន្ត្រីបានពិភាក្សាជាមួយលោកអភិបាលខេត្តរួចហើយដើម្បីរកដំណោះស្រាយជូនកសិករ ដោយបានបង្កើតក្រុមការងារអន្តរមន្ទីរចុះត្រួតពិនិត្យតាមរោងម៉ាស៊ីនកិនស្រូវមើលស្រូវស្ងួតស្រូវសើម, អនុញ្ញាតឲ្យមានឈ្មួញកណ្ដាលឡើងវិញ, រកកន្លែងឲ្យកសិករលក់ស្រូវ និងជំរុញឲ្យកសិករមានជង្រុកនៅតាមផ្ទះចៀសវាងលក់ស្រូវទាំងបង្ខំតាមឈ្មួញនាំឲ្យស្រូវមិនបានថ្លៃ ។
ក្នុងឱកាសនោះ លោករដ្ឋមន្ត្រីស៊ុយ សែមបានផ្ដល់ថវិកាចំនួនបួនលានរៀលចូលរួមចាក់ដីក្នុងទីធ្លាអនុវិទ្យាល័យស្នាមព្រះ និងមួយលានហាសិបម៉ឺនរៀលទៀតសម្រាប់សង់ក្យូសនៅសាលាបឋមសិក្សាមេទឹកតាមការស្នើសុំរបស់លោកនាយកសាលា ។ ដោយឡែកលោកគ្រូអ្នកគ្រូទាំង៥៤០នាក់ជូនម្នាក់៣០០០០រៀលសម្រាប់ចាក់សាំង និងអាហារតាមផ្លូវផងដែរ ៕
ចែករំលែកព័តមាននេះ