រាជធានីភ្នំពេញ ៖ ក្រុមហ៊ុនអេឡិចត្រូនិក Zotac បានដាក់បង្ហាញផលិត Mini PCs ថ្មីដែលមាន VR និងអាចស្ពាយដូចកាតាបស្ពាយពីក្រោយខ្នងដែរ ។ ប៉ុន្តែក្រុមហ៊ុនគ្រោងនឹងបញ្ចេញកុំព្យូទ័រហើយអាចបំពាក់ខ្សែស្ពាយបាន
រាជធានីភ្នំពេញ ៖ ក្រុមហ៊ុនអេឡិចត្រូនិក Zotac បានដាក់បង្ហាញផលិត Mini PCs ថ្មីដែលមាន VR និងអាចស្ពាយដូចកាតាបស្ពាយពីក្រោយខ្នងដែរ ។ ប៉ុន្តែក្រុមហ៊ុនគ្រោងនឹងបញ្ចេញកុំព្យូទ័រហើយអាចបំពាក់ខ្សែស្ពាយបាន នេះបើតាមសារព័ត៌មាន Anandtech ។
ផលិតផលថ្មីនោះមានកម្លាំងដំណើរការម៉ាស៊ីន Intel Core i7 មានកាតរូបភាព GeForce GTX 1070 មានថ្មអាចដោះដូរបានមានរន្ធដោត USB ចំនួន២ និងមានប្រព័ន្ធ Proprietary Cooling System មាន DDR4 SO-DIMMs មាន Wifi ហើយវាមានទម្ងន់ស្រាលត្រឹមតែ4,5Kg មាន Ram ទំហំ8MB មានកម្លាំងថ្ម 9,000 mAh ចំនួន2 និងមាន Bluetoothជាដើម ។
ក្រុមហ៊ុនបានដាក់រន្ធ USB រន្ធ HDMI និងរន្ធភ្ជាប់ថាមពលនៅជ្រុងម្ខាងដែលមានភាពងាយស្រួលក្នុងការតភ្ជាប់ ។ ជាការពិតណាស់ វាមានអ្វីគ្រប់យ៉ាងនៅពេលយើងទិញតែវាមួយ តែក្រុមហ៊ុននៅមិនទាន់បញ្ជាក់ពីកាលបរិច្ឆេទ ច្បាស់លាស់ទាក់ទងនឹងការដាក់លក់ជាផ្លូវការក្នុងទីផ្សារ តម្លៃ និងកម្លាំងថ្មថាតើវាអាចកាន់ថ្មបានប៉ុន្មានថ្ងៃនៅឡើយ ។
មហិច្ឆតានៃការបង្កើតកុំព្យូទ័រស្ពាយលើស្មានេះមិនមែនមានតែក្រុមហ៊ុន Zotacទេ នៅមានក្រុមហ៊ុនផ្សេងៗទៀតជាច្រើនដែលមានគំនិតបែបនេះដូចជាក្រុមហ៊ុនកុំព្យូទ័រ Dell ក្រុមហ៊ុនHP ក្រុមហ៊ុន MSI ជាដើម ។
នាពេលកន្លងទៅក្រុមហ៊ុនក៏បានដាក់បង្ហាញផលិតផល Mini VR-Ready PC ថ្មីមួយដែលមានឈ្មោះថា Magnus ERX480 ដែលដំណើរការដោយប្រព័ន្ធ Windows 10 ៕
ចែករំលែកព័តមាននេះ